Biblia Todo Logo
Bib sou entènèt

- Piblisite -




2 GHANGPUGHANG GUI 13:4 - Cho Bible Common Language 2016

4 Cun kawn ah Jehoahaz cu Bawipa ah taigü ci, Siria ghangpughang naw Israel gui ak shedam nak gui aih cu Bawipa naw hmu neta ani ah taigü cu m’shang ci.

Gade chapit la Kopi




2 GHANGPUGHANG GUI 13:4
22 Referans Kwoze  

Israel gui kyihkyawk vai ah ami yaica cu Bawipa naw hmuh gui ci; a u phi ngami m’htei gui khai kä om ci.


Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.


Ani naw a ngawn gui ung k’pawih ba ci gui cu ani ah law ba ci gui; ngami cu ng’yu ba u ne, ani ah ma ah akni ah taigü ci gui.


“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.


ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.


Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”


Chang gui cu Moses ah law u neta, “Keimi cu Bawipa la nang ning hnungtuk püi ne, kami ng’thu nak awn kami hma ci nei. Tuhbäi shin ah phyu gui ak täm ba vai ah Bawipa ah nak taigü pa gui ä” cik ci gui. Cun ah kyasei Moses naw chang gui ah phäh ah taigü ci.


Ka chang gui ah kyah cu akcang ah ka ng’yak ci, Egypt chang gui naw a i hlawk ah ami shedam nak gui phi ka hmuk ci.


Khanpughi naw a hmaw a kyah cu ng’ya neta, Khanpughi ah khankho chang naw Hakarah am, “Hakarah, a i ah na kyak ci ang? Kä na kyih vai, Khanpughi naw a hmaw ah kyah ng’yak ci nei.


Nangmi nami van nami thüi khai, sing ghing cu nami pa, lungkheng cu nami nu ah nami pyen khai. Cun ah akiak cu a i kyak sei ci ung kei ah nami ng’hlah law ba nak vaisü ung, kei nami na ng’hlah tak ah phäh ah kyak ci. Cun ung phi khüikha nak ung nami gawk law ung law ne ka ning hun gui vai ah nami na k’thäh ci.


Ghangpughang ah ak taigü la acun Khanpughi ah m’shan nak, ani kä ng’yu ba pha ung katnak abi gui-ani naw akshe a bi, Khogam Khawihnah nak ah hmun gui, ani naw a pyan ah khanpughinu Asherah ah gup la ani ah khawihnah ah a gup gui-cun gui a van cu prophet gui ah mawng ca-uk ung guk ah kyak ci.


Siria ghangpughang Hazela naw Israel gui cu Jehoahaz ah uk yah pum ung Shedam na gui ci,


Cun kawn ah Israel gui naw kyap m’lau u ne, Bawipa ung thu ami pyen cu, “Keimi naw nang ning hnung’tuk püine kami shekak ci nei, Kami Khanpughi nang ning nawng ne, Baala kami khawihnah ci nei” cik ci gui.


Kapa ah Khanpughi, Abraham la Isaak ah Khanpughi naw, kei kä a na om püi vai sü ung nang naw kei cu ka k’plui ah na na gawt ba khai süte nei. Khanpughi naw ka bilawh la ka yaica cu hmuh neta, zanmü nang cu a ning k’dee ah kyak ci nei.


Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.


cun ung phi Bawipa naw ngami cu m’gein gui ne chihna gui ci. Kä dishum sak gui ci, cun ung phi m’htei gui ci, a cun cu Abraham, Isaak la Jakob ung a shaitak ah phäh ah kyak ci. Ani naw a chang gui cu kä m’hnih gui phung ci.


Cun ah kyasei keimi cu Khanpughi naw ana shungvong gui vai ah ei hlawi ne kami taigü ci, ani naw kami taigü na m’shang gui ci.


Na k’taigü ung ani naw ning m’shang khai, Nang naw na ng’khäntam cu nak pang khai.


Swiv nou:

Piblisite


Piblisite