1 TIMOTHI 6:11 - Cho Bible Common Language 2016

¹¹ Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

1 TIMOTHI 6:11 Referans Kwoze

2 TIMOTHI 2:22

Ak hmaw chang gui ah hüithaw nak cu hlawi ne, Bawipa ah m’lungtheing awn taigü ci gui awn a täng ah düngdau nak, yum nak, m’hni nak la dimdeih nak gui cu na shui vai nei.

2 TIMOTHI 3:17

Cun ah kyasei Khanpughi ah khuut bik ci cu, nikiom nak a hlühlü abi lawh nak vai ah ng’sheitawn vai cu hlü ci, hmuhhmat Lulang nak awn kümbe vai ah phi kyak ci nei.

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

1 KORIN 10:14

Cun ah kyasei ka m’hni teihpüi gui aw, a gup nami khawihnah nak cu nawng shüt vä.

1 PETER 3:11

Ani cu akshe ng’hlah tah ne akni a bi vai: Dimdeeih nak a om vai ah am lung kiong avan nawn Ak tha nak vai.

1 KORIN 6:18

Pletbeng nak cu nami hlawi vai. A hei katnak naw chang tumat ah pumsa cu kä di sak ci; cun ung phi ng’yawpawm pletbeng nak bik ciah chang cu amät ah pumsa m’di ciah kyak ci.

SAM 34:14

Akshe nawng ne, akni nami bi vai; Na m’lung kyong avan nawn tha na ne dim deeih nak na bi vai.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

1 KORIN 14:1

Cun ah kyasei m’hni nak nami k’pan vai ah läk vä. Mumcha m’cümhnah nak cu ng’yak hlü nak om sä, Khanpughi ah ng’thu ng’shäu ne pyein nak cu ak tung ah ng’ya hlü pi vä.

ROMAN 14:19

Cun ah kya sei mikmi ung dimdeeih nak na pe gui khai la tumat la tumat k’thagui ming peit nak tu vai ah nam hteihtang gui khai cu, ang täi sei mawng nah ne mi bi vai kyak ci.

ISAIAH 51:1

Bawipa naw pyen ci, “Na ngai vä, hun phiawn vai ng’ya hlük ci gui, m’htei vai ah kei ah lawk ci gui. Nami law nak te ah lungk’pou, ami ning cawh nak gui te ah lungkhui cu nami ngaih tüh ba vai nei.

SAM 38:20

Kei naw düng ci bi vai ka tha nak ah hmawk ah, akni cu akshe awn thung ciah chang gui naw, na hnu ng’tuk püi ci gui nei.

2 GHANGPUGHANG GUI 5:20

Elisha ah changshäm Kehazi naw amät ng’htau ne, “Ka bawi naw Naaman ah a i phi kä dou ne hteh ba sak ci! Sirian naw a pek cu ani naw a dou ah khin te ci. Ghing ciah Bawipa ung kei naw gawt ne buuk neta ani ung a i baw ka lak khai” cik ci.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

JEREMIAH 35:4

Taigüim ah ka hteh püi gui ci. Kei naw ngami cu Igdaliah hta prophet Hanan ah ng’düih püi tumat ah ak khan ah ka hteh püi gui ci. Cun ah akhan cu aküikyang ah cawi kyak ci, chei bawi gui ah akhan gui pei ung

2 SHONTÄP NAK 8:14

Apa David naw am hnüt bäi shüt ah läk vai gui cu läk ne, Taigü gui naw a hnüüp tä ami bi gui vai la ng’äi awm m’cu u ne, taigü gui ah bi düh shawn ci gui ah Levit gui ah bi gui vai cu täntai pe gui ci. Khanpughi ah chang David ah thumkhän ah mäih ah, ani naw Taigüim ngäng ciah chang gui naw am kawt päng ung, a hnüüp tä ami bi gui vai cu täntai pe gui ci.

2 GHANGPUGHANG GUI 23:17

Ani naw, “Shin cu a u ah phuh hmun ang?” cine ng’shi gui ci. Bethela ung chang gui naw, “Shin cu Judah kho ah ka lawk ne, sonkiang nang naw shin ah na bi gui vai cu ng’cäk ciah prophet ah ng’phuh hmun nei” cik ci gui.

2 GHANGPUGHANG GUI 1:13

Cun kawn ah ghangpughang naw bawi tumat la chang hma kip cu tüi law ba mä ci. Ani cu m’htung ah hang kai ne, Elijah ah ma ah m’khuukdawng neta ng’paa na ne a pyen cu, “Khanpughi ah chang aw, kei la ka chang gui cu na chimgein gui ä, kami hnun nak phyawn gui ä!”

2 GHANGPUGHANG GUI 1:9

Cun kawn ah ani naw bawi tumat la chang hmakip cu Elijah la tuk khai ah tüi law gui ci. Bawi naw ani cu m’htung khan ah ngo sei hmu neta a pyen nak cu, “Khanpughi ah chang, kyum law ä, ghangpughang naw ng’thu nik bäi ci nei.”

1 GHANGPUGHANG GUI 20:28

Prophet tumat naw ghangpughang Ahab ah law neta a pyen cu, “Shin cu Bawipa ah pyen nei, ‘Sirian gui naw kei cu khodo ah khanpughi ah kä kyak ci, khomhtung ah khanpughi ah pyen ci gui, kei naw ngami ah gawkapnu ah khan ah näng nak ka ning pek khai, nang la na chang gui naw kei cu Bawipa ah nami na hmat khai” cik ci.

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

1 SAMUEL 2:27

Bawipa ung ka lawk ciah shin ah ng’thu awn prophet cu Eli ah lawk ci: “Nami pupa Aaron la akyong khui cu Egypt ghangpughang changshäm ah ami kyak ung, kei naw ka mät Aaron ung ka m’than ci.

1 GHANGPUGHANG GUI 13:26

Prophet ghipa naw cun ah mawng ng’ya neta a pyen cu, shin ah prophet cu Bawipa ah thumkhän kä ngai ciah kyak ci nei! Cun ah kyasei Bawipa naw a bi vai ah a pyen ah mäih ah phongkawng cu ani tu ne lou khai ah a tüih law ah kyak ci.

1 GHANGPUGHANG GUI 13:1

Bawipa ah thumkhän nak awn Judah ah ka prophet tumat cu Bethela ah hteit ne sonkiang ung douthak khai ah Jeroboam ang düih yah ung gawk lawk ci.

1 SAMUEL 9:6

Ak changshäm naw, “Om cang ä! Shin ah gawnu ung theingcim ciah chang, ami chang m’sui aih ah chang tumat om ci, a i ah kyasei ci ung ani ah a pyen päng cu hman ci. Ani ah ni hteit kaw, la gui a hawi hmuh ba hning vai cu ani naw na pyen tu goi hning hngaw khai nei” cik ci.

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

THULÄÄN NAK 16:20

Ang täi sei shankiang ne, nami taga vai, Cun ung nangmi cu Bawipa nami Khanpughi ah ning pek gui ah khaw khäm u ne, acun ung k’täi ne nami om khai.

NEHEMIAH 12:36

Ani ah hnu ah amät ah pahta chang ui naw läk lawk ci gui — Shemaiah, Azarela, Milalai, Kilalai, Maai, Nethanela, Judah la Hanani — ngami ami van naw Khanpughi ah chang, ghangpughang David ah tumkhawn man ah mäih tumkhawn gui cu kawt ci gui. Ami ng’hleh nak ung thukhän hmat ciah Ezra naw lam ma gui ci.

NEHEMIAH 12:24

Hashabiah, Sherebiah, Jeshua, Binnui, la Kadmiela gui ah m’shümthein nak awn Levit gui cu ang bum gui ah pyang gui ci gui. Khanpughi ah chang, ghangpughang David ah pek gui ah m’shümthein nak ah mäih ah hnü ät ung ng’bum goi ci naw ang bunglan ah Khanpughi m’hlüngtai ne yeikyai nak ci gui.

1 SHONTÄP NAK 23:14

Cun ung phi Khanpughi ah chang Moses ah hta gui läi cu Levit chang ah kyak ci gui.

1 GHANGPUGHANG GUI 17:24

Ani naw m’shang ne, “Tuhbäi kei naw ka hmat ci, nang cu Khanpughi ah chang ah na kyak ci, Bawipa naw akcang ah nang ung ng’thu pyen ci nei!” cik ci.

NG'THU K'THUUK~ 15:9

Bawipa naw changshe gui ah lam cu thui nak ci, cun ung phi dung nak bik ciah chang cu m’hni ci.

1 TIMOTHI 1:14

Mi Bawipa naw küikyang ciah am gein nak cu nam shum phruk ne, mi Bawi Khrih ung kawng ät nak awn yum nak la m’hni nak phi na pek ci.

2 TIMOTHI 2:21

Cun ah ak shekha gui phung ungka theingcim ciah chang cu a bawi ah hmawk ah bä ne, ak ni phung bi ge khai ah om ciah kya ne, ak küikyang ah kyak ci, a küi kyang nak ung mang hlü vai ah kiak ci.

2 TIMOTHI 3:10

Cun ung phi nang cu kei ah m’theithang om ih, la ka ghin nak ung kang bü nak gui cu hmat ne na läk ciah kyak ci nei. Ka yum nak, ka hnimgei nak, kam hni nak, ka khüighaat nak,