2 GHANGPUGHANG GUI 1:3 - Cho Bible Common Language 2016

³ Cun ung phi Bawipa ah khanchang naw Tishbe ah ka prophet Elijah cu thumkhän ne, Ghangpughang Ahaziah ah ng’shängchang gui cu hteit ne hmu gui ne, ami ng’shi vai a pyen cu, “A i ah kyasei nangmi naw, Ekron Khanpughi, Baalzebub cu hteit ne nami ng’shi vai ang? Nangmi naw Israel ung Khanpughi kä om ciah nami ngai ne ma?

2 GHANGPUGHANG GUI 1:3 Referans Kwoze

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

JONAH 2:8

Agup akholä khawihnah ci gui naw, ami ning chang m’sui nak cu nawng ci gui nei.

SAM 76:1

Judah khaw ah Khanpughi cu hmat ci gui; Israel gui naw ang ming cu m’taam ci gui.

LAMKTU 8:26

Khanpughi ah khankho chang naw Philip am, “Ng’düi law neh Jerusalem ung ka naw Kaza ah hteh nak lam, htum lam ah hteit ä” cine pyen nak ci. (Cun ah lam ung tuhbäi a u kä hteit ba ci.)

MAKUH 3:22

Jerusalem ah kaa lawk ciah thukhän saya amshah gui naw, “Ani cu Beelyebul naw a kai nei, ani cu khoshe gui ah ng’vai pi ah kyasei a cun ah ming awn khoshe gui cu m’khütnäng ci nei” cine pyein ci gui.

2 GHANGPUGHANG GUI 5:15

Ani cu achang gui avan awn Elisha ah law ba u neta, “Tuhbäi kei naw ka hmat pyi ci, a hei Khanpughi kä om ci, Israel Khanpughi bäng om ci nei; bawi aw ka yei aih ci nei, kei ah m’cümhnah nak gui cu na dou pe ä” cik ci.

2 GHANGPUGHANG GUI 1:8

Ngami naw, “Ani naw savun awn pyan ah suinu sui ne, mehvun kheipat awn ng’pat ci” cik ci gui. Ghangpughang naw, “Cun cu Elijah nei” cik ci.

2 GHANGPUGHANG GUI 1:6

Ngami naw m’shang u ne, “Bawipa naw nang a ning pyen nak, law ne ning m’thein vai ah na pyen law na gui ciah chang awn, kami ng’hmuk ci, ani naw, ‘A i ah kyasei Ekron khanpughi Baalzebub ah chang tüi ne na ng’shi sak ang? Cun cu nang naw Israel Khanpughi kä om ciah na ng’ngaih ah kä kya ne ang? Nang cu na leim nak ungka, kä na gai ba khai, na sik khai!’” cik ci nei.

2 GHANGPUGHANG GUI 1:2

Israel ghangpughang Ahaziah cu Samaria ah mangim ah akhuih khan kyak ung ng’kya ne aknui ah leim ci. Cun ah kyasei ani naw ng’shächang gui cu Ekron mang gaw ah tüi gui ne, a gai vai la kä a gai vai ah mawng, Philistin gui ah khanpughi Baalzebub cu ng’shi sak gui ci.

1 GHANGPUGHANG GUI 21:17

Cun kawn ah Bawipa naw Elijah Tishbe ah prophet am,

1 GHANGPUGHANG GUI 19:7

Bawipa ah khanchang law ba mä ne ak hnih vei nak ah m’tho neta a pyen ba cu, “Tho law ne ei ei ä, na hteh nak vai ah lam cu thuuk aih ci nei.”

1 GHANGPUGHANG GUI 19:5

Ani cu sing ghing ka ah ng’yän neta ip ci. Ang ghit ah khanchang naw tawn neta a pyen cu, “Tho law ne ei ei ä” cik ci.

1 GHANGPUGHANG GUI 18:36

Khaw k’awi täng khawihnah nak ah khin ung prophet Elijah naw sonkiang pei ah law neta ak taigü cu, “O Bawipa, Abraham, Issak, Jakob ni ah Khanpughi, Israel gui ah Khanpughi ah na kyak ah mawng, kei cu na na changshäm ah ka kyak ah mawng, shin gui avan nang ah thumkhän awn ka bi ah mawng cu tuhbäi m’dang law ä.

1 GHANGPUGHANG GUI 18:1

Shou hta khäta, khokäu a kum thum nak ung Bawipa naw Elijah a pyen nak cu, “Nang cu ghangpughang Ahab ah ma ah hteit ä, kei naw kho ka aa sak khai nei,” ci sei,

1 SAMUEL 17:46

Shin ah hnüüp ung Bawipa naw nang cu kei ah ka huham kyong ung ning tha ci nei; kei naw nang cu ning hnim ne, na lu ka ning täng khai nei. Kei naw Philistin gakap gui ah pumsa gui cu kha gui la khisa gui am ka vuh khai nei. Cun kawn ah khaw ah khan ung chang van naw Israel gui ah Khanpughi om ci, cicu hmat khai gui,

2 GHANGPUGHANG GUI 5:8

Cun gui cu prophet Elisha naw ng’ya neta, ghangpughang am ng’thu m’khäh lawk ci, “A i ah kyasei nang na thüi ang? Cun ah chang cu tüi law ä, Israel ung prophet a om cu kei naw ka m’dang khai nei!” cik ci.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.