2 GHANGPUGHANG GUI 21:3 - Cho Bible Common Language 2016

³ Apa Hezekiah naw a phyeet ah khongyo khawihnah nak ah hmun gui cu co ba ci; Israel ghangpughang Ahab naw abi ah mäih ah Baala khawihnah nak vai ah sonkiang co ba ne, khanpughinu Asherah ah a gup phi pyang ci. Manasseh naw aisi gui phi khawihnah ci.

2 GHANGPUGHANG GUI 21:3 Referans Kwoze

2 GHANGPUGHANG GUI 18:4

Ani naw khongyo khawihnah nak ah hmun gui cu m’di ne, lung tung gui cu gäi ne, khanpughinu Asherah ah gup phi tu payak ci. Moses naw a pyan ah kyei phyu gup, Nehushtan ah ami sui cun phi khui ne deng khai ah m’shet ci. A cun ah khin ung khüt khai ah Israel chang gui naw ang ui m’khih ne m’tamkhah ci gui.

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

THULÄÄN NAK 17:3

Cun cu a hei khanpughi gui, kä cun ung khohni, kä cun ung cha, kä cun ung aisi gui khawihnah ne, ami bii bi ne, Bawipa ah thukhän a hnu ng’hlah nak püi ah kyak ci.

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

MIKHAH 6:16

Shin gui ah a kyak law cu ghangpughang Omri la ahta Ahab ah omshe nami läk ah phäh ah kyak ci. Ngami ah bi cu nami läk lä ung di nak ung ka ning hteh püi gui khai. Chang van naw ning päipih khai, khaw nü ah chang naw nin m’kyuk khai gui” cik ci.

JOB 31:26

Kei naw khohni ah a pyü khang cu kä ka khawihnah phung ci nei. A kyom ah phäh ah cha phi kä ka khawihnah ci nei.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

2 SHONTÄP NAK 32:12

Ani naw Bawipa khawihnah nak gui la sonkiang gui cu phye ne, sonkiang tumat bäng ung tui ng’ui m’khih ne khawihnah vai ah Judah la Jerusalem chang gui cu pyein ah gui ci.

2 GHANGPUGHANG GUI 18:22

Assirian bawi naw pyen ba ne, “Nangmi naw nami Khanpughi Bawipa a i hlawk ah nami ngaih u cu na na m’thein khai ang? Hezekiah naw Jerusalem ah sonkiang bäng ung khawihnah vai ah Judah chang gui a pyen nak gui yah ung, Bawipa ah kiaang gui la sonkiang gui cu a m’shet ah kyak ci.

2 GHANGPUGHANG GUI 8:27

Ahaziah cu ghangpughang Ahab awn ng’kawi cang nak awn mätyah ah kya ne, Ahab ah kyong chang gui ah bi ah mäih ah ani naw Bawipa hnungtuk püi ne katnak bik ci.

2 GHANGPUGHANG GUI 8:18

Ani ah chu cu Ahab ah hta ah kyak ci, ani cu Ahab ah mäih ah Israel ghangpughang gui ah mi shetnak bäng cu läk ci. Ani naw Bawipa hnungtuk ne katnak bik ci,

1 GHANGPUGHANG GUI 18:26

Ngami naw ami thak law gui ah vantang cu la ne, pyang u neta, khaw hnüüp law güt sei Baala ah taigü ci gui. Ngami m’lau u ne, “Baala aw, na m’shang gui ä!” ci u ne, ami cawh ah sonkiang cu veing ne ng’lam ci gui. Cun ung phi a i ah m’shan nak phi kä gawk lawk ci.

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

THULÄÄN NAK 16:21

“Nami Bawipa Khanpughi ah hmawk ah sonkiang nami pyan ung khanpughinu Asherah ah sing awn pyan ah a gup cu a pei ah kä nami tha en vai.

THULÄÄN NAK 17:2

Gawnu tumat ung pami, kä cun ung hnumi naw katnak bi neBawipa a hnungtuk püi nak la thumkhän am shet nak cu nami ng’ya man khai.

THULÄÄN NAK 20:18

Cun ung ngami naw ami khanpughi gui ami khawihnah nak ung ami bi ah shemshai ci gui avan ning m’theithang gui u ne, Bawipa hnungtuk püi ne nami shekak khai ah kä ning ci gui hlawt khai gui.

JEREMIAH 7:30

“Judah chang gui naw akshe bik ci gui nei. Ngami naw kei naw ka thüi nak ah a gup gui cu ka Taigüim ung tha u ne, Cun cu lelawi sak ci gui nei.

2 GHANGPUGHANG GUI 13:6

Cun ung phi ghangpughang Jeroboam naw Israel gui a hteh püi nak gui ah katnak cu ngami naw kä ng’hla ta phak ci gui, k’täi ne hma lä ci gui; khanpughinu Asherah ah a gup phi Samaria ung om lä ci.

ISAIAH 65:11

Cun ung phi kei na nawng ne, kei ah theing ciah m’htung Zion nawng ne, ma hmat nak, ma m’khin nak ah khanpughi ah kyak ciah kad la meni khawihnak ciah nangmi ah phäh ah a kahnga ah kyak khai.