1 TIMOTHI 2:9 - Cho Bible Common Language 2016

⁹ Hnumi gui cun phi müisa ne nei aan khai ah ami suisak vai nei: lu m’kin ne, ghui shawi mo sawng, äh awi ne, aküi kyang ah, hnän thang binglawh ne kä ami kyak vai.

1 TIMOTHI 2:9 Referans Kwoze

JEREMIAH 4:30

Jerusalem, nang cu na ng’ziin ci! A i ah kyasei nang naw asen na sui ang? A i ah kyasei pyülung gui sui awi ne, nami mik phi nami cüi che ang? Nang naw akholä ah phäh ah na mät naw na mät na kyom sak ci nei! Na m’hni gui ah chang naw ning hnungtuk püi ne, ning ngawn hlük ci gui nei.

SAM 149:4

Bawipa cu ak chang gui ung lünlawi ci; M’lung neim ci gui cu näng nak awn m’tam gui ci.

ISAIAH 3:16

Bawipa naw, “Teng vä, Jerusalem ung hnumi gui shi, a i hlawk ah chang ah ng’shei ci gui ang! Ngami cu khaw häu ung dong ne hteit hton ci gui. Ngami cu angtäi sei lawklak ci gui. Ang ghin hta ah m’khan u ne, ami khaw m’awi ung ami khawkhih phi ching ching ah ng’ging ci.

JEREMIAH 2:32

Hnumi non gnaw a awi ah cümlung m’hnih man ne ang? Ceimah ci naw ng’chungla nak sui m’hnih man ne ang? Cun ung phi ka chang gui naw kä khei hlawt vai ah hnüüp gui ung kei na m’hnih ci gui nei.

2 GHANGPUGHANG GUI 9:30

Jehu cu Jezreelaa ung gawk ci. Jezebela naw cun ah a mawng gui cu ng’ya pyi ci kya neta, amik mu pyang ne, a lu huih neta, mang im kyong ah m’kawt ung ng’düi ne lam cu hei teng ci.

NG'THU K'THUUK~ 7:10

Cun ung hnumi naw ani cu hmuk ci, cun ah hnumi naw hlawhhlaang ciah mäih ah sui awi ne, ng’bü ge ci.

ATÜNNAK 24:53

Cun kawn ah ngui ni, ghui ni, suisak gui ni cu Rebekka am pek ci. A phäi la a nau am phi a phu küi gui m’cümhnah gui ci.

ISAIAH 61:4

Ngami naw ak shou didam lawk ciah mang gaw gui cu co ba khai gui.

ESTA 5:1

Ei a hlawi nak ah a hnüüp thum hnüp ung Esther naw mangnu ah suinu sui neta, mang im ah akyong täng chagä ung hteit ne mang kyang ah kyong täng ah mang ne ng’düi ci. Ghangpughang cu kyong ah valuh nak täng ah mang ne mang kyang ung ngok ci.

NG'THU K'THUUK~ 31:22

Ani naw yih phah pyang ne, am kim linen sui akni sui ci.

MATTHE 11:8

Kä cun ung a i vai nami hteit ci ang? Ak kyom suisak ci gui nami teng khai ang? Ak kyom suisak ci gui cu mang im kyong ah nei ami om.

NG'THU K'THUUK~ 31:25

Ani cu khüighat ci, chang phi chang m’sui tuk ci, ma lam hteh nak vai ah phäh ah kä kyik ci.

1 TIMOTHI 2:10

Ngahmi cu yum ciah chang gui ah mäih ah ni kyom ciah om ih awn ami bilawh vai nei.