2 GHANGPUGHANG GUI 22:3 - Cho Bible Common Language 2016

³ A uknak akum gha lei cheit nak ung, Ghangpughang Josiah naw yungbawi Shaphan, Azaliah ah hta, Meshullam ah tu cu, shin ah ng’thu k’bäi ne, Taigüim ah tüi ci:

2 GHANGPUGHANG GUI 22:3 Referans Kwoze

2 GHANGPUGHANG GUI 12:10

M’küm ung ngui ada law ah a kyak ung mang im bawi la taigütung naw law ne, ngui cu m’shüi ne khin ci gui.

JEREMIAH 1:2

Amon ah hta Josiah, Judah ghangpughang ah a kyak nak, akum gha lei thum nak ung Bawipa naw Jeremiah am ng’thu pyen ci.

2 GHANGPUGHANG GUI 23:23

Tuhbäi ak hnu ah Josiah ah a uknak a kum gha lei cheit nak ung, phyawn nak pawi cu Jerusalem ung ami bi ah kyak ci.

JEREMIAH 36:10

Chang gui ami van naw ami ngaih sang ung, Baruk naw ca k’chaw ung om ci nü kei naw ka pyen nak phung cu phat ci. Ani naw cun cu Taigüim kyong, Shaphan ah hta Kemariah, yung secretary ah a khan ung abi ah kyak ci. Ani ah khan cu ak khan khan kyong Taigüim, m’kawt thai luh nak ah pei ung om ci.

JEREMIAH 36:11

Mikaiah, Kemariah hta, Shaphan ah tu naw la k’chaw ung Bawipa ah pyen gui Baruk naw a phat cu ng’yak ci.

JEREMIAH 36:12

Cun kawn ah ani cu Bawimang im ah kyong, yung secretary ah a khan, bawi gui ami van ah ng’bum nak ah hteit ci. Elishama yungbawi Shemaiah ah hta Delaiah, Achbor ah hta Elnathan, Shaphan ah hta Kemariah, Hananiah ah hta Zedekiah la bawi gui ami van cu a cu ah om ci gui.