1 TIMOTHI 5:8 - Cho Bible Common Language 2016

⁸ A paw chang, ak tung pi ah ak kyongkhui chang kä m’hteihtang ci cu, yum nak hnu nak ciah kya ne, kä yum ciah mä sheka tuba ci nei.

1 TIMOTHI 5:8 Referans Kwoze

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

2 KORIN 12:14

Tuhbäi nangmi ah ak thum vei nak ah ka lawk khai ah ka pawng ci nei. Cun ung phi nangmi kä ka ning khüikhaa sak gui khai nei. Nangmi ah khawh kä ka ng’ya hlük ci, nangmi vah ka ning ya hlü gui ci. Hta hmaw gui naw nupa gui ah hmawk ah khawh käm cun ci gui, nupa gui naw vah hta hmawk gui ah hmawk ah khawh m’cun ci gui.

ISAIAH 58:7

Ei cawi ciam nami ei nami k’pai tu vai, a i m kä om sei dukhaih ci am, nami im kawt nami hmawn pek vai. A sui vai kä om ci am suisak nami pek vai, nami mätyah m’htei htang vai ah kä nami ma en vai.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

MATTHE 7:11

Nangmi chang kaa gui hngaw naw nami hta gui-am ak ni peit vai nami hmat ung, khankho ah om ciah nami Pa naw, ama ah ng’yoi lawk ciah chang gui-am ak ni pi gui cu pek khai ah kä kya ne ang?

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

ATÜNNAK 30:30

Azan na khawh apihta te, tuhbäi da lawk ci. Bawipa naw kei ah bi nak ung hriham ning pek ci nei. Tuhbäi ka mät naw ka kyong khui pyang ne ka om vai a khin gawk lawk ci nei” cik ci.

THU PHLAAN 3:8

Nang ah na bi cu kei naw ka hmat ci, Nang ung hlüngtai nak api a om ung phi, kei ah m’thei cu läk ne kei ah khan ah na bekhüt cu kei naw ka hmat ci. Kei naw na maa ah m’kawt cu ka hnawng ci, cun ah m’kawt cu a u naw kä khai hlawt khai.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

2 PETER 2:1

Thuvi ciah profet gui caü ami dang man ah mäih ah, thuvi ne m’theithang ci gui cu nangmi ah ng’lung ah dang lawk khai nei. Ngahmi naw dimaih nak vai la käng düng ciah yum nak cu law püi u ne, na hun gui ciah Bawipa phi mak khai gui nei, Cun gui cu a shänghta dimaih nak ung gawk khai gui nei.

JOHAN 15:22

Kei naw law ne kä kam thein gui vai sü ung ami katnak kä dang khai sü te; tuhbäi läi ami katnak a u naw phi käm’yih ba hlawt ci gui.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

2 KORIN 6:15

Bawi Khrih la khoshe cu kä kawng ät hlawt khai goi. Zum ciah chang cu kä yum ciah chang awn kä om ghawm hlawt khai goi.

MATTHE 18:17

Ngami ah thu mä kä ang ngaih ah a kyak ung, a mawng ama avan pyein ne pum im ung nami ap vai. Cun ung phi m’cäi kä ang ngaih ah a kyak ung, ak hnu bäih ah Khanpughi kä yum ciah chang khawn look ciah chang ah mäih ah namik bäi vai.

1 KORIN 6:6

Bawi Jesuh kä yum ciah chang gui ah maa ah khritha gui nami mät, nami ng’shawkcha tu aih ciah kya ci nei.

2 TIMOTHI 2:12

Mikmi ung khüighaat nak a om ah a kyak ung, Mikmi phi ani ung uknak mi gah tuk khai.