1 TIMOTHI 6:20 - Cho Bible Common Language 2016

²⁰ Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

1 TIMOTHI 6:20 Referans Kwoze

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

2 TIMOTHI 2:16

Zum nak kä om ciah hmühma ne thu shai cu na hlawi vai, Cun ah mäih thushai naw chang cu Khanpughi awn ng’shawng sak pi ci nei.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

ROMAN 3:2

A phuma läi cu akda om ci, a htük bäih ah Khanpughi ah ng’thu m’than cu Jew chang gui ung gawk law ma ci.

1 TIMOTHI 6:14

Shin ah khäntam nak gui cu läk ne, Bawipa Jesuh Khrit kä a dang law ba pha ah chuih bekhüt ne bi na bi vai nei.

2 THESSALONIAN 2:15

Cun ah kyasei phäi nau gui aw, khäng sei ng’düi u ne ng’thu nami pyein nak la ca nami guk nak ung, kami ning m’thein gui ah cacim cu nami kutshum vai nei.

TITUS 3:9

Cun ung phi shekhak ciah ng’cuhcan nak, ng’shon lam ang sau ah guh ne pyan nak, ng’tuk vok nak, thukhän ah mawng ng’cuhcan nak gui cu na hlawi vai nei. Cun gui cu ei mang vai kä kya ne, a i phi kä ak pawih ciah a mawng gui ah kyak ci.

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

1 TIMOTHI 1:11

Shin ah theithang nak cu Thu Ni ung hmu ah Khanpughi ah bämang nak la phruhtheh nak ung ka lawk ciah Thu Ni, Kei naw ka shäu vai ah Khanpughi naw a na ap ah kya ci.

2 THESSALONIAN 1:4

Cun ah kyasei keimi naw nangmi ah mawng cu Khanpughi ah khrithabum gui ung khähghah ne kami pyein ci nei. Nangmi cu k’dukdeiu nak la yaica nak bui awt pang u ne phi nami m’khütnäng nak la nami yum nak ah hmawk ah kami längtang ci nei.

TITUS 1:14

Cun kawn ah Jew chang gui ah puma la düng nak hnu ng’tuk püi ciah chang gui ah thukhän cu kä ami kutshum men ba vai nei.

TITUS 1:9

Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

1 TIMOTHI 4:7

Pyein ah kä ni ne yum nak kä om ciah puma awi gui cu nami hlawi vai nei. Zum nak ung nami ghin vai ah nami mät naw nami mät nami m’thei vai nei.

1 TIMOTHI 1:6

Chang amshah gui cu shin ah lam hma u ne, shetkat nak düt ng’cuhcan pyeinsak ci gui.

1 TIMOTHI 1:4

Ng’cu can düt vai ah kyak ciah pumah-awi m’cu ne ng’shon lam düt khei ci gui cun phi, cun ah kä ami kyak ba vai ah nam cäi gui vai nei. Cun gui cu Khanpughi ah ng’bü nak ah kä kya ci, yum nak kawn vah cun gui hmat vai kyak ci.

1 KORIN 3:19

Khomdek chang gui naw cüivai nak ah ami ngaih cu Khanpughi ah maa ah akholä ah kyak ci. Cacim ung, “Khanpughi naw hmuhmat ciah chang gui cu ami mät ah theileh nak awn pha ba gui ci” ciah om ci.

LAMKTU 17:21

(Athens chang gui la a kho hei ah kaa lawk ciah ami khin gui cu, cun ah thu thai gui ami ngaih yaak, ami pyeinsak nak awn a khin ng’pyi sak ci gui.)

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

THU PHLAAN 3:3

Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.

TITUS 1:4

Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.

1 KORIN 2:6

Cun ung phi kei naw cüivai nak ah ng’thu cu mümcha ng’bühbei pyi ci gui ah maa ah ka pyein ci. Cun ah cüivai nak cu khodek khan awn kä ng’phaa ci, khodek khan bawi gui ah hlüngtai nak awn phi kä ng’phaa ci, khodek khan bawi gui ah hlüngtai nak cu ken law pipi ci nei.

ROMAN 1:22

Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

LAMKTU 16:1

Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci,

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

1 TIMOTHI 1:9

Mikmi naw mi shüm hmat vai cu, thukhän m’hnüt cu chang k’ni gui ah hmawk ah kä kya ci, thukhän m’shet ci gui, om shet ci gui, Khanpughi kä hmat ci gui la cheishoh ci gui, yum nak kä om ne mümcha lam kä shing ci gui, ami nupa ngawn ci gui, chang nagawn ci gui,