1 TIMOTHI 3:16 - Cho Bible Common Language 2016

¹⁶ Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

1 TIMOTHI 3:16 Referans Kwoze

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

MAKUH 16:19

Cun ah Bawipa Jesuh cu ang düihpüi gui ang thu püi gui, kawn ah khankho ah kai püi ba u sei Khanpughi ah k’pat lam ung hang yong ne ngok ci.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

LUKA 24:4

Cun ah kyasei ngaih-tüh khit u ne ami kyak yah ung, pyü ne khang sei suisak ciah chang hnih cu ami ma ah ang ghit ah ng’dang lawk ci goi.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

1 JOHAN 1:2

Cun ah ghin nak mik awn hmuh vai ah a om yah ung mi hmuk ci, ani ah mawng phi mi pyein sak ci. Pa Khanpughi awn a täng ah om ciah ang täi ghin nak cu keimi ah khan ah dang sei, acun ah mawng cu kami pyein ci.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

KOLOSE 2:2

Kei naw shin ka bi cu, ngami ami k’tha abe nak vai la m’hni nak ung ami m’lung ngaih a ät nak vai ah kyak ci. Cun ah kyasei ngami cu akcang ah lunglang nak law püi ciah bümbe ciah ngaih gep nak cu gah ci gui. Ashin ah lam awn ngami naw Khanpughi naw am yih ah Bawi Khrit amät cu hmat ci gui.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.

LUKA 22:43

Khankho ah kaa khanchang kium law ne, ani-am k’thagui be sak ci.

MATTHE 3:16

Bawipa Jesuh cu tuinim pyii ne a Luh law ba kawn ah, khankho cu yung hmawng law khätah, Khanpughi ah Mumcha Theing cu müm bawk ah mäih ah yawng law ne, ak khan ah ngo law sei hmuk ci.

1 JOHAN 3:5

Bawi Khrit cu cheishoh nak theek sak khai ah kyum lawk ci, cicu nami hmat ci; Bawi Khrit ung cheishoh nak kä om ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

1 TIMOTHI 3:9

Ngahmi cu yum nak ah thu düng ah mawng, ci theing sei ngaih gep ne kut shum ci gui ah kyak khai.

JOHAN 20:12

m’kawt tung kawp ne yuk m’kein netah, Bawipa Jesuh ah a gook ami shän nak ung, alu täng ah tumat, ale täng ah tumat, a bawk pük pük sui ciah khankho chang goi cu ngo ni sei hmu goi ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

1 PETER 1:20

Shin ah khomdek kä ang tüi pha ge ung ani cu Khanpughi naw ghü ne, shin ah ak hnu ah kho hnüüp ung, nangmi ah hmawk ah ang dang sak ah kyak ci.

HEBRU 7:7

Phyuhtheh nak pek ci cu, phyuhtheh nak gah ciah chang ah mä hlüngtai pi ci, cicu ngaih khit vai kä om ci nei.

EPHESIAN 6:19

Kei thu ka pyein yah ung Khanpughi naw thu m’gawng thei nak ana peit vai ah nami na taigü peit vai nei. Cun ung kei naw Thu Ni ah a thuuk nak ah mawng cu dang ne ng’hmat khai ah ka pyein thei khai nei.

EPHESIAN 1:9

Khanpughi naw acüivai nak la alulang nak awn, ang bü nak cu dang khai ah bi bik ci. Bawi Khrit ung akümbe sak ah thuuk ne ng’kau ciah a mawng gui cu mikmi am na hmat sak gui ci.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

1 KORIN 2:7

Kei naw ka ng’shäu ah Khanpughi ah ng’cim ciah cüivai nak cu, hnicim chang ah maa ah ng’yih ciah cüivai nak ah kyak ci. Cun cu khodek kä a tüisho pha ung mikmi ah bämang nak vai ah a güi pyi ah kyak ci.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

KALATIAN 2:8

Khanpughi naw a hlüngtai nak awn Peter cu Jew chang gui ah hmawk ah ang düihpüi ah am düih ah mäih ah, kei cun phi Khui hei chang gui ah hmawk ah ang düihpüi ah nam düih ci.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

LAMKTU 10:34

Cun kawn ah Peter naw, “Khanpughi naw akcang ah chang ah müi hmai ak yaw ak däm kä teng ci, cicu ka hmat pyi ci nei.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

JOHAN 16:28

Kei cu Kapa ungka pawng ne m’dek khan ah ka lawk ci; tuhbäi ung m’dek khan ungka pawng ne Kapa ah ka hteit ba khai” ci ne pyein ci.

JOHAN 13:3

Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.

LUKA 24:51

Cun ah hrilham a peit gui yah ung, Bawipa Jesuh cu ang düihpüi gui ah ma ungka pawng ne, khankho ah kai ba ci.

THU PHLAAN 17:7

Khankho chang naw, “A i ah kyasei na cäi ang? Cun ah hnumi nu ah thuuk ciah amanwg la ang cun nak ah alu chih law ne aki ghaa lawk ciah khiküi ah manwg cu ka ning m’thein khai nei.

THU PHLAAN 17:5

Ani ah amcalai ung, “Khaw ah kaa ung shemshai ne pletbeng ci gui ah nu, Babilon gawnu” cine thuuk ciah ng’thu awn ami guk ah kiak ci.

HEBRU 8:1

Mi pyein nak ah mawng avan ung ak tung pi cu, mik im ung cun ah Taigü Tung a om pyi ah mawng ah kyak ci. Ani cu Khankho Ghangpughang ah Mangkiang k’pat lam ung ngok ci.

2 THESSALONIAN 2:7

Ang thuh ah om ciah shetkat nak cu tuhbäi hnüntho pyi ci nei. Cun ung phi cun gui cu kutshum ci naw kä a chah pha ah chuih, a i phi kä kya law cang khai nei.

2 THESSALONIAN 1:10

Cun gui cu ak chang gui ah m’hlüngtai nak la yum ciah chang gui ah m’tamkhah nak gah khai ah a kyum law nak ah kho Hnüüp ung ah kiak khai. Nangmi cun phi keimi ah ning m’thein gui ah ng’thu nami yum ci kyasei, cun ah Hnüüp ung Bawipa cu nami m’hlüngtai m’tamkhah tuk khai.

LAMKTU 1:19

Cun ah amanwg cu Jerusalem ah chang gui naw ng’yah u ne tah, cun ah lai cu ami mät ah ng’thu awn “Akeldama” ah sui ci gui, cun cu “Si lon kho” ciah kyak ci.)

JOHAN 17:5

Kapa! Khomdek kä ang tüi pha ung nang awn a täng ah ka gah ah bämang nak cu, tuhbäi kei-am na yuk pe lawä.

JOHAN 15:26

Khanpughi ah mawng cacim awn dang sak ciah, ning m’htei gui ciah Mumcha Theing cu lawk khai, ani cu Kapa ungka lawk ciah kyak ci, kei naw Kapa ungka ani cu ka tüi lawk khai, ani naw kei ah mawng thu pyein khai.

JOHAN 6:62

Chang ah Htapa cu a om nak htük ah kho ah a hang kai vü ba nami hmuh law ung mä, a i ah nami ngai khai ang?

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

MAKUH 16:5

Cun kawn ah ngami cu khui m’kawt ung va lut u netah, a bawk pükpük sui ciah ak hmaw chang tumat k’pat lam ung ngo sei hmuk ci gui. Cun ah kyasei ngami cu cäicat ci gui.

MAKUH 1:13

Cun ah bungpuk ah khoshe naw Bawipa cu kho hnüüp phli-kip ung tüihtok ci. Cun ah bung ah kiung ciah khisa gui om ci gui, cun ung phi khanchang gui naw Bawipa cu m’hteihtang ci gui.

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

MATTHE 4:11

Cun kawn ah khoshe cu a hei ah hteit khätah, khankho chang gui kyum law u ne, Bawipa Jesuh cu m’hteihtang ci gui.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

ROMAN 10:12

Khanpughi cu hnicim chang van ah Bawipa ah kya ne, ani khü ne ng’yoi ciah chang phung am bämang ciah hrilham yuk m’kyum lawk ci. Cun ah kya sei, Jew chang, khui hei chang ciah m’khoichaa nak kä om ci.

ROMAN 3:4

Cun ah kä kyak ci, chang ah hta van a hleeihlak ung phi Khanpughi cu ng’düng khenggeng ne om ci. Cacim ung, “Thu na pyein cu ng’düng bäbä ne, M’khoichaa nak na aut ung phi näng nak om khai nei,” ciah om ci.

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

2 KORIN 1:19

Silas ni, Timothi ni, kei ni naw ng’shäu ne kami pyein ah Khanpughi ah Htapa, Bawi Jesuh cu, “ä” ci shüm “Ka” ci shüm ciah Bawi ah kä kyak ci. Ani cu Khanpughi ah ng’yak hlü cu “ä ya” cik ciah Bawi ah kyak ci.

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

LUKA 20:44

David naw Messiah-am, Bawipa, cine khü ci kyasei, a i chaa ah Messiah cu David ah ng’shon ah kya thei khai ang? cine ng’shi gui ci.