2 GHANGPUGHANG GUI 2:2 - Cho Bible Common Language 2016

² Lam ung ani hteh sang ung Elijah naw Elisha a pyen nak cu, “Shin ung tuhbäi ana om mä; Bawipa naw Bethela ah ka hteh vai ah ng’thu nak bäi ci nei.” Cun ung phi Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Bethela ah hteit ci gui.

2 GHANGPUGHANG GUI 2:2 Referans Kwoze

2 GHANGPUGHANG GUI 2:6

Cun kawn ah Elijah naw Elisha pyen nak ci, “Tuhbäi shin ung om shüt ä; Jordan tuinu ah ka hteh vai ah Bawipa naw ng’thu nak bäi ci nei.” Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu hteit u sei,

2 GHANGPUGHANG GUI 4:30

Hnumi naw Elisha am, “Kei naw ka bekhüt nak ah ghing ciah Bawipa la nang ung ka ng’khän ci nei, nang kä na hteh tu ung kei kä ka hteit ba khai!” cik ci. Cun ah kyasei ngani cu a täng ah hteit ci goi.

2 GHANGPUGHANG GUI 2:4

Elijah naw Elisha aw, “Tuhbäi shin ung om shüt ä; Jerikho ah ka hteh vai ah Bawipa naw thu nak bäi ci nei” pyen nak ci. Cun ung phi Elisha naw, “Ka bekhüt nak la ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Jerikho ah hteit ci gui.

1 SAMUEL 1:26

Hannah naw ani am, “Saya, na ngaih pe ä. Kei cu na na shüm ba ne ang? Kei cu shin ung düi ne Bawipa ah taigü ngä sei, na na hmuh ah hnumi nei.

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

1 GHANGPUGHANG GUI 12:33

Ani naw am hnüt nak ah hnüüp ah kyak ciah a cha nak ah a hnüüp gha lei hma ung, ani cu Bethela ah hteit neta pawi abi sangung, sonkiang ung khawihnah nak cu douthak ci, cun cu Israel chang gui ah hmawk ah ani naw akbäi ah abi ah pawi ah kyak ci.

1 SAMUEL 25:26

Na ga gui ah khan ah phu tu ne, na ngawn nak gui vai ung ka, Bawipa naw ning k’pang ci nei. Ghing ciah Bawipa ung aktung ah ka pyen cu na ga gui la nang ning hnim hlük ci gui avan cu Nabala ah mäih ah m’kyuk nak gah khai gui nei.

ATÜNNAK 28:19

Cun ah hmun cu Bethela ah a ming sui ci (cun ah gawnu ah aming phyim cu Luz ah kyak ci.)

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

1 GHANGPUGHANG GUI 12:29

Ani naw vantang-ghui gup tumat cu Bethela ung tha ne, a hei tumat cu Dan ung tha ci.

1 SAMUEL 17:55

David naw Koliath tuk khai ah a hteh cu Saul naw hmu neta, gabawi, Abner cu ng’shik ci, “Abner, Ani a u ah hta ang?” Abner naw, “Bawi Mang, kä ka hmat ci nei” cik ci.

1 GHANGPUGHANG GUI 12:28

Cun ah ang ngaih-tüh kawn ah, ani naw vantang-gup hnih cu ghui awn pyang neta, a chang gui cu pyen na gui ci, “Nangmi cu Jerusalem ah khawihnah vai ah nami hteh nak shou law pyi ci. Israel chang gui, shin goi cu nangmi Egypt khaw ah ka ning law püi ba gui ciah nami Khanpughi goi ne! cik ci.

2 GHANGPUGHANG GUI 2:23

Elisha cu Jerikho ungka naw Bethela ah hteit ci, lam ah gawnu ah ka a hmaw gui cu law u neta ng’pyan nak ci gui. “Alu k’de nu shin ungka a hei ah hteit ä” cine m’lau ci gui.