1 TIMOTHI 2:7 - Cho Bible Common Language 2016

⁷ Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

1 TIMOTHI 2:7 Referans Kwoze

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

2 TIMOTHI 1:11

Khanpughi naw kei cu Thu Ni ng’shäu ciah ang düihpüi la saya ah anam düih ah kyak ci.

ROMAN 9:1

Kei naw akcang ka pyein cu; kei ung Bawi Khrit om ci kya sei kei kä ka hleei ci. Mumcha Theing ah uknak awn om ciah kam lung kyong naw kei kä ka hleei ah mawng cu dang sak ci.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

KALATIAN 1:20

Shin ah ka guk cu ng’düng ci, kä ka hleei ciah a kyak ah mawng cu Khanpughi naw hmat ci!

KALATIAN 1:16

Cun kawn ah changpakhui hei gui-am A Htapa ah mawng Thu Ni cu kam thein gui khai, kei-am A Htapa cu ana hmu sak ah kyak ci. Cun ah kyasei nam shüm thein tuk khai ah a u phi kä ka ng’shi man ci:

ROMAN 11:13

Kei naw nang chang khui hei gui ah maa ah ng’thu ka pyein ci nei. Kei cu chang khui hei gui ah hmawk ah ang düih püi ah ka kyak ci kya sei, ka mät ah bi nak awn ka khähghah ci nei.

2 PETER 2:5

Khanpughi naw cäu chang gui phi käm düm gui ci, kä yum ci gui ah chang ah khan ah tuiyin mü sak ci; düng nak ah mawng pyein ciah Noah la a hei chang pachih bäng phiawn sak ci.

KALATIAN 3:9

Abraham naw yum ne m’shumphyuk nak gah ci; ani ah mäih ah yum ciah chang phung naw m’shumphyuk nak cu gah ci gui.

2 KORIN 11:31

Kei kä ka hleeihlak ah mawng cu Bawi Jesuh ah Pa Khanpughi naw hmat ci, cun ah Bawi ah ming cu angtäi sei hlüngtai sä!

ROMAN 10:14

Cun ung phi ngami naw kä ami yum ung a i chaa khü ne ng’yoi khai gui ang! Thu pyein kä a mi ng’yak ung, a i chaa yum khai gui ang! Thu ng’shäu ne pyein ci kä a om ung, a i chaa ng’yak khai gui ang!

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

JOHAN 7:35

Jew chang vai gui naw, “Mikmi naw shui ne kä mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m’theithang gui khai ang?

THUSHÄUTU 7:27

Ä, Thushätu naw pyen ci, shin ah m’shan nak ka shui sang ung a piktäi ah ka hmu lawk ci nei.

THUSHÄUTU 1:12

Kei, ak thuuk hmat cicu Israel kho ung ghangpughang ah kya ne, Jerusalem ung ka om ci.

SAM 111:7

Ani cu a bi nak phung ung bekhüt ne ng’düng ci; ang thu pyen gui phung cu khäng ci.

KALATIAN 2:16

Chang cu Bawi Jesuh Khrit a yum nak bäng awn Khanpughi ung ng’düng nak gah ci, ng’thukän a läk nak awn ah kä kyak ci. Keimi cun phi Bawi Khrit Jesuh yum nak awn, Khanpughi ung düng nak gah vai ah, Bawi Khrit cu kami yum ah kyak ci, thukhän läk nak awn ah kä kyak ci. A u chang phi thukhän läk nak awn Khanpughi ung düng nak kä gah hlawt ci.

ROMAN 1:9

Ahtapa ah mawng Thu Ni ng’shäu ne pyein ne, kam lung kyong avan ap ne, Khanpughi ah khuut cu ka bik ci.

1 KORIN 9:1

Kei cu ng’päi om chang ah kä kya ne ang? Ang düihpüi ah kä kya ne ang? Mi Bawipa Jesuh ka hmuk ciah chang ah kä kya ne ang? Nangmi cu Bawipa ah bi ka bi nak ung kaa nami dang lawk ciah kä kya ne ang?