1 TIMOTHI 5:22 - Cho Bible Common Language 2016

²² Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

1 TIMOTHI 5:22 Referans Kwoze

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

1 TIMOTHI 3:10

Ngahmi cu ak htük ung tüihtok nak aut ma u sä, tüihtok nak ami näng ah a kyak ung, ngami cu khuut bi tu u sä.

1 TIMOTHI 3:6

Ani cu yum nak khäng htek pyi ciah a kyak vai, kä cun ung ani cu ta-äh law aih ne khoshe ah mäih ah m’khoichaa nak gah khai nei.

1 TIMOTHI 4:14

Profet gui ah thu awn, ak tahnga gui naw, na khan ah ami kut taih ne ami ning m’shumphyuk ah mümcha m’cümhnah nak cu, a i baw düt ah kä na ngaih-en vai nei.

LAMKTU 6:6

Zum ci gui naw cun ah chang gui cu, ang düihpüi gui ah pei ah law püi u khätah ami khan ah ami kut taih ne taigü pe gui ci gui.

2 JOHAN 1:11

Ani ana dou ciah chang cu ani ah paw ah kya law ne, shetkat nak bi tuk ciah chang ah kyak ci.

2 TIMOTHI 1:6

Cun ah kyasei kei naw na khan ah kut taihnak ka ning peik yah ung Khanpughi naw a ning peit ah m’cümhnah nak cu ghing khai ah na shum vai ah ka ning m’shümthein ci nei.

HEBRU 6:2

Tui hnim nak ah mawng, kut taih ah mawng, sih nak ungka thawh ba ah mawng la ak hnu bäih ah m’khoichaa nak ah mawng gui cu ning m’thei gui pyi ah kyak ci.

2 TIMOTHI 2:2

Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

LAMKTU 13:3

Ngami cu ei hlawi ne taigü u ne, ani khan ah ami kut taih neh taigü u netah Khanpughi ah bi bik khai ah tüi goi ci gui.

THU PHLAAN 18:4

Cun kawn ah khanmawpi ah kaa k’aw a hei cu ka ng’ya ba ci. Cun ah k’aw naw; “Lut law ba vä! Kei ah chang gui, Ani ungka lut law ba vä! Ani awn a täng ah kä nami cheishoh tu vai, Ani awn a täng ah m’shetkat nak kä nami gah tu-en vai!

LAMKTU 20:26

Cun ah kyasei nang mi ungka chang tumatmat cu, a di maih ah a kiak ung, kei ah awm ah kä kyak khai ci cu, ak dei dang ah ka ning m’thein gui ci.

LAMKTU 18:6

Ani cu Judah chang gui naw hnu ng’tuk püi ne k’shedam nah u khätah, Paul naw ami ma ah a sui k’khawng ne, “Nangmi nami dimaih ung phi nami mät ah chaw ah kyak khai nei, kei naw kä ka pyein tu ba khai, tuk bäi ung tün ne changpakhui hei gui ah hteit ne ka pyein khai nei” cine pyen na gui ci.

JOSHUA 9:14

Israel gui naw ami ei amshah cu dou ci gui, cun ung phi Bawipa cu kä ng’shi thäh ci gui.

SAM 50:18

Nang cu na hmuh phung m’guk ei gui ah teih püi ah kya ne chang plet ah paw chang ah na kyak ci.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;