1 TIMOTHI 4:8 - Cho Bible Common Language 2016

⁸ Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

1 TIMOTHI 4:8 Referans Kwoze

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

1 TIMOTHI 6:6

A mät ung om ci awn bä khai ah ngaih gep ciah chang cu, a yum nak naw bühmang nak pek ci.

NG'THU K'THUUK~ 22:4

Bawipa cu läk äm’lung neim sak ä, cun ung na bühmang khai, m’tamkhah nak na gah khai, akshou na ghing khai.

NG'THU K'THUUK~ 19:23

Bawipa cu na lak vai, cun ung akshou na ghing khai, bühbei ne leigai na phyawn nak khai,

1 JOHAN 2:25

Cun cu Bawi Khrit amät naw shaitaak nak ana peit gui ah angtäi ghin nak cu gah ah kyak ci.

MAKUH 10:30

a ghin yah ung shedam nak cu näng ne, a phia ah däm ciah im lo, phäi nau, pai nau, nupa, hta nau gui cu gah ba khai. Cun kawn ah gawk lawk khai ah kho ung phi angtäi ghin nak cu gah khai.

SAM 37:29

Düng ciah chang gui cu khaw päng u ne, ngawi yä pui m’ca khai gui.

SAM 37:11

cun ung phi am lung neim sak ci naw khaw päng khai, khawhmah ne yeikyai ding gei khai.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

THUSHÄUTU 8:12

Hmakat ciah chang naw cawipang nak phya bi ne, ghing ne om lä ci. Ä, kei naw chang gui naw a i ami pyen cu ka hmat ci nei: “Nang naw Khanpughi na ngaih ung a päng avan cu bä khai nei.

SAM 145:19

Ani m’tamkhah ci gui ah ami ng’yak hlü cu petak gui ci; Ani naw ami kyah cu ng’ya ne hun gui ci.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

1 KORIN 8:8

Ei cu Khanpughi lam ah ak tung ah kä kyak ci; ei kä ei ung phi dishum nak vai kä om ci, ei ei ung phi näng m’khüt nak vai kä om ci.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.

ISAIAH 33:16

Cun ung nangmi nami phyawng khai, khäing htek ciah vongpang kyong ah om ah mäih ah nami ngaih gep khai. Nangmi ung nami ei vai buh am khai, nami awk vai tui om khai.

SAM 37:9

Bawipa ung ng’ap cicu kho khän ne ng’len khai, cun ung phi changshe cu gawt ne täm khai.

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

1 KORIN 3:22

Apollos, la Peter ni, shin ah khomdek khan ni, sih nak la ghin nak ni, tuhbäi kaa la ngawi ah kaa vai ni, avan nangmi naw nami khäm ci.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

JOB 36:11

Ngami cu Khanpughi ngai ne abii ami bi ah akyak ung, ngami cu ding gei sei büh mang ne om khai gui.

MATTHE 12:32

Chang ah Htapa m’shetkat ne ng’thu cicu m’gein hning ung phi, Mumcha Theing m’shetkat ne ng’thu ci läi cu, ngawi yä güt m’gein nak kä om hlawt khai.

1 TIMOTHI 4:7

Pyein ah kä ni ne yum nak kä om ciah puma awi gui cu nami hlawi vai nei. Zum nak ung nami ghin vai ah nami mät naw nami mät nami m’thei vai nei.

1 TIMOTHI 6:3

Hngihnga ciah yum nak m’theithang ne, Bawipa Jesuh Krih ah thu düng la mi yum nak ah m’theithang nak,

1 TIMOTHI 6:5

gui cu ng’lih pyou sak ci. Cun ah om ih ciah chang gui cu ami lung ngaih hnga sei, thu düng caciim kä hmat ci gui ah kiak ci. Ngami naw yum nak ah lam cu bühmang nak ah lam ah ngai ci gui.

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

LUKA 5:38

Cun ah kyasei sapyit tui asü cu um akthai ung than vai,