2 GHANGPUGHANG GUI 10:7 - Cho Bible Common Language 2016

⁷ Jehu ah ca gah u neta, Samaria ung ng’vaihta gui naw ghangpughang Ahab ah htangshon chikip avan ngawn u ne, gang ung ami lu gui m’khäp u neta Jezreelaa ung Jehu am thak law ci gui.

2 GHANGPUGHANG GUI 10:7 Referans Kwoze

1 GHANGPUGHANG GUI 21:21

Cun ah kyasei Bawipa naw nang ning pyen nak ci, “Kei naw nang ah khan ah leigai ka law püi khai, nang cu ning k’täm ne, na kyongkhui ung a ghi a hmaw pami phung ka nawt heng khai.

2 GHANGPUGHANG GUI 11:1

Ghangpughang Ahaziah ah nu Ahtaliah naw a hta ami ngawn a hmat vai am, mang im kyong chang gui avan ngawn gui vai ah thukbäi gui ci.

2 SHONTÄP NAK 21:4

Jehoram naw a uknak khaw cu akni ah akpan kawn ah avan ngawn gui ne, Israel bawi gui phi ngawn gui ci.

2 GHANGPUGHANG GUI 10:9

A ngawi ung khongawi ani cu m’kawt ah hteit neta a cu ah om ciah chang gui am, “Kei naw ghangpughang Joram cu hnungtuk püi ne ka ngawn ci: cun cu nangmi awn kä säng ci. Cun ung phi shin gui cu a u naw ang a ngawn gui?

2 GHANGPUGHANG GUI 10:6

Jehu naw ca a hei guk ba gui ci: “Nangmi cu kei awn a täng ah nami om ciah a kyak ung, ka ng’thu k’bäi cu nami läk ge khai ah a kyak ung, ngawi ung a shin ah khin ung, Jezreelaa ung, ghangpughang Ahab ah htangshon gui ah lu gui nami na thak law vai nei” cik ci. Ghangpughang Ahab ah htangshon chihkip cu Samaria gawmah gui naw m’htei ne ami om püi gui ah kyak ci.

2 GHANGPUGHANG GUI 10:8

Ahab ah htangshon gui ah ami lu gui ami law püi cu Jehu am m’thein u khäta, ani naw thuk bäi gui ne, mang gaw m’kawt ung hnih ah ami pum vai, a ngawi ung güt acun ung ami nawng vai ah pyen ci.

1 GHANGPUGHANG GUI 21:19

Kei Bawipa naw ka pyen cu na m’thein vai nei, “Chang ngawn neta ani ah khawcham cu na lak khai ma? Shin ah kei naw ka pyen cu na m’thein vai nei: Naboth ah si ui gui naw ami m’leih nak ah hmun bä bä ung nang ah si cu m’leik khai gui nei!”