2 GHANGPUGHANG GUI 2:9 - Cho Bible Common Language 2016

⁹ Acu ah, Elisha am, “Kei a hei ah kä ka hteh pha ung, ka ning bi pek vai ah na ng’yak hlü cu na m’thein ä” pyen nak ci. Elisha naw, “Nang ah hnün ung ka bi nak hning vai ah na huham cu na gah tu sak ä” cik ci.

2 GHANGPUGHANG GUI 2:9 Referans Kwoze

KHEI NAK 11:17

Kei naw kyum law ne a cu ah ka ning thu püi khai. Kei naw nang am ka ning peik ah mümcha amshah cu la neta, ngami am ka pe gui khai. Shin ah chang gui ah phäh ah tängpang vai gui cu ngami naw ning bawm khai gui, na mät bäng naw na tängpang vai ah kä kyak khai.

THULÄÄN NAK 21:17

Ani naw a hta htük cu am hni pi ah chu ah hta ah kä a kyak ung phi, a khawh akpai law gui ung ani am a goi ah a pek vai. Chang naw a hta htük cu a yum vai, ani cu ng’hlawi ciah hta tahnga ah kyak sei, ak chaw cu pek vai.

JOHAN 16:7

Cun ung phi kei akcang ka pyein cu, kei ka hteh law ung nangmi ah hmawk ah ni pi khai. Kei kä ka hteh ung ning m’htei gui khai cu kä lawk khai. Kei ka hteh ung vah cun ah Mumcha Theing cu ka ning tüih law gui khai.

LAMKTU 8:17

Cun kawn ah Peter lah Johan naw ami khan ah ani kut taih ni khä tah ngah mi cu Mumcha Theing gah ci gui.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

KHEI NAK 11:25

Cun kawn ah Bawipa naw khaw ng’mei ung law neta, ng’thu püi ci. Ani naw Moses am a peik ah mümcha amshah cu la neta angvaihta chihkip am pe gui ci. Ngami ah khan ah mümcha gawk law khäta, ngami cu prophet gui ah mäih ah m’lau ci gui. Cun ung phi akshou kä m’lau ci gui.

1 TIMOTHI 5:17

Khanpughi ah khuut bik ciah ak tahnga gui cu, ng’cheng a goi thum ah gah khin ci gui ah nami hmat vai nei. Thu Ni ng’shäu ci gui la m’theingthang bilo ci gui cu ak tung pi ah gah khin ci gui nei.

1 KORIN 12:31

Cun ah kyasei nangmi naw küikyang pi ciah m’cümhnah nak cu nami m’lung ung khän sak vä. Cun ah küikyang pi ciah m’cümhnah nak cu ka ning m’dang gui khai nei:

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

ZEKHARIAH 9:12

Law ba vä, ami k’täm ah chang gui, Tuhbäi nami ngaih u vai om ci nei; Phyawn nak ah nami hmun ung law ba vä. Tuhbäi kei naw ka ning m’thein gui cu, Nami geinvai nak avan ah khan ah, a goi ah hriham ka ning pe gui khai nei.

SAM 72:20

Shin cu Jesse ah hta David ah taigü ang pyi nak ah kyak ci.

1 GHANGPUGHANG GUI 3:9

Cun ah kyasei cüivai nak cu na peä, kei naw na chang gui taga khai ah ka uk vai hlü ci nei, akni la akshe ah ng’lakmah nak ka hmat vai hlü ci nei. Kä cunung, shin ah dämduh ciah na chang gui cu a i hawk cha ah kei naw ka uk thei khai aw?”

THULÄÄN NAK 34:9

Nun ah hta Joshua cu cüivai nak awn be ci. A i ah kyasei ci ung Moses naw ani cu a hnün ung ngok khai ah amdüih shüt ah kyak ci. Israel chang gui naw Joshua ah ng’thu cu läk u ne, Bawipa naw Moses ung a pek gui ah thumkhän gui cu pang ci gui.

SAM 72:1

O Khanpughi, na düng nak awn am khoicha thei vai ah ghangpughang cu m’theithang ä; Na mät ah düng nak cu m’shumphyuk ä,

1 GHANGPUGHANG GUI 19:16

Nimshi ah hta Jehu cu Israel ghangpughang ah hmoh ä, Abel Mehola ungka Shaphat ah hta Elisha cu nang ah hnün ung prophet ah kya ba khai ah hmoh ä.