2 GHANGPUGHANG GUI 10:6 - Cho Bible Common Language 2016

⁶ Jehu naw ca a hei guk ba gui ci: “Nangmi cu kei awn a täng ah nami om ciah a kyak ung, ka ng’thu k’bäi cu nami läk ge khai ah a kyak ung, ngawi ung a shin ah khin ung, Jezreelaa ung, ghangpughang Ahab ah htangshon gui ah lu gui nami na thak law vai nei” cik ci. Ghangpughang Ahab ah htangshon chihkip cu Samaria gawmah gui naw m’htei ne ami om püi gui ah kyak ci.

2 GHANGPUGHANG GUI 10:6 Referans Kwoze

LUKA 9:50

Bawipa Jesuh naw, “Cun ah chang kä maa-en na vä, nangmi kä ning hnungtuk püi gui ci cu, nami chang ah kyak ci nei” ci na gui ci.

MATTHE 12:30

‘Kei täng ah kä om ciah chang cu na hnu ng’tuk püi ciah kyak ci. Kei awn a täng ah kä ng’bum tuk cicu ng’yaih-yam düt ciah kyak ci.

JOB 21:19

Nangmi naw ak hmawhta gui cu ami pa ah katnak ah phäh ah Khanpughi naw m’kyuk ci nami cik ci. Ka nei, Katnak bik ci gui ami mät cu Khanpughi naw m’kyuk gui ci nei. Ani naw cun ah ami katnak ah phäh ah abi cu dang sak ci nei.

2 GHANGPUGHANG GUI 9:32

Jehu naw han teng neta m’lau ne, “A u ang kei täng ah a om?” cik ci. Bawipa gui hnih thum naw mang gaw m’kawt ung om ne yuk teng ci gui,

THULÄÄN NAK 5:9

A i a gup ah ma ung phi kä nami m’khuukdong vai, kä nami khawihnah vai, a i ah kyasei ci ung kei cu Bawipa nami Khanpughi, a u phi kä ka täng püi ci. Kei na gen ci gui ah khan ah m’kyuk nak ka law püi ci. Ami htangshon thum phli güt ung ka m’kyuk gui khai.

KHEI NAK 25:4

Moses a pyen nak cu, “Israel ah ami ng’vai gui ami van la gui neta, kei kä na ngai ci gui cu hnüüp ng’lung yah ung nami m’kat gui vai, cun kawn ah cun ah chang gui ah khan ah kei kä ka m’lung she ba khai” cik ci.

2 GHANGPUGHANG GUI 10:5

Cun ah kyasei mang gaw bawi gui, mang im bawi gui, gaw mah ng’vai gui la m’hteihtang gui ci gui naw Jehu am ng’thu m’khäh lawk ci gui: “Keimi cu na na changshäm gui nei, keimi cu nang ah pyen ah om vai ah kami om ge ci nei. Cun ung phi keimi naw a u phi ghangpughang ah kä kami hmoh khai, na mät akni pi ah na ngaih cu na bi vai nei” cik ci gui.

2 GHANGPUGHANG GUI 10:7

Jehu ah ca gah u neta, Samaria ung ng’vaihta gui naw ghangpughang Ahab ah htangshon chikip avan ngawn u ne, gang ung ami lu gui m’khäp u neta Jezreelaa ung Jehu am thak law ci gui.

2 GHANGPUGHANG GUI 10:9

A ngawi ung khongawi ani cu m’kawt ah hteit neta a cu ah om ciah chang gui am, “Kei naw ghangpughang Joram cu hnungtuk püi ne ka ngawn ci: cun cu nangmi awn kä säng ci. Cun ung phi shin gui cu a u naw ang a ngawn gui?