2 GHANGPUGHANG GUI 13:5 - Cho Bible Common Language 2016

⁵ Siria gui ah kut ungka k’phyawn gui khai ah ami ng’vai cu Bawipa naw Israel gui am tüih gui ci. Cun ah kyasei Israel gui cu a cau ka ah mäih ah dimdeeih sei om ci gui.

2 GHANGPUGHANG GUI 13:5 Referans Kwoze

NEHEMIAH 9:27

cun ah kyasei ngami cu ami ga gui am näng sak gui ne na uk sak gui ci. Ngami ami khüikha yah ung na m’htei gui vai ah ning thäh u sei, Khankho ah ka naw na m’shang gui ci. Dämduh ciah na chimgein nak awn ami ga ung gung gui khai ah angvai gui cu na tüih pe gui ci.

2 GHANGPUGHANG GUI 14:27

Cun ung phi Israel gui ng’pyi khai gui ah ngawi yä m’di gui vai cu Bawipa ah ng’bü nak ah kä kyak ci. Cun ah kyasei ani naw ghangpughang Jeroboam II awn gung ba gui ci.

2 GHANGPUGHANG GUI 14:25

Ani naw Israel gui ah khopäng avan khäm ba ci, a siiptäng Hamath ungka naw a htumtäng Tuiksi Tuinu ung khüt ci. Shin cu Israel Khanpughi, Bawipa naw Kath Hepher ungka a changshäm prophet Amittai ah hta Jonah ung shaitak abi ah kyak ci.

2 GHANGPUGHANG GUI 13:25

Cun kawn ah Israel ghangpughang Jehoash naw Benhadad cu thum vei hnim ci, Jehoash ah pa Jehoahaz ah uk yah ung Benhadad naw a khäm gui ah mang gaw gui phi ani naw khäm ba ci.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

ISAIAH 19:20

Cun gui cu m’gäi ciah Bawipa Egypt khaw ung amoah amwng ang dang nak ah kyak ci. Cu ah om ciah chang gui cu zawk’she na gui u sei, am hteihtang gui vai ah Bawipa khü u sei, ani naw ngami gang gui khai ah chang tumat tüi khai.

1 SHONTÄP NAK 11:2

Ayanä Saul cu mi ghangpughang ah akiak nak ung phi nang Israel chang gui ah ng’tuk bi nak ung ma na tawn ci, Bawipa na Khanpughi naw nang ung shai atak cu ani ah chang gui lam shüm gui ne, ami uktu ah na kyak vai ah kyak ci.”

1 SAMUEL 19:7

Cun ah kyasei Jonathan naw David khü neta a päng m’thein ci, cun kawn ah Saul ah hteh püi ci, David cu ayan ah mäih ah ghangpughang ah bi bi ba ci.

THULÄÄN NAK 19:4

Chang tumat naw aga ah kä kyak ciah chang acapka ah a ngawn ah a kyak ung, ani cu mang gaw tumat mat ung lut ne phyawng khai.

PHYAWN NAK 4:10

Cun ung phi Moses naw, “Ka nei, Bawipa aw, kä na tüi en ä, kei cu ng’thu thei ciah kä ka kyak ci, nang naw na na ng’thu püi yah ung phi kä ka ng’thu thei ci. Kei cu kä ng’thu hlawt ne, shokshü ne, am kha gih ciah ka kyak ci.

ESTA 4:14

Shin ah mäih a khin ung nang a düm ah na om ah a kyak ung, Jew chang gui ah hmawk ah khankho ah kaa m’hteihtang nak cu gawk lawk khai nei. Cun ung ngami cu hun nak gah khai gui. Cun ung phi nang cu na sik khai, na pa ah kyongchang cu ng’pyi khai. Cun ung phi nang ghangpughangnu ah na kyak law cu shin ah mäih a khin ah phäh ah kä kya ne ang!”

1 SAMUEL 12:11

Cun ung Bawipa naw Gideon, Barak, Jephthah la ak hnu ah kei cu na tüi gui ci. Keimi tumat ci naw nami ga ung ka, kami ning hun gui ci, nangmi phyawng ne nami om ci.