1 TIMOTHI 3:3 - Cho Bible Common Language 2016

³ Ani cu yu kä aw ne, ng’tuk vook kä lup ne, ng’awi gi ne, dimeih nak ng’yak hlük ciah chang ah kyak khai: ngui m’hni aih ciah chang ah kä kya khai;

1 TIMOTHI 3:3 Referans Kwoze

TITUS 1:7

Khritha k’tahnga cu Khanpughi ah khuut kutshum ne bik ciah kyasei m’kat vai kä om-en ciah chang ah kyak khai. Ani cu m’ghämce ci, m’lungshe ci, awktat ci, ng’tuk ghüh ci, ngui ng’ya hlü aih ciah kä kia-en khai.

TITUS 3:2

Ak she ah kä ng’thu phung ne, dimdeih nak la khawtsheng nak awn om u ne, angtäi sei ng’awi gi ne ami om vai ah nam cäi gui vai nei.

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

1 TIMOTHI 3:8

Krithabum ung bik’bi gui cun phi, ami om ih ni ne, ami m’lung ngaih ng’ciim ciah kyak khai. Ngah mi cu kä khleei ne, kä ei awk tat ne, ngui kä ng’ya hlü aih ciah kyak khai gui.

JAMES 4:1

Nangmi ung ng’tuk ah nak la ng’vookshan nak cu a hawi ah kaa gawk lawk ci ang? Cun gui cu nami m’lung kyong ung phu ne ng’kiah ciah lünlawi nak vai, ng’yak nak hlü aih ungka lawk ci nei.

ISAIAH 28:7

Prophet gui la taigü gui pui cu awktat u ne kyu shüi shüi ci gui. Ngami cu sapyit tui akda la awktat vai gui akda aw aih u neta gawk vaak kiungtäng ci gui. Prophet gui cu aw aih u neta khanpughi naw ak chaak law gui ah muimang cu kä hmat ci gui, taigü gui phi aw aih u neta, ami law püi ah amawngma gui cu kä phupit kaih yawih hlawt ci gui.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

TITUS 2:3

Acun ah mäih ah hnumi ng’vaiba gui phi theingcim ciah ghin nak a om vai ah nam cäi gui vai nei. Ngami cu chang ah thang m’shet ci gui, kä cun ung yu ah khleihtein gui ah kä ami kyak en vai nei. Akni phung m’theithang ba thei ciah ami kyak vai nei.

TAIGÜTHUM 10:9

“Nang la na hta gui cu yu baw, beer baw nami awk phung ung kei ah om nak ah Phung ung kä nami valuh en vai, nami luh ung nami sik khai. Shin cu nami htangshon avan naw nami k’pan vai ah thukhän nei.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

TITUS 1:11

Ngami cu thu kä ami pyein ba vai ah khin lawk ci nei, a i ah kyasei ci ung ngami cu kä m’theithang khin vai m’theithang u ne, kyongkhui gui cu shetkat sak ci gui, lü ng’aa nak vai kyak ciah ngui ng’yak nak hlü awn ami bi ah kyak ci.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

LAMKTU 20:33

Kei naw chang ah ghui, ngui, sui awi kä kam hni ci.

MATTHE 21:13

Cun kawn ah Bawipa Jesuh naw, “Cacim ung Khanpughi naw, ‘Ka pum im cu taigü nak ah im ah kya ci nei,’ cik ci. Cun ung phi nangmi naw m’guk ei ah ng’thuh nak ah nami pyang ci nei,” cine kyak na gui ci.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

EZEKIEL 44:21

Taigü gui naw cham ah kyong ah kä ami hteh pha ung api ah phi wine ka ami awk vai.

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

THUSHÄUTU 7:8

A mawng tumat ah khüt nak cu ang tün nak ah ta bä pi ci. M’lung sau nak cu chang ah ng’shei nak ah ta bä pi ci.

NG'THU K'THUUK~ 15:27

Ka dung nak awn khawh gah vai ah bik ci naw a kyong khui geinvai sak ci, ng’mu khawh ka dou cicu a ghin nak shou ci.

NG'THU K'THUUK~ 1:19

Gut tep ah khawh naw gut tep ci gui ah ghin nak cu m’dang ci. A cun naw gut tep cicu m’sih ci.

1 SAMUEL 8:3

Cun ung phi ami pa ah bi cu kä läk hlawt ci gui; ngami cu ngui gah vai bäng tha nak ci gui. Ngami cu ng’mü khawh dou u ne a i ah mawng phi ng’düng khai ah kä m’khoi m’chak ci gui.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.