2 GHANGPUGHANG GUI 12:3 - Cho Bible Common Language 2016

³ Cun ung phi, khongyo khawihnah nak ah hmun gui cu kä ami phyeet ah kya ne chang gui naw a cun ung khawihnah douthak ne ang ui gui m’khih ne phi khawihnah ci gui.

2 GHANGPUGHANG GUI 12:3 Referans Kwoze

2 GHANGPUGHANG GUI 14:4

Ani naw khongyo khawihnah nak ah hmun gui cu kä phyek ci, chang gui naw khawihnah douthak nak la tui ng’ui m’khih ne douthak nak cu bi lä ci gui.

2 GHANGPUGHANG GUI 18:4

Ani naw khongyo khawihnah nak ah hmun gui cu m’di ne, lung tung gui cu gäi ne, khanpughinu Asherah ah gup phi tu payak ci. Moses naw a pyan ah kyei phyu gup, Nehushtan ah ami sui cun phi khui ne deng khai ah m’shet ci. A cun ah khin ung khüt khai ah Israel chang gui naw ang ui m’khih ne m’tamkhah ci gui.

2 GHANGPUGHANG GUI 15:35

Cun ung phi khongyo khawihnah nak ah hmun gui cu kä phyek ci, chang gui naw khawihnah nak la tui ng’ui m’khih cu douthak lä ci gui. Taigüim ah a siiptäng m’kawt co cicu Jotham ah kyak ci.

1 GHANGPUGHANG GUI 22:43

Asa naw apa naw abi man ah mäih ah, Bawipa täng ah ng’düng khai ah bik ci; cun ung phi khogam khawihnah nak ah hmun gui cu kä m’di ci, chang gui naw khawihnah nak cu douthak lä u ne, tui ng’ui phi m’khih lä ci gui.

1 GHANGPUGHANG GUI 15:14

Asa naw a gup khawihnah nak ah hmun gui avan kä amdi pang ung phi ani cu a ghin nak chuih Bawipa ung bekhüt ci.

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

2 SHONTÄP NAK 31:4

Cun kawn ah ghangpughang naw Jerusalem chang gui am, taigü gui la Levit gui naw ami gah vai ah khin ciah douthak cu ami law püi vai ah pyen nah gui ci. Cun ah kyasei ngami naw Bawipa ah thukhän naw ak thäh ah mäih ah ami khin avan cu pe hning ci gui.

2 GHANGPUGHANG GUI 12:2

Ani naw a ghin ah chuih Bawipa ah yeikyai nak vai ah bik ci, a i ah kyasei ci ung taigü Jehoiada naw am m’cäii ah kyak ci.

2 GHANGPUGHANG GUI 15:4

Cun ung phi khongyo khawihnah nak ah hmun gui cu kä phyek ci, chang gui naw khawihnah nak la tui ng’ui m’khih cu douthak lä ci gui.

1 GHANGPUGHANG GUI 15:11

Asa naw apughi David ah bi ah mäih ah Bawipa naw a yeinak vai ah bik ci.

2 GHANGPUGHANG GUI 15:3

Ani naw apa ah bi cu läk ne Bawipa ah yeikyai nak vai ah bik ci.

2 GHANGPUGHANG GUI 18:3

Ani naw apughi ghangpughang David cu läk ne, Bawipa naw a yeinak vai ah bii bik ci.

2 GHANGPUGHANG GUI 22:2

Josiah naw Bawipa ah yeikyai nak vai ah bii bik ci; ani naw apughi ghangpughang David ah bilawh gui cu läk ci, Khanpughi ah thukhän gui cu aküi ah läk ci.