1 TIMOTHI 2:6 - Cho Bible Common Language 2016

⁶ Cun ah Bawi naw hnicim chang gui phiawn khai ah a pumsa ap ci. Cun cu chang nüng hun vai ah, a khin ni ah a kyak ah mawng, Khanpughi ah ang yak hlü cu am dang nak ah kyak ci.

1 TIMOTHI 2:6 Referans Kwoze

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

1 JOHAN 4:10

M’hni nak cicu mi mi naw Khanpughi mi m’hni nak ah kä kyak ci, Khanpughi naw nam hni gui ne, mi shetkat nak nak phiawn gui khaiah, Ahtapa a yuk m’kyum law cu m’hni nak ah kyak ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 KORIN 1:6

Keimi naw kami pyeinsak ah Bawi Khrit ah mawng cu nami m’lung kyong ung phung ghing ne khäng pym ci.

1 TIMOTHI 6:15

Tumat bäng ah kya ne, phyuhtheh ne uk ciah ghangpughang nüng ah Ghangpughang, bawi nüng ah Bawipa, Khanpughi naw, a khin a khüm nak ung Bawipa cu dang law ba sak khai nei.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

JOB 33:24

Khanchang gui naw chimgein nak awn “Chah tuba vä” cik khai gui nei. Ani cu sih nak ah kho ah hteit khai ah kä kyak ci nei. Shin ung ani chah nak ba vai ah amawng om ci nei.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

TITUS 1:3

Akhin küm law khätah, cun ah angtäi ghin nak cu, ang thu awn dang law sak ci. Cun ah Thu Ni cu kei am ana ap ah kyasei, mi Hunbawi Khanpughi ah k’bäi nak awn kei naw ka ng’shäu ci nei.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ROMAN 5:6

Mikmi cu am gein kaa ah mi kyak yah ung, Bawi Khrit cu Khanpughi ah k’bäi nak ah khin ung, mikmi la chang k’she gui ah hmawk ah sik ci nei.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

MAKUH 10:45

Chang ah Htapacun phi chang tüitäk khai ah lawk ciah kä kiak ci, chang ah tüihtäk vai la amät ah hnun gui pe ne chang khli hun m’htei khai ah kyum lawk ciah kyak ci” ci ne m’thein gui ci.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

2 THESSALONIAN 1:10

Cun gui cu ak chang gui ah m’hlüngtai nak la yum ciah chang gui ah m’tamkhah nak gah khai ah a kyum law nak ah kho Hnüüp ung ah kiak khai. Nangmi cun phi keimi ah ning m’thein gui ah ng’thu nami yum ci kyasei, cun ah Hnüüp ung Bawipa cu nami m’hlüngtai m’tamkhah tuk khai.

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

EPHESIAN 3:5

Cäu läi Khanpughi naw thuuk ciah a mawng cu chang ah hta-am kä m’thein man ci, cun ung phi tuhbäi theingcim ciah ang düihpüi gui la purofet gui-am, Mumcha awn m’thein gui ci nei.

MAKUH 1:15

Bawipa Jesuh naw, “Akhin cu küm pyi ci nei, Khanpughi ah uknak kho cu ng’et lawk ci nei, nami katnak gui nüng ung ng’yu ba ne Thu Ni cu yum tu vä” cine pyein ci.

KALATIAN 1:4

Mi Pa Khanpughi ah ang yak hlü ah Bawi Khrit cu shin ah shetkat nak ah khin ung na k’phiawn gui khai ah, mi katnak ah hmawk ah ng’ap pyi ci nei.