2 GHANGPUGHANG GUI 1:2 - Cho Bible Common Language 2016

² Israel ghangpughang Ahaziah cu Samaria ah mangim ah akhuih khan kyak ung ng’kya ne aknui ah leim ci. Cun ah kyasei ani naw ng’shächang gui cu Ekron mang gaw ah tüi gui ne, a gai vai la kä a gai vai ah mawng, Philistin gui ah khanpughi Baalzebub cu ng’shi sak gui ci.

2 GHANGPUGHANG GUI 1:2 Referans Kwoze

2 GHANGPUGHANG GUI 1:16

a pyen nak cu, “Shin cu Bawipa ah pyen nei, “Nang naw Ekron khanpughi Baalzebub am ng’shängchang tüi ne na ng’shi k’ca sak cu — Israel ung ng’shi ca vai ah Khanpughi kä om ci, ciah na ngaih ah kyak ci, — nang kä na gai ba khai; na sik khai.”

MAKUH 3:22

Jerusalem ah kaa lawk ciah thukhän saya amshah gui naw, “Ani cu Beelyebul naw a kai nei, ani cu khoshe gui ah ng’vai pi ah kyasei a cun ah ming awn khoshe gui cu m’khütnäng ci nei” cine pyein ci gui.

MATTHE 10:25

Changshäm cun phi a bawi ah kä hlüngtai pi ci. Cun ah kiasei ng’thei tuk ci naw m’thei tuk ci k’pha ne, changshäm cu a bawi ah mäih ah a kyak tu ung yeikyai vai kyak ci. Im kyong ung ang vai pi cu, Beelyebul ah mi khü ung, im kyong ung om ciah chang hmün gui läi cu, akshe pi ah khü gui vai kyak khai.

ISAIAH 37:19

ami khanpughi gui cu m’khih gui ci-cun ah kya sei, ngami ung khanpughi kä om ba ci, hnicim chang naw a kut awn a pyan ah sing la lung a gup gui bäng om ci.

LUKA 11:15

Chang gui cu cäicat ci gui, cun ung phi chang amshah naw, shin ah Bawipa cu kho gui ah ng’vaipi Beelyebul ah peit ah k’thagui awn khoshe k’täm ci nei” cik ci gui.

ISAIAH 37:12

Ka pupa gui naw kozan, Haran la Rezeph mang gaw gui cu m’di u ne, Telassar ung om ciah Betheden chang gui cu ngawn gui ci gui, a u ami khanpughi naw phi kä hun gui ci nei.

2 GHANGPUGHANG GUI 1:6

Ngami naw m’shang u ne, “Bawipa naw nang a ning pyen nak, law ne ning m’thein vai ah na pyen law na gui ciah chang awn, kami ng’hmuk ci, ani naw, ‘A i ah kyasei Ekron khanpughi Baalzebub ah chang tüi ne na ng’shi sak ang? Cun cu nang naw Israel Khanpughi kä om ciah na ng’ngaih ah kä kya ne ang? Nang cu na leim nak ungka, kä na gai ba khai, na sik khai!’” cik ci nei.

2 GHANGPUGHANG GUI 1:3

Cun ung phi Bawipa ah khanchang naw Tishbe ah ka prophet Elijah cu thumkhän ne, Ghangpughang Ahaziah ah ng’shängchang gui cu hteit ne hmu gui ne, ami ng’shi vai a pyen cu, “A i ah kyasei nangmi naw, Ekron Khanpughi, Baalzebub cu hteit ne nami ng’shi vai ang? Nangmi naw Israel ung Khanpughi kä om ciah nami ngai ne ma?

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

LAMKTU 20:9

Eutikus ming nak ciah ak hmaw chang tumat cu, Paul naw thu a pyein ah ung m’kawt khan ah ngoh ne ngam ci. Ngam ne ip law netah im ah ang dün thum nak kaa kya lawk ci. Chang gui naw ami yu chan tu ba yah ung ani cu si pyi ciah kyak ci.

SOLOMON NG’Ä~ 2:9

Kei ah ka m’hni cu kigang nu ah mäih, kigang nong ah mäih ah kyak ci. A cu ah anu cu k’pang pei ah ng’düi ci. Ani naw m’kawt ungka naw teng ci, k’puut ungka naw m’cih ci nei.

JOB 31:3

Katnak bi ci gui ah leigai la nat nak tüih gui ci.

1 GHANGPUGHANG GUI 22:34

Cun ung phi Sirian gakap tumat naw kä ngaih-tüh ah m’la awn kap sei Ghangpughang Ahab ah shawiphaw suinu anglak ung valut khäta, “Kei ka leim ci nei, ng’tuk nak ungka ng’hlat ba ä” cine a yatha mawng ciam pyen nak ci.

1 GHANGPUGHANG GUI 14:3

Ani ah phäh ah m’htut pum gha, keik m’htut gui la khoi tui um ät na hteh püi vai. Mi hta ah khan ung a i ah kya lawk khai cicu na ng’shi vai, ani naw ning m’thein khai.

1 SAMUEL 5:10

Cun ah kyasei ngami naw Thukhän M’küm cu a hei mang gaw Ekron ah hteh püi ci gui; cun a gawk vai am, chang gui m’lau lawk ci gui,” ngami naw Israel Khanpughi ah Thukhän M’küm law püi ci gui nei, mikmi mi van ami na ngawn nak gui vai ah kyak ci nei!”

SUKI GUI 11:24

Nang naw cun cu na lak ba vai ah nak tha nak khan ma? Na khanpughi Chemosh naw a ning pek phung cu nang naw na k’pang hning ci nei. Keimi phi Bawipa kami Khanpughi naw ana pek gui phung cu kami k’pang khai nei.

SUKI GUI 5:28

Sisera ah anu cu m’kawt ung mangshüi ci; Ani cu shom m’kawt ah hnu ah ng’üüp ci nei. Ani naw, “A i ah kyasei a yatha gui law vai ah ami shou aih ang? A i ah kyasei ang sei gui ng’hlah law vai ah ami gimhnong ang? cik ci.

ISAIAH 2:6

O khanpughi, Jakob ah htangshon, na chang gui cu na nawng gui pyi ci nei! Ami khaw cu akyang täng ung ka la philistia ung ka cecai nak bi nak awn be ci nei. Chang gui naw a khawhei thungyo cu läk ci gui nei.

JOSHUA 15:11

Khawgii cu cun ungka naw hteit ne, Ekron asiip m’htung ung gawk ci, cun ungka ng’hlat ne, Shikero ung hteit ne, Baalah m’htung kaan ne, Jamnia ung khüt ci. Cun cu Mediteranean tuinu ung khüt ci.

1 GHANGPUGHANG GUI 22:40

Ani a sih kawn ah a hta Ahaziah cu ani ah hnün ung ghangpughang ah kya ba ci.

2 GHANGPUGHANG GUI 17:16

Ngami naw ami Khanpughi Bawipa ah thukhän avan m’shet ci gui, khawihnah vai ah vantang-gup hnih phi pyang ci gui; ngami naw khanpughinu Asherah ah gup phi pyang ci gui, aisi gui phi khawihnah ci gui, Baala khanpughi phi yum ci gui.

ISAIAH 19:3

Kei naw Egypt gui pawngpüi gui cu a kholä ah kyak sak ne, ami m’lung ngaih cu ka m’di khai, Ngami naw, ngami m’hteinhtang gui khai ah agup gui cu ng’shi thäh khai gui, Ngami naw khaw ah kai gui ah hteit ne ng’shi k’ca khai gui, sik ciah mümcha gui cu am shümthein gui vai ah ng’shi thäh khai gui.