2 GHANGPUGHANG GUI 15:4 - Cho Bible Common Language 2016

⁴ Cun ung phi khongyo khawihnah nak ah hmun gui cu kä phyek ci, chang gui naw khawihnah nak la tui ng’ui m’khih cu douthak lä ci gui.

2 GHANGPUGHANG GUI 15:4 Referans Kwoze

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

2 SHONTÄP NAK 32:12

Ani naw Bawipa khawihnah nak gui la sonkiang gui cu phye ne, sonkiang tumat bäng ung tui ng’ui m’khih ne khawihnah vai ah Judah la Jerusalem chang gui cu pyein ah gui ci.

2 SHONTÄP NAK 17:6

Ani cu Bawipa khawihnah nak ung bämcam law ne, Judah khaw ung khogam khawihnah nak ah hmun avan la khanpughinu Asherah ah a gup cu m’di ci.

2 GHANGPUGHANG GUI 18:4

Ani naw khongyo khawihnah nak ah hmun gui cu m’di ne, lung tung gui cu gäi ne, khanpughinu Asherah ah gup phi tu payak ci. Moses naw a pyan ah kyei phyu gup, Nehushtan ah ami sui cun phi khui ne deng khai ah m’shet ci. A cun ah khin ung khüt khai ah Israel chang gui naw ang ui m’khih ne m’tamkhah ci gui.

2 GHANGPUGHANG GUI 15:35

Cun ung phi khongyo khawihnah nak ah hmun gui cu kä phyek ci, chang gui naw khawihnah nak la tui ng’ui m’khih cu douthak lä ci gui. Taigüim ah a siiptäng m’kawt co cicu Jotham ah kyak ci.

2 GHANGPUGHANG GUI 14:4

Ani naw khongyo khawihnah nak ah hmun gui cu kä phyek ci, chang gui naw khawihnah douthak nak la tui ng’ui m’khih ne douthak nak cu bi lä ci gui.

2 GHANGPUGHANG GUI 12:3

Cun ung phi, khongyo khawihnah nak ah hmun gui cu kä ami phyeet ah kya ne chang gui naw a cun ung khawihnah douthak ne ang ui gui m’khih ne phi khawihnah ci gui.

1 GHANGPUGHANG GUI 22:43

Asa naw apa naw abi man ah mäih ah, Bawipa täng ah ng’düng khai ah bik ci; cun ung phi khogam khawihnah nak ah hmun gui cu kä m’di ci, chang gui naw khawihnah nak cu douthak lä u ne, tui ng’ui phi m’khih lä ci gui.

1 GHANGPUGHANG GUI 15:14

Asa naw a gup khawihnah nak ah hmun gui avan kä amdi pang ung phi ani cu a ghin nak chuih Bawipa ung bekhüt ci.

2 GHANGPUGHANG GUI 15:3

Ani naw apa ah bi cu läk ne Bawipa ah yeikyai nak vai ah bik ci.

2 GHANGPUGHANG GUI 15:34

Ani naw apa Uzziah ah bi cu läk ne, Bawipa naw a yeikyai nak vai ah bik ci.

2 GHANGPUGHANG GUI 12:4

Joash naw taigü gui khü gui neta ng’thu k’bäi gui ci; Taigüim kyong ah khawihnah nak ung ngui gui, khawihnah nak ah phu ngui gui la ng’päiye pek tak nak gui cu ami gim vai ah pyen ci.