2 GHANGPUGHANG GUI 14:3 - Cho Bible Common Language 2016

³ Ani naw Bawipa ah yeinak vai ah bik ci, cun ung phi ani cu a pughi ghangpughang David ah mäih ah kä kyak ci, ani naw apa Joash ah bi ah mäih ah bik ci.

2 GHANGPUGHANG GUI 14:3 Referans Kwoze

1 PETER 1:18

Nami pupa gui ah pakhui nami m’düng ah kä shichah ciah ghin nak ung kaa, a i naw a ning phiawn sak gui cu nami hmat ci. Cun cu ghui ngui ah mäih ah dimaih thei ciah kä kyak ci.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

2 SHONTÄP NAK 24:17

Cun ung phi Jehoiada a sih kawn ah Judah ng’vai gui naw Ghangpughang Joash naw ami ng’thu ang ngaih vai süksaw ci gui.

2 SHONTÄP NAK 24:2

Ani naw Taigü Jehoiada a ghin ah chuih Bawipa naw amhni vai ah bik ci.

2 GHANGPUGHANG GUI 12:2

Ani naw a ghin ah chuih Bawipa ah yeikyai nak vai ah bik ci, a i ah kyasei ci ung taigü Jehoiada naw am m’cäii ah kyak ci.

1 GHANGPUGHANG GUI 15:3

Ani phi apa ah mäih ah hmakatnak bik ci, ani cu apughi David ah mäih ah a Khanpughi Bawipa ung bekhüt nak kä om ci.

1 GHANGPUGHANG GUI 11:4

ani a ghi law kawn ah ngami naw ani cu a khawhei khanpughi gui khawihnah nak ung luh püi sak ci.

2 GHANGPUGHANG GUI 14:2

ani cu akum m’ku lei hma lawk ci, ani naw Jerusalem kum m’ku lei ko ung uk ci. Anu cu Jerusalem ah ka Jehoaddin ah kyak ci.

2 GHANGPUGHANG GUI 14:4

Ani naw khongyo khawihnah nak ah hmun gui cu kä phyek ci, chang gui naw khawihnah douthak nak la tui ng’ui m’khih ne douthak nak cu bi lä ci gui.

1 GHANGPUGHANG GUI 3:3

Solomon naw Bawipa m’hni ne, apa David ng’thumcäi gui cu läk ci, cun ung phi ani naw phi seime gui ngawn ne, sonkiang akda khawihnah ne douthak ci.

1 GHANGPUGHANG GUI 15:11

Asa naw apughi David ah bi ah mäih ah Bawipa naw a yeinak vai ah bik ci.

2 GHANGPUGHANG GUI 18:3

Ani naw apughi ghangpughang David cu läk ne, Bawipa naw a yeinak vai ah bii bik ci.

2 GHANGPUGHANG GUI 22:2

Josiah naw Bawipa ah yeikyai nak vai ah bii bik ci; ani naw apughi ghangpughang David ah bilawh gui cu läk ci, Khanpughi ah thukhän gui cu aküi ah läk ci.