1 TIMOTHI 5:1 - Cho Bible Common Language 2016

¹ Na mät ah ng’vaipi cicu m’yeek ne kä nang thu püi vai, na pa ah mäih ah na chang m’sui vai. Na mät ah hmaw pi ci gui cu na nau gui ah mäih ah,

1 TIMOTHI 5:1 Referans Kwoze

TAIGÜTHUM 19:32

“Aghi ang vai gui cu chang m’sui ne, nami m’tam ngak vai. Kyih aa ne nami cuun ngaih vai. Kei cu Bawipa nei.

TITUS 2:2

Pami ng’vai ba gui cu ami lunglang vai, ami küikaa vai, ami htingling vai la bä ciah yum nak, m’hni nak la khüighaat nak ami kümbe vai ah nam cäi gui vai nei.

1 PETER 5:1

Kei ka mät ah mäih ah khrithabum ung ang vaihta gui cu ka ning m’cäi gui ci nei. Bawi Khrit ah geinvai nak ah mawng saksi ci la dang lawk khai ah abämang nak ng’pai tuk ciah chang ah ka kiak nak awn ka ning m’cäi gui ci nei.

KALATIAN 6:1

Ka Phäi nau gui aw, chang tumat cu a cheishoh ah a kyak ung, Mumcha k’thamah nak om ci gui naw, m’cäi ne nami ng’düng ba sak vai. Cun cu om ni nak awn nami bi vai. Nami mät phi tüihtok nak ung kä nami gawk vai ah nami geing nak vai.

TITUS 2:6

Acun ah mäih ah ak hmaw chang gui cun phi ami htingling vai ah nam cäi gui vai nei.

MATTHE 23:8

Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

1 TIMOTHI 5:17

Khanpughi ah khuut bik ciah ak tahnga gui cu, ng’cheng a goi thum ah gah khin ci gui ah nami hmat vai nei. Thu Ni ng’shäu ci gui la m’theingthang bilo ci gui cu ak tung pi ah gah khin ci gui nei.

ROMAN 13:7

Cun ah kya sei nang mi naw nami peit vai ah khin ci phung cu nami peit vai, a khawn m’cu vai ah a mawng om ciah phäh phung ah nami m’cu vai nei, uk ciah bawi gui ami van cu m’tamkhah gui ne nami chang m’sui gui vai nei.

LAMKTU 15:4

Paul la Barnabas cu Jerusalem ah ami gawk law ung, khrithabum gui, ang düihpüi gui la ang vai gui naw a na dou gui u sei, ngahmi awn Khanpughi naw bi a bi ah mawng cu m’thein tu gui ci gui.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

THU PHLAAN 4:4

Cun ah mang kiaang ah ng’veing ung a hei mang kiaang m’ku-lei-phli om ci. Cun ah kiaang gui ung aghaampa sing m’ku-lei-phli ngok ci gui. Ngami cu a bawk bäng bäng sui u ne, ghui lukhu ng’büng bäng bäng ci gui.

3 JOHAN 1:1

Ang vaihta kei naw akcang ah kam hni ah Kaius-am ca ka guk lawk ci nei.

2 JOHAN 1:1

A ng’vaihta kei naw, akcang ah kam hni ah hnumi nu la a hta gui am ca ka guk lawk ci nei. Kei bäng ah kä kyak ciah thu thuuk ung m’hni nak hmat ci phung naw, nang cu ning m’hni ci nei.

JAMES 5:14

Gawpyam ciah chang naw khrithabum ung ang vaihta gui cu khü gui sä. Ngahmi naw ak gaw cu khitui awn hluk ne Bawipa ah ming ung taigü pe u sä.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

LAMKTU 20:17

Miletus ah kaa ge naw Paul naw, Ephesus ah Khrithabum a gham gui am, ami hmuh law vai ah ca gu ne pe gui ci.

LAMKTU 15:6

Cun ah kyasei ang düihpüi gui la ang vai gui cu cun ah a mawng ng’ge nak vai ah ng’bum ci gui.

THULÄÄN NAK 33:9

Ngami naw ami pupa, phäi nau, hta nau gui ah ta, dämduh pi ciah bekhüt nak cu nang ung m’dang ci gui. Ngami naw nang thumkhän gui cu läk ci gui. Nang ah thukhän ung bekhüt ci gui.

1 TIMOTHI 5:2

na mät ah ng’vaipi ciah hnumi gui cu, na nu gui ah mäih ah, a mät ah hmawpi ciah hnumi gui cu na be gui ah mäih ah, theingcim ciah m’lung awn na om ih püi gui vai.