1 TIMOTHI 6:5 - Cho Bible Common Language 2016

⁵ gui cu ng’lih pyou sak ci. Cun ah om ih ciah chang gui cu ami lung ngaih hnga sei, thu düng caciim kä hmat ci gui ah kiak ci. Ngami naw yum nak ah lam cu bühmang nak ah lam ah ngai ci gui.

1 TIMOTHI 6:5 Referans Kwoze

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

TITUS 1:11

Ngami cu thu kä ami pyein ba vai ah khin lawk ci nei, a i ah kyasei ci ung ngami cu kä m’theithang khin vai m’theithang u ne, kyongkhui gui cu shetkat sak ci gui, lü ng’aa nak vai kyak ciah ngui ng’yak nak hlü awn ami bi ah kyak ci.

2 TIMOTHI 3:8

Jannes la Jambres naw Moses cu ani hnu ng’tuk püi ah mäih ah, cun ah chang gui naw thu thuuk cu hnu ng’tuk püi ci gui nei. Ngahmi cu lulang cüivai nak kä om sei ami yum nak she pyi ciah chang gui ah kyak ci.

1 TIMOTHI 6:6

A mät ung om ci awn bä khai ah ngaih gep ciah chang cu, a yum nak naw bühmang nak pek ci.

1 TIMOTHI 3:3

Ani cu yu kä aw ne, ng’tuk vook kä lup ne, ng’awi gi ne, dimeih nak ng’yak hlük ciah chang ah kyak khai: ngui m’hni aih ciah chang ah kä kya khai;

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MATTHE 12:33

‘Ak theih ak ni ng’yak hlü ung a ghing ak ni geit vai, a ghing shek cicu ak she ah m’theih ci, ak theih awn a ghing ah mawng cu hmat vai kyak ci.

1 TIMOTHI 1:6

Chang amshah gui cu shin ah lam hma u ne, shetkat nak düt ng’cuhcan pyeinsak ci gui.

THU PHLAAN 18:3

A i ah kyasei ci ung changpakhui akda naw acun ah gawnu awn ng’yaw ng’pawm nak ah kyak ciah yu cu awktat ci gui nei. Khomdek ah khan ah ghangpughang gui cun phi ani awn ng’yaw ng’pawm ci gui nei. Khomdek ah khan ah sumlei ci gui cun phi acun ah gawnu ah pletbeng nak awn ng’bühmang pyi ci gui nei” cine pyein ci.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

2 PETER 2:15

Ngahmi cu lam düng nawng ne lam hma pyi ci gui, ngami cu Balaam ah htapa Beor ah lam läk pyi ci gui. Balaam cu cheishoh nak awn gah ah ngui cu m’hni ci kya ne,

1 TIMOTHI 3:8

Krithabum ung bik’bi gui cun phi, ami om ih ni ne, ami m’lung ngaih ng’ciim ciah kyak khai. Ngah mi cu kä khleei ne, kä ei awk tat ne, ngui kä ng’ya hlü aih ciah kyak khai gui.

2 THESSALONIAN 3:6

Phäinau gui aw, Bawipa Jesuh Khrit ah ming awn thukhän kami ning peit gui cu, damduh ciah khritha phäi nau gui la, keimi ah m’shümthein nak kä läk tuk ciah chang gui cu, kä nami kawng ät püi gui vai.

MATTHE 21:13

Cun kawn ah Bawipa Jesuh naw, “Cacim ung Khanpughi naw, ‘Ka pum im cu taigü nak ah im ah kya ci nei,’ cik ci. Cun ung phi nangmi naw m’guk ei ah ng’thuh nak ah nami pyang ci nei,” cine kyak na gui ci.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

THU PHLAAN 18:13

Sing ng’ui, phakphai, phaknan, situi, mura, sapyit tui, khitui, püm, htang, sei, htome, ng’se yatha, khleihtein la chang hnun ghing gui ah kyak ci.

1 KORIN 11:16

Shin ah a mawng pyein ne ng’cuhcan hlük ciah chang gui am, “Keimi ung phi bäi, Khanpughi ah khrithabum ung phi bäi, shin ah kawn ah thungyo a hei kä om ci nei” ciah kam thein gui ci nei.

1 TIMOTHI 4:7

Pyein ah kä ni ne yum nak kä om ciah puma awi gui cu nami hlawi vai nei. Zum nak ung nami ghin vai ah nami mät naw nami mät nami m’thei vai nei.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.