1 TIMOTHI 3:7 - Cho Bible Common Language 2016

⁷ Ani cu Khrithabum ah ak pung ah chang hei gui naw phi ami chang m’sui tu ah kyak khai, cun ung vah khoshe ah kut ung phi kä gawk hlawt khai.

1 TIMOTHI 3:7 Referans Kwoze

2 KORIN 8:21

Keimi ah ng’bü nak cu Bawipa ah ma bäng ah kä kyak ciah chang ah ma ah phi ng’düng khai ah bi vai ah kyak ci.

2 TIMOTHI 2:26

Cun ung ngami cu düng nak hmu law u ne, ang yak hlü phung läk khai gui ah pha ne shum gui ciah khoshe ah kut ungka phiawng khai gui nei.

KOLOSE 4:5

Kä yum ci gui ah chang gui ah ng’lung ah nami hnünthawh ung nami cüivai lunglang vai nei. Akhin nami gah phung cu aknipi ah nami mang thei vai nei.

1 TIMOTHI 6:9

Bühmang hlük ciah chang gui cu tüihtok nak gah thei ci gui nei, ngami cu m’ghämce ne shetkat nak ah ng’yak nak hlü naw pha gui thei ci nei, cun ah yak hlü nak naw ngami cu didap sak gui thei ci nei.

1 THESSALONIAN 4:12

Cun ung nangmi cu Khritha gui ah kä kyak ciah chang hei gui ah, chang m’sui nak nami gah khai. A u ung ng’yung phya ne nami kiak vai phi kä hlü khai nei.

2 KORIN 6:3

Keimi ah khuut bi nak ah mawng ung chang naw kä ah nam kat en gui vai ah, chang ah kä ng’yak hlü a i phi kä kami bi vai ah kami k’tha nak ci.

1 KORIN 10:32

Jew chang gui, Khui hei chang gui, Khanpughi ah pum im chang gui, a u chang ah hmawk ah phi yaica nak kä om men khai ah nami ghin om vai nei.

LAMKTU 6:3

Cun ah kiah sei, phäi nau gui aw, nangmi ung ka Mumcha Theing awn be neh hmuh hmat nak om ciah chang sing chih nami ghü vai, shin ah mawng bik khai gui ah ngami cu kami m’düih gui khai.

TITUS 2:8

A u naw kä a täitawk-en thei vai ah bä ciah thu lung gui na pyein vai nei, cun ung na ga gui naw mikmi ah khan ah a i ung phi katnak kä hmu u netah lü ng’aa khai gui nei.

TITUS 2:5

Ami htingling vai, ami theingcim vai; kyongkhui m’htei ciah hnumi ah ami kyak vai, a cei ah beit ng’yak ciah hnumi ah ami kyak vai cu, m’shümthein gui thei khai gui nei. Cun ah a kyak ung Khanpughi ungka lawk ciah thu cu a u naw ak she ah kä pyein ba khai nei.

1 THESSALONIAN 5:22

akshe phung cu nami nawng vai nei.

1 TIMOTHI 5:14

Cun ah kyasei hmaw sang ciah hmeinu gui cu ceimah ba u ne, hta nau u ne, ami kyong khui m’htei ne om u sä, cun ung mi ga gui naw mikmi ah mawng ak she ami pyein vai a i kä om khai.

1 KORIN 5:12

Chang hei gui nüng m’khoichaa vai cu kei ah bi ah kä kyak ci. Ngami cu Khanpughi naw m’khoichaa gui khai. Cun ung phi nangmi naw nami mät ah chang bum ungka nami ng’thumcha hning ciah kä kya ne ang! Cacim naw, “Nami changbum ung kaa, chang she cu k’täm vä” cine pyein ci.

LAMKTU 22:12

Cun ah gawnu ah Ananias ming nak ciah chang tumat om ci. Ani cu thukhän läk ne yum nak om ciah chang ah kyasei, Cun ah gawnu ung om ciah Judah chang avan naw amik chang m’sui ah chang ah kya ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

MAKUH 4:11

Bawipa Jesuh naw, “Nangmi naw thuuk ne kau ciah Khanpughi ah uknak kho ah mawng cu nami hmat pyi ci. Cun ah kä hmat tu hning ci gui cu m’tumtäng ne m’thein gui ah kyak ci.

1 SAMUEL 2:24

“Ka hta gui, nawng vä! Bawipa ah chang gui naw shin ah mawng pyen vai cu kyih aih vai kyak ci nei!

3 JOHAN 1:12

Chang nüng naw Demetrius ah ni nak cu pyein ci nei, thudüng mät naw phi ani ah ni nak cu dang sak ci nei. Keimi naw ani ah ni nak cu kami be sak hlük ci, Keimi ah thu ang düng ah mawng cu, nangmi naw nami hmat ci nei.

1 TIMOTHI 3:6

Ani cu yum nak khäng htek pyi ciah a kyak vai, kä cun ung ani cu ta-äh law aih ne khoshe ah mäih ah m’khoichaa nak gah khai nei.