1 TIMOTHI 3:6 - Cho Bible Common Language 2016

⁶ Ani cu yum nak khäng htek pyi ciah a kyak vai, kä cun ung ani cu ta-äh law aih ne khoshe ah mäih ah m’khoichaa nak gah khai nei.

1 TIMOTHI 3:6 Referans Kwoze

1 TIMOTHI 6:4

kä ng’müi sak ci cu, chang ah ng’shei aih ne a i ng’hlui kä hmat ciah kyak ci. Ani cu ng’vook shan vai, ng’küük neet vai ng’yak hlü ciah kyak ci. Cun naw vamneng nak, cuhcan nak, m’thüikhang nak, shedam nak,

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

2 KORIN 12:7

Kei naw ka hmuh ah cäicat vai mawng ung kei cu kä ami nam hlüngtai en vai ah, kei cu ka pumsa awn geinvai nak ka aut ci nei. Cun ah geinvai nak naw, Satan ah ng’shä tüih ah mäih ah, kei cu na hnem ne, kam ghä m’ce nak cu na k’cheih pek ci nei.

1 KORIN 8:1

Tuhbäi ung agup am sonkian ah ei ah mawng nami na ng’shi cu ka ning m’hlan gui khai. Mikmi mi van ung hmuhmat nak om ci cicu akcang ah kyak ci, cung phi hmuhmat nak naw chang cu lämaa sak ci; m’hni nak naw vah chang cu m’küi m’khän ci.

1 KORIN 3:1

Phäinau gui aw, shin ah a mawng ung kei naw nangmi cu Mumcha khüighaat ciah chang gui ah mäih ah kä ka ning thu püi gui ci; khomdek chang ah mäih ah phi bäi, Bawi Khrih ung htayüt hta gui ah mäih ah phi bäi ka ning thu püi gui ci.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

NG'THU K'THUUK~ 18:12

Am’lung ka ng’neim sak ciah chang cu a u naw ka chang m’sui ci. Chang omshe gui cu ami di nak vai ah lam ung om ci gui.

2 SHONTÄP NAK 32:25

Cun ung phi Hezekiah cu chang ah ng’shei aih ne, Bawipa naw ani ah khan ah abi ah bä nak cu kä m’dan hlük ci, acun ah phäh ah Judah la Jerusalem cu yaica ci gui.

2 SHONTÄP NAK 26:16

Ghangpughang Uzziah cu thamah law neta chang ah ng’shei law ne, amät ah yung kyak nak vai ah kya lawk ci. Ani cu Taigüim kyong ah hteit ne m’khih nak ah sonkiang ung m’khih ni a bi nak awn Bawipa Khanpughi khan ah cu küknet nak ci.

2 GHANGPUGHANG GUI 14:10

Tuhbäi, Amaziah aw, nang naw Edomit gui cu na m’hnim gui ci, na khähghah ci. Acun ah näng nak awn ng’büh ne na im ah om mä. Na mät la na chang gui ah khan ah leigai law püi khai ah khüikha nak cu a i ah kyasei na m’thawh hlü ang?” cik ci.

THULÄÄN NAK 17:20

A shin cu, ani cu Israel paw gui ah ta bä tuba ciah a ngaih nak la a i ung phi, Bawipa ah thukhän kä a läk nak hning cu k’pan pek khai. Cun ung ani naw khokum akda uk khai, a htangshon gui naw Israel khaw cu ng’shon akda ung uk khai gui.

THULÄÄN NAK 8:14

Chang ah kä nami ng’shei vai ah nami cimgang vai. Changshäm ah nami kyak nak ah Egypt khaw ungka ning gung gui ciah Bawipa nami Khanpughi kä nami m’hnih vai.

JUDE 1:6

Ami mät ah gah ah hrilham ah kyong ung kä om u ne, ami om nak ah hmun nawng shüt ci gui ah Khankho chang gui ah mawng cu nami shüm ba khai nei. Ngami cu Khanpughi naw am khoichaa nak vai ah hnüüp ung am shetkat gui vai ah m’htei khaw hnüüp khui ung, kä k’phyan ba hlawt ah m’si gui awn khit ne k’pawng gui ci nei.

2 PETER 2:4

Khanpughi naw cheishoh ciah khanchang gui phi käm düm gui ci, ngahmi cu m’hteikho ah yuk chah gui ne, M’khoichaa nak ah Hnüüp güt m’si gui awn k’pawng gui ci.

2 TIMOTHI 3:4

Ngahmi cu ng’lihlak u ne, häipai u ne, ta-äh ne chang ah ng’shei khai gui nei: Khanpughi ah mä hlimtui nak düt cu m’hni pi khai gui nei.

LUKA 10:18

Bawipa Jesuh naw, “Khankho ah kho alai-läp ah mäih ah Satan cu kya law sei ka hmuk ci.

1 TIMOTHI 3:7

Ani cu Khrithabum ah ak pung ah chang hei gui naw phi ami chang m’sui tu ah kyak khai, cun ung vah khoshe ah kut ung phi kä gawk hlawt khai.

DANIEL 11:12

Ani cu a näng ah phäh la chang akda a ngawn ah phäh ah chang ah ng’shei khai, cun ung phi ani cu k’täi ne kä näng hlawt khai.