1 TIMOTHI 4:16 - Cho Bible Common Language 2016

¹⁶ Geik na ne om ne nam theithang vai nei. Shin ah a mawng gui cu k’tha na ne na bilawh vai nei, cun ung na mät la na thu ngai yak ciah chang gui cu hun nak gah khai gui nei.

1 TIMOTHI 4:16 Referans Kwoze

TITUS 1:9

Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.

TITUS 2:7

Na mät cun phi a mawng ama avan ung chang ah ning thei nak vai ah na hnün om vai nei. Htinling ne ak küikyang ah nam theingthang vai nei.

1 SHONTÄP NAK 28:10

Nang naw na hmat vai cu, Theingcim ciah a Taigüim cawh vai ah Bawipa naw nang cu ning ghü ci nei. Tuhbäi co vä, khüighat ne co vä.”

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

2 TIMOTHI 3:14

Cun ung phi nang läi cu theithang ne na dou ah thu thuuk cu ak kheng ah na yum vai. A u chang gui ah nang theithang tu te cun phi na hmat vai.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

ISAIAH 55:11

A cun ah mäih ah kei ah ka pyen ah ng’thu cu kyak khai nei — kei naw ka pawng püi cu bi vai ah cun cu kä shum khai; kei naw bi vai ah ka tüih law päng cu, a cun naw bik khai.

1 TIMOTHI 4:6

Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.

1 TIMOTHI 1:3

Macedonia ah ka hteh law vai ung ka ning m’cäi ah mäih ah Ephesus ah na om cang vai ka ng’ya hlük ci. Chang amshah gui naw thuvi ne m’theithang ci gui nei, cun gui cu, ami ng’düm vai ah na khän gui vai.

ROMAN 16:17

Phäi nau gui aw, nang mi naw nami gah ah m’theithang nak gui cu hnu ng’tuk püi ne, chang gui ah m’lung ngaih ng’pai sak ne, chang gui ah yum nak lam hma sak ciah chang gui cu, nami geing nak gui vai nei, ngami cu nami hlawi gui vai nei!

2 TIMOTHI 2:10

Cun ah kyasei kei cu, Khanpughi ah a ghü ah chang gui ah hmawk ah a i phi ka buiaut ci nei. Cun cu ngami naw phi Bawi Khrit Jesuh ung hun nak ami gah tu vai la angtäi ah bäkhäk nak a gawk law vai ah hmawk ah kyak ci.

1 KORIN 9:27

Kei naw chang gui ng’längna tuk khai gui ah khü gui netah, ka mät kä ka k’pawih en shüt vai ah, ka pumsa cu liu ne guh khai ah khüi ne ka ng’lüm ci nei.

LAMKTU 6:4

Keimi läi cu taigü nak lah Khanpughi ah ng’thu pyein nak awn akhin be khai ah kami bik khai” cik ci gui.

MAKUH 13:9

Nangmi cu ngaih na ne nami om vai. Chang gui naw nangmi cu yung ah m’kawt ung ning ap gui khai gui. Pum im ah k’caw ah ning that gui khai gui. Nangmi cu kei ah hmawk ah bawimang gui la ghangpughang gui ah ma ah gawk u ne, Thu Ni pyein ne nami ng’shä khai.

JEREMIAH 23:22

Ngami naw ng’zih ciah kei ah ngaih-tüh ami hmat ah a kyak vaisü ung, ka chang gui ah ma ah ka thu cu ng’shäu hning khai gui, akshe ah ami ghin nak la akshe ami bi gui cu nawng hning khai sü gui te ah kyak ci.

JAMES 5:20

Cun ah cheishoh ciah chang lam a hma nak ungka khü ne law püi ba ciah chang cu, cheishoh ciah chang ah mumcha sik nak ung kaa phiawn sak ne, a cheishoh nak gui phung m’geinsei nak a gah vai ah m’hteihtang ciah kyak ci, ci cu nami hmat vai nei.

TITUS 2:15

Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.

KOLOSE 4:17

Cun kawn ah “Bawipa ah khuut nami bi cu pyi hlah ne nami bi vai nei” cine Archippus-am nami m’thein vai nei.

1 KORIN 9:22

Kei cu yum nak ken ci gui ah ng’lung ah ka gawk ung, ngami ka k’phiawn nak gui vai ah yum nak ken ciah mäih ah ka om tuk ci. Chang a kükü cu k’phiawn nak gui hlawt vai ah chang a heihei ah a hlü hlü ah ka om tuk ci.

ROMAN 11:14

Kei naw ka mät ah pakhui chang gui ung m’thüi nak ah m’lung om khai ah ka bi nak awn, ngami ungka chang amshah naw bawtah hun nak gah tuk khai gui nei.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

LAMKTU 26:22

Cun ung phi tuk ngawi ung khüt khai ah Khanpughi naw nam htei sei, ak pyam, ang mang, chang khli ah ma ah, ka saksi ci nei. Moses la prophet gui ah ng’thu pyein ah mäih bä bä ah;

2 SHONTÄP NAK 19:6

m’shüm thein gui ci, “Geing na ne nami ng’thumcha vai nangmi cu hnicim chang ah huham awn nami hnüntho ciah kä kyak ci, Bawipa ah huham awn nami hnüntho ci, nami ng’thumcha nak päng ung ani naw ning om püi gui ci.

PHILIMON 1:19

Shin ung kei ka mät naw ka kut awn ka guk ci nei, cun cu “Kei Paul ka mät naw ka ning thung khai nei.” (Nang naw kei ah khan ah na puhnih om ci cu, kei naw ka pyein vai ah kä hlü ciah na hmat ci.)

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

PHYAWN NAK 23:13

“Kei, Bawipa naw ka ning thu püi gui phung cu nami ngaih vai. A hei khanpughi gui ah kä nami taigü vai, ami ming pang phi kä nami pyen vai.

1 KORIN 1:21

Khomdek chang ah hmuhmat nak awn Khanpughi a u naw kä a hmat hlawt vai ah, Khanpughi naw ak cüikhai nak awn pyang ci nei. Chang gui naw gu-aang nak ah ami ngaih ah, keimi ah pyein ah thu awn yum ciah chang gui cu hun gui vei ah Khanpughi naw k’bäi ci nei.

1 TIMOTHI 4:15

Chang van naw na bämang law cu ami ning hmuh vai ah, shin ah a mawng gui cu m’shiin püi ne na bi vai nei.