2 GHANGPUGHANG GUI 23:3 - Cho Bible Common Language 2016

³ Ani cu mang ah k’tung pei ah ng’düi neta, ani läk khai pyen ne Bawipa ung thukhän bik ci, ang thukhän gui k’pang ne, amlung ngaih gui avan awn ang thumkhän gui yum ne, ca uk ung ami guk ah thukhän gui cu akcang ah ka bik khai ci sei, chang gui ami van naw thumkhäm cu k’pan vai ah shaitak ci gui.

2 GHANGPUGHANG GUI 23:3 Referans Kwoze

2 GHANGPUGHANG GUI 11:14

A cu ah ami thung man ah Taigüim vah luh nak ah tung pei ah ng’düi ciah ghangpughang akthai la ani koi ne ng’düi ci gui ah bawi gui, tumkhawng ci gui, ami van yeikyai ne m’lau ne phyungheng tum ci gui cu hmu gui ci. Ahtaliah naw a sui k’teek ne, am lung thüi sei, “Küknet nak nei! Küknet nak nei!” cine m’lau ci.

2 GHANGPUGHANG GUI 11:17

Taigü Jehoiada naw ghangpughang Joash la chang gui cu Bawipa ah thukhän ung luh sak gui sei ngami cu Bawipa ah chang ah kyak ci gui; ani naw ghangpughang la chang gui ah ng’lak ung phi thumkhän bi pe gui ci.

THULÄÄN NAK 13:4

Bawipa cu läk vä, ani cu m’taam vä, a pyen ah om ne ang thumkhän cu k’pang vä. Ani khawihnah ne ani ung bekhüt vä.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

THUSHÄUTU 8:2

Ghangpughang ah ng’thu nami ngaih vai, Khanpughi ah ang ghit ah shai kä nami tak vai.

NEHEMIAH 9:38

Shin ah a kyak gui avan ah phäh ah, keimi, Israel chang gui naw, bä ciah yumnak ca gu u ngä sei, kami ng’vai gui, kami Levit gui la kami taigü gui naw m’hnütnak awm cun cu m’hnüt ci gui.

EZRA 10:3

Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

2 SHONTÄP NAK 29:10

“Tuhbäi kei naw Israel Khanpughi Bawipa awn ng’thukhän bi vai ah ka k’bäi ci nei, cun ah kyasei ani cu mikmi ah khan ah kä m’lungshe ba khai nei.

2 SHONTÄP NAK 23:16

Taigü Jehoiada naw Ghangpughang Joash la chang gui cu a mät awn ng’dawn sak gui neta, ngami cu Bawipa ah chang ah ami kyak ah mawng thukhän bi püi gui ci.

2 SHONTÄP NAK 23:13

Phyung heng tum ci gui la gabawi gui naw koi u sei, Taigüim valuh nak k’tungnu pei ah ghangpughang ah ng’düih nak vai ami pyan nak ung ng’düi ciah ghangpughang ak thai cu hmuk ci. Chang gui ami van yei ne m’lau ci gui, phyungheng tum ci gui, Taigüim ung tumkhawng ci gui naw phi tumkhawng u sei pawi cu bik ci gui. Ani naw a sui k’teek ne, “Küknet nak nei! Küknet nak nei!” cine m’lau ci.

THULÄÄN NAK 29:1

Shin gui cu Bawipa naw Moses ung ang thumkhän ah thukhän gui ah kyak ci. Cun cu Moab khaw ung Israel chang gui ung abi ah kyak ci. Shin gui avan cu Bawipa naw Sinai M’htung ung ngami awn thukhän abi akbe nak ah kyak ci.

THULÄÄN NAK 11:13

“Cun ah kyasei tuhngawi kei naw ka ning pek gui ah thumkhän gui cu nami läk vai, Bawipa nami Khanpughi cu m’hni ne nami lung kyong avan awn abii nami bi vai.

THULÄÄN NAK 10:12

“Tuhbäi, Israel chang gui, Bawipa nami Khanpughi naw a i a ning thäh gui cu ngai vä. Bawipa khawihnah vä, a thumkhän avan bi vä, ani m’hni vä, nami m’lung kyong avan awn abi bi vä.

THULÄÄN NAK 8:19

Bawipa nami Khanpughi cu kä nami m’hnih vai, ahei khanpughi gui täng ah ng’hlat ne kä nami khawihnah tu vai, acun ah bii phi kä nami bi tu vai. Cun ah nami bi ah a kyak ung kei naw tuhngawi ka ning m’cäi gui cu, nangmi cu akcang ah nami di khai.

THULÄÄN NAK 6:5

Bawipa na Khanpughi cu nam lung kyong avan, na ngaih-tüh avan, na thagui avan awn nam hni vai.

THULÄÄN NAK 6:1

Shin gui cu ka ning m’theithang gui vai ah Bawipa nami Khanpughi naw ana thumkhän ah thukhän avan ah kyak ci. Nangmi naw khäm ne nami luh law nak ah khaw ung nami läk vai ah kyak ci.

THULÄÄN NAK 4:45

Cun cu Egypt khaw ungka ami law kawn ah Jordan tuinu ak kiangtäng khaw nawi, Bethpeor gawnu ah akga ung ani naw shin ah thukhän gui cu a pek gui ah kyak ci. Cun cu Amorit ghangpughang Sihon ah khäm ah khopäng kyong ah kyak ci. Ani naw Heshbon gawnu ung om ne uk ci. Moses la Israel chang gui naw Egypt ah kaa ami law sang ung ami hniim ah kyak ci.

PHYAWN NAK 24:3

Moses naw hteit ne Bawipa thumkhän la thuküi cu chang gui am m’thein gui ci. Chang gui avan naw a täng ah, “Bawipa ah pyen phung cu kami bik khai nei” cik ci gui.

JEREMIAH 34:8

Ghangpughang Zedekiah la Jerusalem chang gui naw yum ätnak bine

JEREMIAH 34:15

Hnüüp api lung lawk ci ung nangmi nam nami m’lung m’thawng u ne kei ah yei nak vai cu nami bik ci. Nangmi nami van naw nami Israel paw gui m’hlawt gui vai ah nami yum ci, Taigüim kyong kei nami na khawihnak nak, keiah maung nangmi naw thukhän nami bik ci.

2 SHONTÄP NAK 15:15

Ngami naw shin ah thukhän cu ami m’lung kyong avan awn bi u neta Judah chang gui ami van cu yeikyai ci gui. Ngami naw Bawipa khawihnah nak ung yeikyai u sei, ani naw dou pe gui ne khaw ng’nü ung dimdeih nak pe gui ci.

NEHEMIAH 5:13

Cun kawn ah kei naw ka khei pat nak cu suut ne, k’thüng neta, “Nangmi ungka a shaitak kä k’pang cicu Khanpughi naw ashik cha ah bik khai. Khanpughi naw nami im gui la nami khawh gui avan cu ashik cha ah la yawp khai, nangmi cu ak plui ah ning nawng gui khai.” Cun ung om tuk ci phung naw pyen u ne, “Amen” cik ci gui, Bawipa m’hlüngtai ci gui. Ami ng’vai gui naw ami shaitak cu k’pang ci gui.

NEHEMIAH 10:1

Ak htük bäi ung m’hnüt nak guk cicu uktubawi, Hakaliah ah hta Nehemiah, cun kawn ah Zedekiah naw guk ci. Cun kawn ah shin gui naw phi guk ci gui: Seraiah, Azariah, Jeremiah, Pashhur, Amariah, Malchijah, Hattush, Shebaniah, Malluch, Harim, Meremoth, Obadiah, Daniel, Kinnethon, Baruch, Meshullam, Abijah, Mijamin, Maaziah, Bilkai, and Shemaiah, Azariah ah hta Jeshua, Henadad pahta Binnui, Kadmiel, Shebaniah, Hodiah, Kelita, Pelaiah, Hanan, Mika, Rehob, Hashabiah, Zakkur, Sherebiah, Shebaniah, Hodiah, Bani, la Beninu. Parosh, Pahath, Moab, Elam, Zattu, Bani, Bunni, Azkad, Bebai, Adonijah, Bikvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai, Makpiash, Meshullam, Hezir, Meshezabela, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabnah, Maaseiah, Ahiah, Hanan, Anan, Malluch, Harim and Baanah.