2 GHANGPUGHANG GUI 18:3 - Cho Bible Common Language 2016

³ Ani naw apughi ghangpughang David cu läk ne, Bawipa naw a yeinak vai ah bii bik ci.

2 GHANGPUGHANG GUI 18:3 Referans Kwoze

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

2 SHONTÄP NAK 29:2

Ani naw apughi David Ghangpughang ah mäih ah Bawipa naw a yeikyai nak vai ah bilo ci.

2 GHANGPUGHANG GUI 22:2

Josiah naw Bawipa ah yeikyai nak vai ah bii bik ci; ani naw apughi ghangpughang David ah bilawh gui cu läk ci, Khanpughi ah thukhän gui cu aküi ah läk ci.

1 GHANGPUGHANG GUI 15:11

Asa naw apughi David ah bi ah mäih ah Bawipa naw a yeinak vai ah bik ci.

1 GHANGPUGHANG GUI 15:5

Cun ah Bawipa naw abi cu a i ah kyasei ci ung David naw ani ah yeikyai nak vai bi ne, Hittite chang Uriah chang ah mawng ah kawn ah, ani ah ah thumkhän kä läk nak api phi kä a om ah hmawk ah kyak ci.

1 GHANGPUGHANG GUI 11:38

Nang naw kei cu akbe ah na ng’ngai ne, ka thukhän awn ghing ne, ka changshäm David ah bi ah mäih ah, ka thumkhän ah mäih bi ne, ka ng’yak hlü ah na om ah a kyak ung, kei naw angtäi sei ka ning om püi khai. Kei naw nang cu Israel ghangpughang ah ning pyang ne, nang ah kawn ah na hta ng’shon gui naw ami uk vai cu ng’hteicha khai ah ka bik khai, cun cu David ung ka bi ah mäih ah kyak ci.

1 GHANGPUGHANG GUI 11:4

ani a ghi law kawn ah ngami naw ani cu a khawhei khanpughi gui khawihnah nak ung luh püi sak ci.

1 GHANGPUGHANG GUI 3:14

Kei na ng’ngai ne ka thukhän gui la ka thumkhän gui cu na pa David ah mäih ah na k’pan ah a kyak ung kei naw ghin nak ang sau ka ning pek khai.”

THULÄÄN NAK 6:18

Bawipa ah pyan cu bä ne nik ci kyasei, acun ah nami bi vai. Cun ung avan cu nangmi ung bä khai nei. Nami pupa gui am Bawipa naw shai atak ah anglei nik ciah khaw ung khawh c u nangmi naw nami gah khai.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

EPHESIAN 6:1

Hta hmaw gui, nami nupa ah thu cu nami läk vai, cun cu khritha gui ah bi vai ah kyak ci.

ROMAN 7:12

Cun ah kya sei thukhän cu theing cim ci, thukhän cu ng’cim ne, ng’düng ne, nik ci.

SAM 119:128

Cun ah kyasei, kei naw na m’shüm thein avan cu ka läk ci; akshe lam avan cu ka thüi nak ci.

THULÄÄN NAK 10:12

“Tuhbäi, Israel chang gui, Bawipa nami Khanpughi naw a i a ning thäh gui cu ngai vä. Bawipa khawihnah vä, a thumkhän avan bi vä, ani m’hni vä, nami m’lung kyong avan awn abi bi vä.

2 GHANGPUGHANG GUI 12:3

Cun ung phi, khongyo khawihnah nak ah hmun gui cu kä ami phyeet ah kya ne chang gui naw a cun ung khawihnah douthak ne ang ui gui m’khih ne phi khawihnah ci gui.

2 GHANGPUGHANG GUI 14:3

Ani naw Bawipa ah yeinak vai ah bik ci, cun ung phi ani cu a pughi ghangpughang David ah mäih ah kä kyak ci, ani naw apa Joash ah bi ah mäih ah bik ci.

ISAIAH 38:3

“Na shümbaä, Bawipa, kei naw bekhüt nak la düng nak awn nabi ka bik ci nei, nang naw ka bi vai ah na ng’yak hlü gui cu k’tha na ne ka bik ci nei,” Cun ci neta ani cu aktä ah kyap ci.