2 GHANGPUGHANG GUI 16:3 - Cho Bible Common Language 2016

³ Israel ghangpughang gui ah bi gui cu läk ci. Israel gui ami kai law yah ung shin ah khaw ungka Bawipa naw ak täm gui ah ami ma ah chang gui ah shemshai ciah bilawh cu thei tu ne, amät ah hta cu mei awn m’khih ne douthak ah a gup cu khawihnah nak ci.

2 GHANGPUGHANG GUI 16:3 Referans Kwoze

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

TAIGÜTHUM 18:21

Molek khanpughi khawihnah nak ung mang vai ah, na hta nau cu kä na ap gui vai. Acun naw Bawipa Khanpughi ah a ming ah thuui nak vai cu law püi khai nei.

2 GHANGPUGHANG GUI 21:2

Ak chang gui ami kai law yah ung Bawipa naw khaw ungka aktäm gui ah chang gui ah shemshai ciah khawihnah nak gui cu läk ne, Manasseh naw katnak bi ne, Bawipa cu hnungtuk püi ci.

2 GHANGPUGHANG GUI 21:11

“Ghangpughang Manasseh naw shemshai ci gui cu bik ci, cun gui cu Kanaanit gui ah bi ah ta sheka pi ci; Ani naw a gup gui awn Judah chang gui cu katnak ung hteh püi ci.

2 GHANGPUGHANG GUI 17:17

Ngami naw ami hta hnumi, pami gui cu m’khih-douthak nak ah pyang ne, khongyo khanpughi gui cu khawihnah ci gui; ngami naw khogam ah kai gui, cängbang ci gui cu ng’shikca u ne, ami mät naw ami mät ng’ap u ne, Bawipa täng ah hma cicu bi u ne, am lungshet sak ci gui.

EZEKIEL 20:31

Tuhngawi phi, nangmi naw acun ah mäih m’cümhnah nak cu douthak u ne, acun ah agup gui am nami hta gui cu mei ung m’khih ne khawihnah u ne nami mät nami lelawi sak ci nei. Cun ung phi nangmi Israel chang gui cu law u ne, kei ah ka ng’yak hlü cu a i ah a kyak cu nami na ng’shi lawk ci nei! Akcang ah kei cu uktu Bawipa, Ghing ciah Khanpughi nei, nangmi naw kei nami na ng’shi vai cu kä ka yum ci nei.

EZEKIEL 20:26

Kei naw ami mät ah douthak awn ami mät lelawi sak gui ne, ami hta-htük gui awn ka khawihnah sak gui ci. Cun cu ngami m’kyuk nak gui la kei cu Bawipa ah ka kyak ah mawng m’hnuh nak gui ah kyak ci.

EZEKIEL 16:47

Nang cu ngami läk gui ne ami khaw ne hung kai ne, shemshai ciah ami hnun thawh cu na theitu nak awn na ng’büh ne ang? Kä na ng’büh ci, akhin api hta ah kyong ung ngami naw ami bi gui nü ngata kaa pi khai ah nang naw na bik ci nei.

EZEKIEL 16:21

kei ah ka hta nau gui la ne agup gui name khawihnah nak?

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

SAM 106:35

Cun ung phi ngami awn ng’chu ng’la u ne, akshe ami yum nak cu läk tuk ci gui.

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

2 SHONTÄP NAK 33:2

Cun ah kho ung ak chang gui ami kai law yah ung Bawipa naw ak täm gui ah chang pakhui gui ah shemshai ciah bilawh cu läk ne Manasseh naw Bawipa kat na ne hnungtuk püi ci.

2 GHANGPUGHANG GUI 23:10

Ghangpughang Josiah naw Hinnom khongnawi ung khongyo ami khawihnah nak ah hmun Topheth cun phi phyek ci. Cun ah kyasei a u naw phi a htapami, a hta hnumi cu khanpughi Molek am khawihnah nak ah kä bi ba ci gui.

2 GHANGPUGHANG GUI 21:6

Ani naw m’khih ne-douthak nak ah a htapa awn khawihnah ci. Ani naw cuun nak ce nak cu bilo ne, ng’cäbang ci la khoshe ah kai gui cu ng’shi k’thäh ci. Ani naw akdäm ah Bawipa cu hma ne hnungtuk püi ne, ani ah m’lung cu sheet sak ci.

2 GHANGPUGHANG GUI 8:18

Ani ah chu cu Ahab ah hta ah kyak ci, ani cu Ahab ah mäih ah Israel ghangpughang gui ah mi shetnak bäng cu läk ci. Ani naw Bawipa hnungtuk ne katnak bik ci,

1 GHANGPUGHANG GUI 14:24

Akshekha pi cu, a gup khawihnah nak ah hmun gui ung pawmyaa ciah hnumi pami gui ami bilawh ah kyak ci. Israel kho ung ami gawk law yah ung cun ah kho ungka Bawipa naw aktäm gui ah chang gui ah ami bi ah thui ng’aa nak avan cu Judah chang gui naw bik ci gui.

THULÄÄN NAK 18:10

Nami sonkiang ah khan ah mei ung nami hta nau gui kä nami khawihnah en vai, nami chang gui am kä nami bi en sak gui vai cu, cäbang nak, cecai nak, taigü m’cu nak,

TAIGÜTHUM 20:2

Israel chang gui am, am thein gui vai ah pyen nak ci, “Nangmi ungka, kä cunung, nami ng’lung ah om tuk ciah a khaw hei chang tumat mat naw, a hta hmaw tumat mat cu Molek khanpughi khawihnah nak vai ah a pek ah a kyak ung, chang gui avan naw ani cu sik khai ah lung awn ami vawih vai.

2 GHANGPUGHANG GUI 17:8

A chang gui ami kai law sang ung Bawipa naw ak täm gui ah chang gui ah thungyo cu ngami naw läk ci gui, Israel ghangpughang gui naw ami pyan ah thungyo gui cu dou ci gui.

2 GHANGPUGHANG GUI 17:19

Cun ung phi Judah chang gui naw phi ami Khanpughi Bawipa ah thumkhän gui cu kä läk ci gui; Israel chang gui naw ami dou ah thungyo gui cu ngami naw phi thei bang ci gui.

MIKHAH 6:7

Htome phya khak la kä ng’pyi hlawt ciah olive situi ka law püi ung Bawipa cu yei khai aw? Ka cheishoh ka thung nak vai ah ka hta htük cu ka pek khai ma?

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

2 GHANGPUGHANG GUI 21:9

Cun ung phi Judah chang gui naw Bawipa cu kä läk ci gui, cung phi a chang gui cun ah khaw ung ami gawk law yah ung Bawipa naw ak täm gui ah chang gui ah ta dämduh pi ciah katnak cu Manasseh naw bi sak gui ci.

ISAIAH 57:5

Theingeim ciah nami sing ghing gui ah ka ah ng’yaw ng’pawm u ne m’dekni pyan ah khanpughi cu nami khawihnah ci nei. Nangmi naw tui hta pei ah lungkhui ung nami htanau gui cu khawihnah nak ah nami douthak ci nei.