1 TIMOTHI 6:3 - Cho Bible Common Language 2016

³ Hngihnga ciah yum nak m’theithang ne, Bawipa Jesuh Krih ah thu düng la mi yum nak ah m’theithang nak,

1 TIMOTHI 6:3 Referans Kwoze

1 TIMOTHI 1:3

Macedonia ah ka hteh law vai ung ka ning m’cäi ah mäih ah Ephesus ah na om cang vai ka ng’ya hlük ci. Chang amshah gui naw thuvi ne m’theithang ci gui nei, cun gui cu, ami ng’düm vai ah na khän gui vai.

1 TIMOTHI 1:10

Pa la pa nu la nu ng’yawpawm düt ne pletbeng ci gui, chang phak ci gui, hleihlak ci gui, kä düng khai ah saksi ci gui la düng ciah yum nak hnu ng’tuk püi ci gui ah hmawk ah kya ci.

TITUS 1:9

Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.

2 TIMOTHI 4:3

Chang gui naw düng ciah yum nak cu kä ngai ya hlü ne, amät ah ng’yak hlü düt läk ne, ami mät ah ng’yak hlü bä bä ah thu m’gawng khai ah, m’theithang ci gui cu k’tä ne ami shui nak ah akhin gawk lawk khai nei.

ROMAN 16:17

Phäi nau gui aw, nang mi naw nami gah ah m’theithang nak gui cu hnu ng’tuk püi ne, chang gui ah m’lung ngaih ng’pai sak ne, chang gui ah yum nak lam hma sak ciah chang gui cu, nami geing nak gui vai nei, ngami cu nami hlawi gui vai nei!

TITUS 1:1

Kei Paul, Khanpughi ah changshäm la Jesuh Khrit ah ng’düihpüi naw ca ka gu lawk ci nei. Khanpughi naw a ghü ah chang gui ah yum nak shawihkhem gui vai la mi yum nak ah düng ciah m’theithang nak lam shüm gui vai ah kei cu ghü ne ana tüih ah kyak ci.

2 TIMOTHI 1:13

Kei naw ka ning m’theithang ah thu düng cu, thei nak vai ah ak htek ah kutshum ne, Bawi Khrit Jesuh ung kawng ät nak awn mi gah ah yum nak la m’hni nak cu na läk vai nei.

1 TIMOTHI 1:6

Chang amshah gui cu shin ah lam hma u ne, shetkat nak düt ng’cuhcan pyeinsak ci gui.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

NG'THU K'THUUK~ 15:4

Ng’awigi ciah ng’thu naw ghin nak law pui ci. M’gak ciah ng’thu naw mümcha m’di ci.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

MATTHE 22:21

Ngami naw, “Ghangpughang ah müi, ghangpughang ah ming nei,” cik ci gui. Cun kawn ah Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä,” cine kyak na gui ci.