2 GHANGPUGHANG GUI 24:2 - Cho Bible Common Language 2016

² Bawipa naw abi law vai ah a changshäm prophet gui ung a pyen ah mäih ah, Babilonian, Sirian, Moabit la Ammonit gakap gui cu Judah m’di khai gui ah tüi gui ci.

2 GHANGPUGHANG GUI 24:2 Referans Kwoze

JEREMIAH 35:11

Cun ung phi Ghangpughang Nebuchadnezzar naw mi khawpäng a tuk law yah ung, Babilonian la Sirian gakap gui phiawn nak ah Jerusalem ah hteh vai ah kami k’bäi ci. Cun ah kyasei keimi Jerusalem ung kami om ah kyak ci.”

2 GHANGPUGHANG GUI 23:27

Bawipa naw pyen ci, “Kei naw Israel ah khan ah ka bi ah mäih ah Judah ah khan ah ka bik khai: Judah chang gui cu kei naw ka mät täng ungka naw ka k’täm gui khai, kei naw Jerusalem cu ka hnungtuk püi khai, cun cu mang gaw, Taigüim, kei na khawihnah nak vai ah hmun ah kei naw ka ghü te ah kyak ci.

EZEKIEL 19:8

Chang pakhui gui ani tuk khai gui ah ng’bum ci gui; A hmun päng ungka Chang gui lawk ci gui. Ngami naw sa pha nak ah ng’vai k’phiat u ne, ani cu ami cuun ung phak ci gui.

JEREMIAH 32:28

Kei naw shin ah mang gaw cu Babilonia ghangpughang Nebukhadnezzar la a gakap gui am ka pe lawk khai nei, ngami naw tu ne khäm khai gui,

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

2 GHANGPUGHANG GUI 20:17

Na mang im ungka a päng avan, tuhngawi güt ung na pupa gui naw ami m’cun m’seh a päng avan cu Babilonia ah ami hteh püi nak ah akhin gawk lawk khai nei. A i phi kä k’pawih khai nei.

2 GHANGPUGHANG GUI 6:23

Cun ah kyasei Israel ghangpughang naw aknui ah tu m’bei gui neta, ami ei awk pyi kawn ah Siria ghangpughang ah tüi ba gui ci. Cun ung tün ne Sirian gui naw Israel kho cu kä tuba ci gui.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

JEREMIAH 26:20

(Cun kawn ah ahei chang tumat om ba ci, ani cu she maiah hta Uriah kiriah Jearim ah ka ah kyak ci, ani naw Jeremiah ah mäih ah shin ah mang gaw la changpakhui cu hnungtuk ne Bawipa ah min gung thu pyen ci.

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

ISAIAH 13:5

Ngami cu khomdek ah ak cawi, shounn ciah-khopäng gui ah ka lawk ci gui nei. Bawipa naw am lungshe nak awn khaw avan cu m’dishum vai ah lawk ci nei.

ISAIAH 7:17

Bawipa naw nang ah khan ah, na chang gui ah khan ah, mang im kyongchang van ah khan ah, Israel khaw, Jndah ung ka ang pai kawn ung gawk law man ciah sheka pi ciah yaica nak ah hnüüp cu law püi khai nei — ani naw Assiria ghangpughang cu law püi khai nei.

JOB 1:17

Ani naw ang thu pyen k ä a phleh pha ung ahei changshäm naw law ne, “Chaldean bum thum gui naw kei mi ah law ne, na tu law gui ne, kalauk gui avan hteh püi ci gui, Changshäm gui avan ngawn ci gui, kei bäng ka pawih ci, Nang am ng’thu ning m’thein lawk khai ah kei bäng ka pawih ci nei.

2 SHONTÄP NAK 33:11

Cun ah kyasei Bawipa naw Assirian gabawi gui am Judah cu a tuk sak gui ah kyak ci. Ngami naw Manasseh cu pha u ne, m’si hling awn kaih u ne, m’si gui awn khit u ne, Babilon ah hteh püi ci gui.

ISAIAH 28:19

A cun naw nangmi cu a ngawi tä, a ngawi tä sei, ning tuk ba ba gui khai, Nangmi naw cun cu amü a hnüüp nami awt khai. Khanpughi ah ng’thu akthai päng naw cäicat vai akthai law püi khai!

JEREMIAH 12:9

Kei ah ka ghü ah chang gui cu k’phle gui naw avan ung vun ne ami tuk ah kha ah mäih ah kyak ci gui nei. Khisa gui law ne ei ami ei law tu vai ah khü gui vä!

JEREMIAH 25:1

Jasiah ah hta Jehoiakim Judah ghangpughang ah a kyak nak akum phli nak ung. Judah chang gui avan ah mawng ng’thu cu Bawipa ungka ka gah ci. (Cun cu Nebukhadnezzar Babilonia ghangpughang ah a kyak nak akum ät nak ung ah kyak ci.)

JEREMIAH 52:28

Shin cu Nebukhadnezzar naw pha ne a hteh püi gui ami guk ah kyak ci: Ghangpughang ah a kyak nak akum chih nak ung 3, 023 pha ne a hteh püi ci,

NG’ÄI KYAH 1:17

Kei naw ka kut ka shäng ci, cun ung phi a u naw kä na m’hteihtang khai. Bawipa naw ga gui cu kei na hnungtuk khai gui ah atäng päng ungka khü gui ci. Ngami naw kä ng’gängsei ciah chang ah mäih ah na om püi ci gui.

EZEKIEL 23:23

Kei naw Babilonian gui la Chaldean gui ami van, Pekod, Shoa, la koa ah Chang gui la Assirian gui ami van ka law püi gui khai. Kei naw cun ah Chang nong mang gui la bawi gui avan, küikyang ciah bawi gui la hlüng ciah ng’secum gakap bawi gui avan cu ka k’bum gui khai.

HABAKKUK 1:6

Kei naw Babilonian chang gui cu ka huham mah sak gui khai. Ngami cu theek ne pheet ci gui, Ngami naw khaw kaan ne a khaw hei phi näng khai gui nei.

2 GHANGPUGHANG GUI 22:16

shin ah Bawipa ah ng’thu cu pe gui ci: “Shin ah ca uk ung ami guk, ghangpughang naw a phat ah mäih ah, kei naw Jerusalem la a chang gui cu ka m’kyuk lawk khai nei.