1 TIMOTHI 5:6 - Cho Bible Common Language 2016

⁶ Cun ung phi a om shek ciah hmeinu läi cu a ghin ung phi ak si ah kiak ci nei.

1 TIMOTHI 5:6 Referans Kwoze

JAMES 5:5

Nangmi cu khomdek khan ung ng’päi ng’ye, hlimtui ne nami om ci. Nangmi cu ami ning ngawn nak gui vai ah kho hnüüp ah hmawk ah nami ng’htah ng’awh ciah kiak ci.

THU PHLAAN 18:7

Ani cu amät bämang ne ang päi ng’ye awn khin khai ah, yaica nak la geinvai nak ung gawk sak vä. A i ah kyasei ci ung, ani naw, “Kei cu mangnu ah ka kyak ci, hmeinu ah kä ka kyak ci, Kei ung a i yah ung phi thüisei nak kä om khai” ci ne a kyak ah hmawk ah kyak ci.

THU PHLAAN 3:1

Sadis khrithabum ah khankho chang-am ca gu ne peit law nei: “Shin ah ca cu Khanpughi ah Mumcha pachih la aisi pachih ah om nak naw amcäi nak ah kyak ci. Nang ah bilawh cu kei naw ka hmat ci: Nang cu ghing ciah na ng’ming thang pang sei phi na sik ci.

LUKA 15:24

Ka hta cu ayan asih te ung phi tuhbäi ghing ba ci nei, ayan a maih te ung phi tuhbäi hmuh ba pyi nei” cine akchang gui-am pyein ah gui ci. Cun kawn ah ngami cu ei aw ne yeikyai yawp ci gui.

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

LUKA 15:13

Kä shou pha sei a hta ak hmaw pi cu, apa ah khawh chaam avan yoi ne, a gah ah ngui avan hteh püi ne, a kho hei ah hteit ci. Ani cu a gawk nak ah kho ah a ngui gui cu a i baw düt ah ci ne ei mang yawp ci

MATTHE 8:22

Cun ung phi Bawipa Jesuh naw, “Ka hnu ah na läk ä, ak si cu ak si gui naw htüm u sä,” cine pyen nak ci.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.

EPHESIAN 2:5

ang thu kä ngaih nak awn mi mümcha a sih nak ung ka, Bawi Khrit awn a täng ah na ghin ba sak gui ci. Nang mi cu Khanpughi ah a gein nak bäng awn hun nak nami gah ciah kyak ci.

LUKA 12:19

Cun kawn ah khawkum akda ei mang vai, khei ungka m’küm hmawng sei, yeikyai ne ei aw ne na om vai cine ka mät naw ka mät ka pyein khai” cik ci.

LUKA 7:25

Kä cun ung akni sui sa ne ng’bilawh ci gui nami teng khai ma? Akni sui ei ci gui cu bawimang ah im ung om ci gui nei.

NG’ÄI KYAH 4:5

Buh akni pi ei man ciah chang gui cu lam gui ung ei cawi ne sik ci gui. Bämang nak ung ng’shüm lawk ci gui naw ami ei vai bäng ng’ya hlük ci gui.

JEREMIAH 6:2

Zion mang gaw cu kyom ci nei, cun ung phi cun cu m’di khai gui nei;

ISAIAH 47:1

Bawipa naw pyen ci, “Babilon, na mang kiang ung ka kyum law ne, m’dek khan ah m’vut ung ngo ä. Ayanä nang cu ng’lami hta ah mäih ah a u naw kä a tuk man ah mang gaw ah na kyak ci, Cun ung phi nang cu kä na awigi hniphnoi ba ci! Tuhbäi nang cu khlei-htein ah na kyak ci!

ISAIAH 22:13

Cunnak vaisü ung nangmi cu gaih ne pawi nami bik ci nei. Htome la seipat ngawn ne ei u ne, sapyit tui nami awk ci nei! Nangmi naw, “Mikmi akni mi ei awk khai nei, Ngawi ung mikmi mi si lawk khai nei” nami cik ci.

NG'THU K'THUUK~ 29:21

Nang naw na changshäm cu ak hmaw yah ung tün ne ang yak hlü päng na pek ah akyak ung, hnüüp ät ung ani naw na khawh avan la yawp khai.

1 SAMUEL 25:6

Ani naw m’cumcäi gui ne Nabala am a pyen sak gui cu: “David naw yavaih nak ak ning m’khäh lawk ci nei, ka teihpui, nang, na kyongchang la na khawk avan ah khan ah yeikyai nak om ci nei.

1 SAMUEL 15:32

Samuela naw k’bäi ne, “Ghangpughang Agag cu shin ung ka pei ah law püi vä” cik ci. Agag cu a pei ah kyi ne ng’hlet ne lawk ci, amät naw ngai ne, “Sih vai cu a i hlawk ah tä khai aw? cik ci.

THULÄÄN NAK 28:56

Ng’awigii pi ne aknipi ah ng’tüi ciah hnumi, ang htei ah büh mang ne a hawi kä hteit phung ne om ci phi acun ah mäih ah kyak khai. Ga gui naw ani ah gawnu cu ami khaai law ung ani cu ei cawi law aih neta, a hta thai ah a hmaw la a yen cu düm ah ei khai. Ani naw am hni ah acei la a hei a hta gui phi, kä m’bei tu gui khai.

THULÄÄN NAK 28:54

Ng’awigii pi ne aknipi ah ng’tüi ciah pami cu ami khaai gui yah ung ei cawi aih neta amät ah hta amshah cu ei khai, a i ah kyasei ci ung ani ung a ei vai kä om ci. Ani naw cun cu a phäi nau am, amhni ah akchu am, pawih ba ciah a hta gui am phi kä m’bei tu gui khai.

LUKA 16:19

Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

ATÜNNAK 2:17

Cun ung phi akni la akshe m’khoichaa nak ah sing ghing ah m’theih cu kä na ei vai, na ei ah a kyak ung acun ah hnüüp ung na si khenggeng khai” cine m’cäi ci.

2 TIMOTHI 3:6

Cun ah chang gui ungka amshah gui cu, chang gui ah im ung lut u ne, ami thuvi nak awn, ami shetkat nak ung geinvai u ne, ng’yak hlü nak nüng ah tüihtok nak ung om ciah hnumi gui cu, ami kut ung gawk khai ah cik ci gui nei.