1 TIMOTHI 2:2 - Cho Bible Common Language 2016

² Mikmi cu Khanpughi ung ding gei nak la dimdeih nak awn a htingling ah ghing ne mi om vai ah ghangpughang gui la huham om ciah bawimang gui ah hmawk ah nami taigü vai nei.

1 TIMOTHI 2:2 Referans Kwoze

EZRA 6:10

Acun ah nami bi vai, cun ung ngami naw Kkankhaw Khanpughi naw a dou thei vai ah khawihnah nak cu douthak khai gui. Kei la ka hta gui ah phäh ah ani ah phyuhtheh nak cu ng’yoi thäh khai gui.

JEREMIAH 29:7

Thawng kium ah kya ne nami hteh vai ah ka ning bi nak gui mang gaw gui ah ni nak vai, a i ah kyasei ci ung ngami ami bühmang law ung nangmi phi nami bühmang tuk khai.

NG'THU K'THUUK~ 24:21

Ka hta aw, Bawipa cu na kyih aa vai, Ghangpughang cu na m’tam khah vai. Ngami hnungtuk püi gui ciah chang awn nami bi ghawm vai a i kä om ci.

1 THESSALONIAN 4:11

Ayan ä ka mi ning m’cäi gui ah mäih ah dimdeeih sei nami ghin om thei vai, chang kä khuihphaa ne nami mät ah bi ung nami khän htek vai, nami mät ah hnun nami mät naw nami m’ghin hning vai ah nami tha nak vai nei.

NEHEMIAH 1:11

Tuhbäi kei ah taigü na ngaih pe ä, nang ning m’tamkhah hlük ciah a hei na chang gui ami van ah taigü phi ngaih peä. Tuhngawi kei ung näng nak na yuk pe lawä, uktu bawi am kei cu na chimgein sak ä.” Cun yah ung kei cu uktu bawi am sapyit tui thak ciah ka kyak ci nei.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

ROMAN 12:18

Chang nüng nüng awn ng’gei gaan ne nami om vai nei,

SAM 72:1

O Khanpughi, na düng nak awn am khoicha thei vai ah ghangpughang cu m’theithang ä; Na mät ah düng nak cu m’shumphyuk ä,

PHILIPPIAN 4:8

Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.

LAMKTU 24:16

Cun ah kyasei kei cu Khanpughi ah ma, chang ah ma ah, kam lung kyong theing cim khai ah angtäi sei ka k’tha nak ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

2 SAMUEL 20:19

Kami mang gaw cu akdämduh ah kyak ci, Israel khaw ung ak ding gei pi la abekhüt pi k’bäih ah kyak ci. A i ah kyasei cu m’di vai ah na tha nak ang? Bawipa ah a ka cu adi vai na ng’ya hlük ci ma?” cik ci.