2 GHANGPUGHANG GUI 2:6 - Cho Bible Common Language 2016

⁶ Cun kawn ah Elijah naw Elisha pyen nak ci, “Tuhbäi shin ung om shüt ä; Jordan tuinu ah ka hteh vai ah Bawipa naw ng’thu nak bäi ci nei.” Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu hteit u sei,

2 GHANGPUGHANG GUI 2:6 Referans Kwoze

2 GHANGPUGHANG GUI 2:2

Lam ung ani hteh sang ung Elijah naw Elisha a pyen nak cu, “Shin ung tuhbäi ana om mä; Bawipa naw Bethela ah ka hteh vai ah ng’thu nak bäi ci nei.” Cun ung phi Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Bethela ah hteit ci gui.

JOSHUA 3:8

Thukhän M’küm kawt ciah taigü gui cu na pyen nak gui vai, tui ung mi gawk ah a kyak ung, tui ung va ng’leh neta tui kam ung ami ng’düih vai.”

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

ATÜNNAK 22:6

Abraham naw Isaak am sing kawh sak ne, a mät naw khim la mei k’cak kawt sei hteit ci goi. Hteit shäng shäng ni neta,

RUT 1:16

Cun ung phi Ruth naw, “ka ning nawng vai ah kä na pyen vai nei! Na hteh nak päng ah, ka hteit tuk khai nei; Na om nak päng ah ka om tuk khai nei. Na chang gui cu ka chang na tuk khai, na Khanpughi cu ka Khanpughi na tuk khai.

1 SAMUEL 1:26

Hannah naw ani am, “Saya, na ngaih pe ä. Kei cu na na shüm ba ne ang? Kei cu shin ung düi ne Bawipa ah taigü ngä sei, na na hmuh ah hnumi nei.

2 GHANGPUGHANG GUI 4:30

Hnumi naw Elisha am, “Kei naw ka bekhüt nak ah ghing ciah Bawipa la nang ung ka ng’khän ci nei, nang kä na hteh tu ung kei kä ka hteit ba khai!” cik ci. Cun ah kyasei ngani cu a täng ah hteit ci goi.