1 TIMOTHI 6:6 - Cho Bible Common Language 2016

⁶ A mät ung om ci awn bä khai ah ngaih gep ciah chang cu, a yum nak naw bühmang nak pek ci.

1 TIMOTHI 6:6 Referans Kwoze

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

1 TIMOTHI 6:8

Cun ah kyasei mikmi ung ei vai la sui vai a om ah khoi ung a cun awn mi ng’büh vai nei.

NG'THU K'THUUK~ 16:8

Dung nak awn gah ah klhawh apihta cu, ka dung nak awn gah ah klhawh akda ah ta, ba pi ci.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

PHILIPPIAN 1:21

Ghin nak cicu a i ang! Kei ah hmawk ah, ka ghin nak cu Bawi Khrit ah kyak ci, ka sih nak cu ka bä nak pi ah kyak ci.

NG'THU K'THUUK~ 15:16

Dukhaih ne phi Bawipa kyih aa cicu bühmang neta geinvai ciah ta bä tu ba ci.

SAM 37:16

Changni tumat ah khawh api cu, changshe avan ah khawh ah ta bä pi ci.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

LUKA 3:14

Gakap gui naw phi, “Keimi mä a i ah kami kyak khai ang?” ci ne ng’shi u khätah; Johan naw, “Chang ah ngui kä nami guh vai, chang kä nami yawkshe nak vai, nami gah awn nami ng’büh vai” ci nah gui ci.

PHYAWN NAK 2:21

Cun ah kyasei Moses naw, a cu ah om tuk khai ah k’bäi ci. Jethro naw a hta hnumi Zipporah awn ng’chungla sak goi ci.

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

NG'THU K'THUUK~ 28:25

Mäthnga kä ngaih nak naw yaica nak law pui ci. Nang cu Bawipa ngaih gep ne na om ung ba pi khai.

JEREMIAH 35:9

Kami un nak vai ah im kä kami kaa kä om ci. Keimi naw kami pupa Jonadab ah na ng’thumkhän gui ang nü nü cu keimi naw akbe ah kami läk ci.

LUKA 12:15

Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

2 GHANGPUGHANG GUI 6:2

Jordan ah hteit ne sing kami chuk vai ah na k’bäi gui ä, cun ung keimi naw kami om nak vai kami co hning khai nei” cik ci gui. Elisha naw, “Ä ya” cik ci.