1 TIMOTHI 5:20 - Cho Bible Common Language 2016

²⁰ Shetkat nak bik ciah chang cu, chang a hei gui ami kyihkyawk vai ah phäh ah, chang khli ah lung ah nami m’cäi vai nei.

1 TIMOTHI 5:20 Referans Kwoze

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

LAMKTU 5:11

Pum ci gui ami van lacun ah a mawng ng’yah tuk ciah chang avan cu ang hteiah kyikyawk ci gui.

THULÄÄN NAK 13:11

Cun ung Israel chang gui ami van naw a i, i ah kyak ciah hmat khai gui. Ngami cu kyik khai gui, A u naw phi cun ah mäih ah akshe cu a ngawi ah phi kä bi ba khai.

1 TIMOTHI 1:20

Acun gui ung Himenaeus la Alexander phi om tuk ci goi. Shin ah mawng naw m’theithang gui sei, nangmi naw Khanpughi ami shetkat nak ami nawng vai ah, kei naw ngami cu Satan ah kut ung ka ap gui ci.

LAMKTU 5:5

Cun ah ng’thu ang yak vai am Ananias cu, kiuh ne sih seih, acun hmuh ng’yah tuk ciah chang gui cu ang htei ah kyikyawk ci gui,

THULÄÄN NAK 21:21

Cun kawn ah mang gaw ung om ciah chang gui naw lung awn vawi ne ami ngawn vai. Acun ah nangmi naw akshe cu nami nawt heng vai. Israel ung om ciah chang nü naw acun ah a kyak cu ng’ya u neta, kyik khai gui.

THULÄÄN NAK 19:20

Cun kawn ah chang päng naw a i ah kyak ciah mawng cu ng’yak khai gui. Ngami cu kyik khai gui, a u chang naw phi cun ah mäih akshe cu kä bi ba khai.

THULÄÄN NAK 17:13

Cun cu chang päng naw ng’ya neta kyih khai, acun ah mäih cu a u naw ling ne kä bi ba khai.

LAMKTU 19:17

Cun ah a mawng cu Ephesus ung om ciah Judah chang gui la Krik chang gui naw ng’ya u netah, ang htei ah kyikyawk u ne, Bawipa Jesuh ah ming cu m’hlüngtai ci gui.

TAIGÜTHUM 19:17

“Chang tumat mat hnungtuk ne m’lung kä m’hni nak kä na m’dang vai, cun ung phi ani awn kä täng khai ah na om vai. Cun ung ani ah hmawk ah nang naw katnak kä na bik khai.

2 KORIN 7:11

Nami thüisei nak ung Khanpughi ah bi bi cu teng vä! Nami k’thamah law pyi ci, nami katnak a theing ah mawng nami m’dang law pyi ci, nami m’lung k’she ah phäh ah nami ng’ä pyi ci, nami kyikyawk pyi ci, nami ng’ap pyi ci, cheishoh nak m’kat vai nami hmat pyi ci, a mawng avan ung katnak nami phyawn nak ah mawng nami mät naw nami m’dang pyi ci nei.

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

TITUS 2:15

Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.