2 GHANGPUGHANG GUI 10:1 - Cho Bible Common Language 2016

¹ Ghangpughang Ahab ah a hta ng’shon gui chihkip lawk ci gui, Samaria mang gaw ung om ci gui. Jehu naw ca tumat gu neta, mang gaw uktu gui, gawmah ng’leimah ng’vaihta gui, Ahab ah htangshon m’htei ciah chang gui am tei gui ci. Cun ah ca ung:

2 GHANGPUGHANG GUI 10:1 Referans Kwoze

1 GHANGPUGHANG GUI 13:32

Bethela ung sonkiang hnungtuk ne Bawipa ah thumkhän ung ani ah pyen ah ng’thu gui, la Samaria gawnu gui ung khawihnah nak ah hmun avan hnungtuk püi nak cu akcang ah bä lawk khai nei.”

SUKI GUI 8:30

Ani ung a hta chih-kip lawk ci, a i ah kyasei ci ung ani naw akda chu nak ci.

2 SHONTÄP NAK 22:9

Ahaziah cu läk ne shui neta Samaria ah ng’thup sei hmuk ci gui. Ani cu Jehu ah om nak ah hteh püi u neta ngawn ci gui. Ngami naw ani ah gook cu, abi nak hning avan awn Bawipa ah bii bik ciah a pughi Jehoshaphat ami chang m’sui nak awn k’phuh ci gui. Ahaziah ah kyongkhui chang ung uknak khaw uk ba hning khai a u kä om ci.

2 GHANGPUGHANG GUI 5:3

Hnüüp ät ung ani naw abawinu am, “Kei ah ka bawi cu Samaria ah om ciah prophet ah a hteh vai ka ng’ya hlük ci nei! Ani naw a gaw nak cu gai sak khai nei” cik ci.

1 GHANGPUGHANG GUI 16:28

Omri cu si sei Samaria ah phuh ci gui, cun kawn ah a hta Ahab cu ghangpughang ah kya ba ci.

1 GHANGPUGHANG GUI 16:24

cun kawn ah ani naw Shemer ming nak ciah chang ah Samaria khogui cu ngui phia chuk kip awn hleih ci. Omri naw khogui cu vongpang ne, gawnu sa ne, aming cu Samaria ah sui ci, Shemer cu cun ah khawmah ah kya man te ci.

SUKI GUI 12:14

Ani ung a htapa phli kip la a hta ah hta thum kip om ci, ngami cu ng’sela chih kiip ung ng’cum ci gui. Abdon naw Israel gui cu kum cheit ung matawn gui ci,

SUKI GUI 10:4

Ani ung a hta thum-kip om ci, ngami cu ng’sela thumkip ng’cum ci gui. Ngami naw Kilead khaw ung mang gaw thum-kip uk ci gui, cun gui cu tuh güt Jaira pigaw gui ah pyen ci gui.

THULÄÄN NAK 16:18

“Bawipa nami Khanpughi naw a ning pek gui ah gawnu päng ung suki gui la a hei ng’vai gui nami m’düih gui vai. Shin ah chang gui naw chang gui cu kä m’khoi hnga ne m’khoichak khai gui.

KHEI NAK 11:12

Kei naw kä ka tüisho gui ci, kä ka hta na gui ci, ak gaw m’htei ah mäih ah m’htei gui ne, ami pupa gui ung na shaitak nak ah khaw ah ami gawk vai ah lam avan ung ak hmawhta ah mäih ah kut ung pawm ne, ka hteh püi gui vai ah a i vai na na khü ang?

JOSHUA 15:56

Jeyreela, Jokdeam, Zanoah,

1 GHANGPUGHANG GUI 21:29

“Ahab naw kei ah ma ah a i hlawk ah amlung ang neim sak cu nang naw na hmu ne ang? Ani cu cun ah kyak ci kyasei, ani a ghin yah ung ani ah khan ah kei naw leigai kä ka law püi khai nei; Ani ah a hta gui ah ghin yah ung Ahab ah kyongkhui ah khan ah kei naw leigai ka law püi khai nei.”

HOSEA 1:4

Bawipa naw Hosea cu pyen nak ci, “A ming cu Jezreelaa ah sui ä, a i ah kyasei ci ung, kä shou pha sei, kei naw Israel ghangpughang cu ka m’kyuk lawk khai, Cun cu ani ah pughi Jehu naw Jeyreel ung chang gui a ngawn ah phäh ah kyak ci. Kei naw Jehu ah ng’shon cu ka ng’pyi sak khai.