2 GHANGPUGHANG GUI 11:4 - Cho Bible Common Language 2016

⁴ Akum chih nak ung taigü Jehoiada naw ghangpughangnu ngäng ciah bawi gui, mang gaw ngäng gui cu Taigüim ah khü gui neta, am hnüt bäi ah täng ah ami bi vai ah yum sak gui ne thukhän sak gui ci. Ani naw ghangpughang Ahaziah ah hta Joash cu m’hnuh gui neta,

2 GHANGPUGHANG GUI 11:4 Referans Kwoze

2 GHANGPUGHANG GUI 11:19

Cun kawn ah amät, bawi gui, gaw ngäng gui la mang im ngäng gui naw ghangpughang cu Taigüim ungka naw mang im ah tha ci gui, chang avan naw läk gui ci gui. Joash cu m’kawtnu ung lut ne mangkiang ung ngok ci.

2 GHANGPUGHANG GUI 11:9

Bawi gui naw Jehoiada ah m’cäi gui cu ngai u ne, ami chang gui cu ani ah law püi ci gui — cun gui cu kyin hnüüp ung ng’bün ci gui la abi vai om ci gui ah kyak ci.

2 SHONTÄP NAK 15:12

Ngami naw ami m’lung kyong avan nawn Bawipa, ami pupa gui ah Khanpughi cu khawihnah khai gui ah yum u ne thukhän cu bik ci gui.

2 GHANGPUGHANG GUI 11:17

Taigü Jehoiada naw ghangpughang Joash la chang gui cu Bawipa ah thukhän ung luh sak gui sei ngami cu Bawipa ah chang ah kyak ci gui; ani naw ghangpughang la chang gui ah ng’lak ung phi thumkhän bi pe gui ci.

LAMKTU 5:26

Cun kawn ah m’kawt ngäng ciah ang vai naw ak chang gui khah püi gui ne, ang düngpüi gui cu va kgü ba gui ci. Cun ung phi chang gui naw lung awn ami vawih gui vai ah ng’ä u netah ang düihpüi gui cu kä tuthat gui ci gui.

LAMKTU 5:24

Cun ami cicu Taigü khem lah m’kawt ngäng ciah ang vaipi naw ng’yak ni netah, “Shin ah mawng cu a i hawkcha ang cineh ngai khit ci gui.

NEHEMIAH 10:29

kami ng’vai gui awn ng’dawn u ne kami ng’khän ci, cun ah ka ung plah tam nak kami bik ci, cun cu kami m’shet ung ka vai ah Khanpughi naw a changshäm Moses ung a pek ah Khanpughi ah thukhän ah mäih ah kami om khai; Bawipa, kami bawipa ah ang thumkhän avan cu kami läk khai; cun kawn ah ang thukhän avan la a k’thähchah nak gui cu keimi naw kami läk khai.

NEHEMIAH 9:38

Shin ah a kyak gui avan ah phäh ah, keimi, Israel chang gui naw, bä ciah yumnak ca gu u ngä sei, kami ng’vai gui, kami Levit gui la kami taigü gui naw m’hnütnak awm cun cu m’hnüt ci gui.

NEHEMIAH 5:12

Ami ng’vai gui naw m’shang u ne, “Na pyen ah mäih ah kami bik khai nei. Keimi naw ami khawh gui kami pe ba gui khai, ami pu phi kä kami shang ba gui khai” cik ci gui. Kei naw taigü gui cu khü gui neta, ami ma ah angvai gui naw ami pyen ah shaitak cu ami k’pan vai ah ka ng’taam sak gui ci.

2 SHONTÄP NAK 29:10

“Tuhbäi kei naw Israel Khanpughi Bawipa awn ng’thukhän bi vai ah ka k’bäi ci nei, cun ah kyasei ani cu mikmi ah khan ah kä m’lungshe ba khai nei.

1 SHONTÄP NAK 9:13

Ami kyong chang ung ami vaipi ah taigü gui avan ah ng’dawn cu 1760 ah kyak ci. Ngami ami van cu Taigüim bii bi nak ung bi thei aih ci gui ah kyak ci.

2 GHANGPUGHANG GUI 23:3

Ani cu mang ah k’tung pei ah ng’düi neta, ani läk khai pyen ne Bawipa ung thukhän bik ci, ang thukhän gui k’pang ne, amlung ngaih gui avan awn ang thumkhän gui yum ne, ca uk ung ami guk ah thukhän gui cu akcang ah ka bik khai ci sei, chang gui ami van naw thumkhäm cu k’pan vai ah shaitak ci gui.

1 GHANGPUGHANG GUI 18:10

Na Khanpughi, ghing ciah Bawipa ung kei ka ng’tam ci nei, khaw ah ka, a khawpäng päng ung nang cu ghangpughang naw ning shui sä. Khawpäng uktu naw a khaw ung nang kä na om ciah a pyen law ba ah a kyak ung acun ah uktu naw nang kä a ning hmuh ah mawng angkhäntam vai ah Ahab naw k’thäh khai nei.

1 SAMUEL 23:18

Ngani cu ani ng’lak ung theing ciah shaitak bi ne ng’khawt ci goi. David cu Horesh ung om sei, Jonathan cu a im ah hteit ba ci.

1 SAMUEL 18:3

Jonathan naw David cu angtäi sei ng’khawt püi khai ah k’bäi ci, a i ah kyasei ci ung ani naw a yei nak aih su ah kyak ci.

JOSHUA 24:25

Acun ah hnüüp ung Joshua naw chang gui ah phäh ah thukhän bik ci. Acun ung Shekhem ung ami läk vai ah thukhän gui la m’hnütbäi nak gui cu pe gui ci.

ATÜNNAK 50:25

Cun kawn ah Joseph naw a chang gui cu ng’thu ami khän vai ah m’cäi gui ci. Ani naw, “Thukhäm na pe vä, Khanpughi naw mi khaw ah a ning hteh püi ba gui hnüüp ung ka pumsa cu nami hteh püi ba vai nei” ciah kyak ci.

2 SAMUEL 20:23

Joab cu Israel gakap ah gabawi ah kyak ci; Jehoiada ah hta Benaiah cu David ngäng ci gui ah bawi ah kyak ci.

2 GHANGPUGHANG GUI 11:3

Ahtaliah naw a uk yah ung Jehosheba naw ak hmaw cu m’htei ne khokum chuk ung Taigüim kyong ah a thuh ah kyak ci.

2 SAMUEL 8:18

Jehoiada ah hta Benaiah cu David ngäng ciah bawi ng’vai pi ah kyak ci, David ah hta gui cu taigü ah kyak ci gui.

1 GHANGPUGHANG GUI 14:27

Ghangpughang Rehoboam naw acun gui ah hnün ung kyei shawiphaw gui pyang ba ne, mangim m’kawt ngäng ciah bawi gui am ap gui ci.

2 GHANGPUGHANG GUI 12:7

Cun ah kyasei ani naw Jehoada la a hei taigü gui cu khü gui neta ng’shi gui ci, “A i ah kyasei nangmi naw Taigüim kä nami pyan ang?” Tuhbäi ung tün ne nangmi naw nami gah ah ngui cu kä nami gim vai, nami ap gui vai, cun ung pyan m’tham nak gui vai ah kyak khai” cik ci.