2 GHANGPUGHANG GUI 17:3 - Cho Bible Common Language 2016

³ Assiria uktubawi Shalamanese naw ani cu ng’tuk püi ci, Shalamanese cu shung neta akum tä sei ani am k’phlam pek ci.

2 GHANGPUGHANG GUI 17:3 Referans Kwoze

HOSEA 10:14

ng’tuk nak cu nami chang gui ah gawk law khai, Nami pigaw khäng gui avan cu di khai gui. Cun ah hnüüp cu ghangpughang shalman naw ng’tuk nak ung betharbel a mang gaw cu m’di ne, hnumi gui la ami hta nau gui güüt ne a ngawn gui ah mäih ah kyak ci.

2 GHANGPUGHANG GUI 18:31

Hezekiah cu kä nami ngaih vai. Assiria uktubawi naw ning thumkhän gui ci, mang gaw ah akpung ah lut law ne nami dawkphah vai. Nami van naw nami sapyit phung ungka sapyit nami ei khai, nami thei ghing ungka thei nami ei khai, nami mät ah tui shawk ungka tui nami awk khai —

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

2 GHANGPUGHANG GUI 15:19

Tiklath Pileser, Assiria uktu naw Israel cu tu lawk ci, Menahem naw ani ah k’püi nak a gah vai la Menahem ah huham naw khaw avan a uk vai ah ngui phia thumkip lei phli kilogram cu pek ci.

2 SAMUEL 8:6

Cun kawn ah ani naw ami khaw ung gakap hmun k’süm ci, ngami cu ani ah chang ah kya law u ne, phlam phi ani am pek ci gui. Bawipa naw David am a khawpäng ung näng nak pek ci.

2 SAMUEL 8:2

Cun kawn ah Moab chang gui hnim gui ci. Ani naw thawng kyum gui cu m’dek ung ng’yän sak gui neta thum ungka hnih ci laih laih ngawn gui ci. Cun ah kyasei Moab chang gui cu ak chang ah kya u ne, phlam phi ani am pek ci gui.

2 GHANGPUGHANG GUI 17:2

Ani naw Bawipa hnungtuk püi ne katnak bik ci, cun ung phi ani ah ma ung Israel ukman ciah ghangpughang gui ah ta bä tuba ci.

2 GHANGPUGHANG GUI 17:4

Cun ung phi kum ät ung Hoshea naw Egypt ghangpughang So ah ng’shä tüi ne, ani naw abawm tu vai ah pyen neta Assiria am phlam kä pek ba ah om ci. Shalamanese naw cun cu hmat law neta Hoshea cu pha ne thawng ung chum ci.

NEHEMIAH 9:32

“O Khanpughi, kami Khanpughi, a i hlawk ah na dämduh ci ang! A i hlawk ah kyih vai kya ne, a i hlawk ah na huham mah ci ang! Na thukhän shaitaak cu nang naw bekhüt ne na k’pang ci nei. Asirian ghanpughang gui naw ami nak shedam nak gui ungka naw, tuhngawi güt ung, a i hlawk ah keimi kami yaica ci ang! Kami ghangpughang gui, kami ng’vai gui, kami taigü gui, prophet gui, kami pupa gui, kami chang gui avan yaica ci gui. A i hlawk ah kami yaica cu na shüm gui ä!

EZEKIEL 23:5

Oho lah cu ka Chu ah kya pang, ne phi pawn zau Chang ah kya lä ci. Assiria ah ka am hni gui ah phäh ah akbe ah gäng tha ci.

HOSEA 10:4

A kholä ah ng’thu u ne, kä hman ciah shaitak u ne, kä mangca phyak khai ah ami om gui, taga nak cu kä taga nak ah kya law ne loma ah m’gui man ah ng’shun a däm law ah mäih ah kyak ci.

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

2 GHANGPUGHANG GUI 15:20

Cun ah ngui cu Menahem naw bühmang ciah Israel gui am tumat ung ngui hmakip ciah a loh sak gui ah kyak ci. Cun ah kyasei Tiklath Pileser cu a khaw ah hteit ba ci.

2 GHANGPUGHANG GUI 18:7

Cun ah kyasei ani cu Bawipa naw a täng ah om püi ci, a bi lawh phung ung m’khüt näng nak om ci. Ani naw Assiria uktubawi cu hnungtuk püi ne, ani ah ma ah kä ng’yom phung ci.

ISAIAH 8:8

Ngami naw Judah khaw avan cu kui ne küm u ne, phleing ung khüt sei k’plüm ne apäng avan küm khai gui” cik ci. Khanpughi naw na om püi gui ci! Ak phyaat ah ang phya naw mi khaw cu shungvong ci.

ISAIAH 17:4

Bawipa naw pyen ci, “Israel gui ah däinduh nak ang pyi nak vai ah hnüüp cu gawk lawk ci nei. Ani ah bühmang nak ah hnün ung du khaih nak gawk lawk khai nei.

HOSEA 8:10

Cun ung phi tuhbäi kei naw hteit ne k’bum gui ne ka m’kyuk gui khai. Kä shou pha sei ngami cu Assiria uktu bawi ah shedam nak gah lawk khai gui. Ngami cu ng’hleei lawk khai gui.