1 TIMOTHI 3:1 - Cho Bible Common Language 2016

¹ “Krithabum ung tahnga khai ah ng’bü ciah chang cu, ni kiom hlimtui ciah bilawh ng’ya hlük ciah kyak ci,” cicu küikyang ciah thu ah kyak ci.

1 TIMOTHI 3:1 Referans Kwoze

TITUS 1:7

Khritha k’tahnga cu Khanpughi ah khuut kutshum ne bik ciah kyasei m’kat vai kä om-en ciah chang ah kyak khai. Ani cu m’ghämce ci, m’lungshe ci, awktat ci, ng’tuk ghüh ci, ngui ng’ya hlü aih ciah kä kia-en khai.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

2 TIMOTHI 2:11

Shin cu thu düng ah kyak ci: “Ani awn a täng ah mi sih ah a kyak ung, Ani awn a täng ah mi ghing ba khai.

1 TIMOTHI 4:9

Shin cu bekhüt ciah thu ah kyasei, ak be ah dou ne yum vai ah kiak ci.

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

TITUS 3:8

Shin cu ng’düng ciah thu ah kyak ci. Shin ah a mawng gui cu nang naw ak tung ah nam thein gui vai ah kei naw ka ng’ya hlük ci nei. Cun ung Khanpughi ngaih u ci gui cun naw, ak ni ah hnün thawh nak vai ung akhin pe u ne, chang phung ah phäh ah nik khai la bä khai cu, bi thei khai gui nei.

EPHESIAN 4:12

Cun ah abi cu Bawi Khrit ah pumsa cawh kyan vai ah, Khanpughi ah chang khli naw, krihta khuut bi vai ah, pawng m’hteim ge vai hmawk ah kyak ci.

LAMKTU 1:20

“Salan ca ng’cim ung, ‘A im cu shiü sä, akyawng khui ah u kä awm ba sä! ‘Ani ah a hnün ung chang a hei naw ng’düi ne bi sä” ciah om ci.

1 PETER 4:15

Nangmi ungka chang tumat phi ngawn sih nak, m’guuk nak, kiawi m’sau nak, pigaw k’bou pahta m’chaa nak ah hmawk ah geinvai nak kä gah en sä.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

ROMAN 11:13

Kei naw nang chang khui hei gui ah maa ah ng’thu ka pyein ci nei. Kei cu chang khui hei gui ah hmawk ah ang düih püi ah ka kyak ci kya sei, ka mät ah bi nak awn ka khähghah ci nei.

NG'THU K'THUUK~ 11:30

Düng nak naw ghin nak pek ci, cun ung phi ng’tukvok nak naw nawt pet yawp ci.