2 GHANGPUGHANG GUI 2:5 - Cho Bible Common Language 2016

⁵ A cu ah om ciah prophet ng’bum gui naw Elisha hteh shi neta ng’shik ci gui, “Tuh ngawi Bawipa naw na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

2 GHANGPUGHANG GUI 2:5 Referans Kwoze

2 GHANGPUGHANG GUI 2:3

A cu ah om ciah prophet bum gui naw Elisha hteh shi neta ng’shik ci gui, “Tuhngawi Bawipa naw, na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

LAMKTU 1:11

“Kalile chang gui, a i ah kyak seih khankho ng’düi ne nami dan ang? Nang mi ung ka, nami hmuh ge ah khankhaw ah kai ciah Bawipa Jesuh cuh, acun ah mäih ah kyum law ba khai nei” cine pyein ci gawi.

LAMKTU 1:2

Khankho ah akai ba ung khüt ciah kya ci. Cun ah kä ah kai pha ung a ghü gui ah ang düihpüi gui cu Mumcha Theing awn lam shüm gui shüt ci.

LUKA 24:51

Cun ah hrilham a peit gui yah ung, Bawipa Jesuh cu ang düihpüi gui ah ma ungka pawng ne, khankho ah kai ba ci.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

ISAIAH 41:1

Khanpughi naw pyen ci, “Düm ah, kei cu na ngai vä, nangmi kho asho khaw ah ka gui! Nami mawngma cu yung ah m’kai vai ah pawng püi ge vä; Nangmi nami ng’thu nak hning vai om khai nei.

THUSHÄUTU 3:7

K’teh nak ah a khin om ne, chui ba nak ah khin om ci; Düm ah om nak ah a khin om ne, ng’thu htau nak ah a khin om ci;

ATÜNNAK 48:19

Apa naw ma neta, “Ka hta aw, ka hmat ci nei, ka hmat ci, Manasseh ah hta ng’shon cun phi chang kuikyang ah kyak khai nei. Cun ung phi anau cu cun ah däm pi ne, ani ah ng’shon cu pakhui küi ah kyak khai nei” cik ci.

LAMKTU 26:25

Paul naw, “Ghangpughang aw, kei ak gu ah kä ka kyak ci nei, ak cang cu ngaih na ne ka pyein nei.

1 SAMUEL 10:5

Cun kawn ah nang cu Gibeah ah Khanpughi ah khaw gui ah ni hteh vai, acu ah Philistin gui ah phung om ci. Gawnu ah luh nak m’kawt ung, khaw gui ah sonkyang ah ka kyum law ba ciah prophet bum ät awn nami ng’hmuk khai, ngami cu tingtäng ni, k’hting ni, phyung lawi ni, tingtangnu ni tum ci gui. Ngami cu ng’lam khai gui, m’lau khai gui.

AMOS 7:14

Amos naw, “Kei cu ng’cheng dou ne ng’cäbang ciah prophet ah mäih ah kä ka kyak ci. Kei cu sei shäm ciah ka kyak ci, theising gui ka m’htei ci.

1 GHANGPUGHANG GUI 20:35

Bawipa ah thumkhän ah kyasei prophet ng’bung ungka prophet tumat naw a prophet paw am a thah vai ah pyen ci. Cun ung phi ani mak ci,

2 GHANGPUGHANG GUI 4:1

Prophet gui ungka tumat ah hmeinu cu Elisha ah law neta, “Saya aw, kei ka cei cu sik ci nei! Na hmat ah mäih ah ani cu Khanpughi kyih aa ciah kyak ci, cun ung phi ani naw ngui apu nak ah chang naw law ne, apu ah phäh ah ka hta goi cu hteh püi ne shäm goi khai ah pyen ci nei” cik ci.

2 GHANGPUGHANG GUI 5:22

Kehazi naw, “Ka nei, cun ung phi a tuhbäi ng’lung, Ephraim khomhtung ah hnih lawk ciah prophet ng’bum cu gawk law u sei, ka bawi naw ka ning m’thein gui vai pyen ci. Ngami am nangmi naw ngui pit phia thumkip la suinu ni ng’yung goi cu nami pek gui vai ah ng’ya hlük ci nei” cik ci.

2 GHANGPUGHANG GUI 6:1

Hnüüp ät ung Elisha ah aka ung om ciah prophet gui naw ami pyen law cu, “Kami om nak ah hmun cu yaw hta aih ci!

2 GHANGPUGHANG GUI 9:1

Cun yah ung prophet Elisha naw chang nong prophet cu khü neta a pyen nak cu, “Pawng ne, Kilead kho Ramoth ah hteit ä. Shin ah oliv-situi k’am hteh püi ä,