2 GHANGPUGHANG GUI 1:10 - Cho Bible Common Language 2016

¹⁰ Elijah naw, “Kei cu Khanpughi ah chang ah ka kyak ung, khankho ah ka mei kya law ne, nang la na chang gui cu ning ngawn gui sä!” cik ci. Acun vai am mei kya law ne cun ah bawi la achang gui cu ngawn gui ci.

2 GHANGPUGHANG GUI 1:10 Referans Kwoze

LUKA 9:54

Cun gui cu ang düihpüi James la Johan naw hmu ni netah, “Bawipa, Khankho ah kaa, mei k’däi kya law ne a uih gui vai ah, nang ng’yäk hlü om ne ang?” cine ng’shik ci goi.

DANIEL 3:25

“Cun ung a i ah kyasei mei ung chang phli hteit shüi shüi u sei ka hmuh ang?” ci neta ng’shi ba gui mä ne, “Ngami cu gui awn khih gui ah kä kyak ci, ngami cu mei naw a uih ah mäih ah kä kyak ci gui — ak phli nak tumat cu khanchang ah mäih lawk ci.”

HEBRU 12:29

A i ah kyasei ci ung mikmi ah Khanpughi cu m’khih ne ui ciah mei akcang ah kyak ci nei.

DANIEL 3:22

Ghangpughang naw tuhbäi mei cu caang aih ne ng’ling aih khai ah a bi sak gui ah kyak ci. Mei caang ung chang thum yuk shim gui ciah chang gui cu ami van mei naw ui gui ci.

THU PHLAAN 11:5

Ngami cu plawsheh law gui ci a om ah a kyak ung, ami m’gawng ung mei lut law ne ami gaa gui cu m’khih yawp ci. Acun ah mäih ah ngami ci gui khai ah k’tha nak ci phung cu ngawn ghäm ghäm ci gui.

SAM 106:18

Läk law tu gui ci gui ah khan ah mei cu kya law ne, cun ah changshe gui cu ui gui ci.

JOB 1:16

Ani naw ang thu pyen kä a phleh pha ung, ahei changshäm naw law ne, “Ng’kyeek naw deng sei htome gui la htoshäm gui avan si yawp ci gui nei, Kei bäng phyang ne ng’thu ka ning m’thein lawk ci nei” cik ci.

LAMKTU 12:19

Herod naw Peter cu shui ba sak gui sei, shui ba ne kä hmuh ba u khä tah ngäng ci gui cu ngawn gui vai ah k’bäi ci. Cun kawn ah Herod cu Judea kho nawng shüt ne Sisaria ah hteit ne om shäng shäng ci.

MATTHE 21:41

Ngami naw, “Lo mah naw cun ah changshe gui cu ngawn ne ghawt gui khai nei. Lo cun phi sapyit khäm khin ung akcang ah phlam sook khai ah a hei gui-am bi sak gui khai nei,” cine pyein ci gui.

DANIEL 6:24

Cun kawn ah ghangpughang naw ng’thu k’bäi ne, Daniela m’kyuk ciah chang gui ami van pha sak gui neta, ami chu gui la ami hta gui awn atäng ah phongkawng awn be ciah khui ung yuk shum gui ci gui. Khui ah anglung kä ami yuk pha pha ung kawng gui naw pah gui ne ami guh avan m’kyem gui ci gui.

SAM 105:15

“Ka ghü ah ka changshäm gui cu kä nami hnim gui vai; ka prophet gui cu kä nami tawn en vai.”

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

1 GHANGPUGHANG GUI 22:28

Mikaiah naw pyen ne, “Nang phyawng ne na law ba ah a kyak ung, kei ung Bawipa naw ng’thu kä pyen ciah kyak khai!” Ani naw m’khah ba ne, “Chang päng naw kei ah ng’thu cu ngai vä!” cik ci.

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

KHEI NAK 11:1

Chang gui naw ami yaica nak ah mawng pyen ne Bawipa ah ma ah chiu m’da ci gui. Cun cu Bawipa naw ng’ya neta, m’lungshe ne, chang gui ah khan ah mei yuk chah lawk ci. Cun ah mei naw ui gui ne, shaum pigaw ah vangtäng a mawng cu m’di ci.

2 GHANGPUGHANG GUI 1:11

Ghangpughang naw a hei bawi la chang hmakip cu tüi law ba gui sei, ngami kai law u neta Elijah ami pyen nak cu, “Khanpughi ah chang aw, Ghangpughang naw ang ghit ah na law vai ah ng’thu k’bäi ci nei!”

TAIGÜTHUM 10:2

Ang ghit ah Bawipa naw mei yuk chah law sei, acun naw Bawipa ah ma ge ung sik khai goi ah k’ui goi ci.