1 TIMOTHI 1:9 - Cho Bible Common Language 2016

⁹ Mikmi naw mi shüm hmat vai cu, thukhän m’hnüt cu chang k’ni gui ah hmawk ah kä kya ci, thukhän m’shet ci gui, om shet ci gui, Khanpughi kä hmat ci gui la cheishoh ci gui, yum nak kä om ne mümcha lam kä shing ci gui, ami nupa ngawn ci gui, chang nagawn ci gui,

1 TIMOTHI 1:9 Referans Kwoze

KALATIAN 3:19

Cun ah a kyak ung thukhän ah ng’bü nak cu a i ang? Thukhän cu shetkat nak ah mawng m’dang nak ah kyak ci. Cun ah thukhän cu shaitaak nak gah ciah Abraham ah hta ng’shon, kä a gawk law pha ah a khin bäng ung om khai ah kyak ci. Cun ah thukhän cu khanchang gui awn, ng’shä tumat ung a yuk peit law ah kyak ci.

1 PETER 4:18

Cacim Theing ung, “Chang k’ni gui hngaw hun nak ami gah vai ah A khak ah a kyak ung, Khanpughi kä hmat ciah chang shekha gui cu, A i ah kyak khai gui ang?” ciah om ci.

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

KALATIAN 5:23

Hniphnoi nak, la küikyang htingling nak gui ah kyak ci. Shin gui hnu ng’tuk püi khai ah a i ng’thukhän phi kä om ci nei.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

ROMAN 6:14

Kat nak cu nami bawimang ah kä kya en sä; nang mi cu thukhän ah kaa ah kä nami om ci, Khanpughi ah m’gein nak ah kaa ah nami om ci nei.

ROMAN 1:30

chang ah mawng cu ak she ah pyein sak ci gui. Ami mät ng’shedam na tu u ne, chang ah ng’shei ne, khähgah ci gui. Shekha law pi k’täi khai ah ngaih-tüh u ne, ami nupa ah thu phi kä ngai ci gui.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

1 PETER 3:20

Cun ah mümcha gui cu Noah naw hteinpaw im a cawh yah ung, hnimgein nak awn ngäng gui ciah Khanpughi ah ng’thu cu kä läk ci gui ah kyak ci. Cun ah tui ung hteinpaw kyong ah om ciah chang sing cheit htabäng cu hun nak gah ci gui.

HEBRU 11:31

Hlawhhlangnu Rahab cu ng’däät ciah chang gui dou gui ne ang khawt püi gui ah hmawk ah, Khanpughi kä yum ci gui awn a täng ah kä a mi ngawn tu cu a yum nak awn ah kyak ci.

2 THESSALONIAN 2:8

Cun kawn ah akshekha säih cu dang lawk khai nei. Cun ung phi Bawipa Jesuh a kyum law ung am gawng ung lut lawk ciah ang ghi m’äm la a pyü vai nak awn cun ah akshekha säih cu, ngawn ne m’di khai nei.

ROMAN 4:13

Khanpughi naw Abraham la a hta ng’shon am, khomdek khan a van cu na khäm khai cine shaitaak nak pek ci. Cun ah shai a taak cu, Abraham naw thukhän a läk ah hmawk ah kä kyak ci, Khanpughi a yum nak awn ani cu, Khanpughi naw chang düng ah k’bäi ne a dou ah hmawk ah kyak ci.

MATTHE 10:21

‘Chang phäi nau gui tumat la tumat sih nak ung ng’ap tuk khai gui, nupa gui naw ami hta gui sih nak ung ap khai gui, ami hta gui naw phi, ami nupa ah m’cäi kä ngai ne ngawn phak khai gui.

EZEKIEL 21:25

“Nangmi chang shekha, kä theingcim ciah Israel uktu gui, nangmi ah hnüüp, nangmi ak hnu ah ning m’kyuk nak gui vai cu gawk lawk ci nei.

JEREMIAH 23:11

Bawipa naw pyen ci, “Prophet gui la taigü gui cu khanpughi kaa ah om ci gui; Taigüim kyong ah ngami naw akshe bi u sei ka hmu gui ci.

NG'THU K'THUUK~ 30:17

Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

NG'THU K'THUUK~ 30:11

Apa plahtam ne anu kä yum ngak ciah chang amshah om ci,

NG'THU K'THUUK~ 28:24

Nupa ah khawh m’guk cu ka hma ciah ngai ciah chang cu ahei m’guk ei gui ah ta kaa pia ci.

NG'THU K'THUUK~ 28:17

Chang ngawn ciah chang cu angphuh hmun tha na ne co ciah kyak ci. Kä nami maa nak vai.

NG'THU K'THUUK~ 20:20

Na nupa na plah taam ung nang ah ghin nak cu hmup khui ung phat ciah mei im ah maih ah ng’pyi khai.

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

2 GHANGPUGHANG GUI 19:37

Hnüüp ät ung ani cu Taigüim ung a khanpughi Nisroch a khawihnah sang ung a hta goi, Adrammelech la Sharezer naw ani khim awn ngawn ni neta, Ararat khaw ah dawng ne phyawng ci goi. Ahei a hta gui ungka Esarhaddon cu ani ah hnün ung uktubawi ah kya ba ci.

2 SAMUEL 16:11

David naw Abishai la a bawi gui ami van am, “Ka mät ah hta naw na ngawn khai ah tha nak ci nei; a i vai shin ah Benjamin chang gui ah phäh ah nami cäicat ang? A shai vai ah Bawipa naw am thein nei; cun ah kyasei amät nawng vä, am hni ah bi sä.

THULÄÄN NAK 27:16

“Khanpughi ah plah taam nak cu anu, apa, kä m’tamkhah ciah chang päng ah khan ah gawk sä. “Chang avan naw ami m’shan vai cu, “Amen!”

TAIGÜTHUM 20:9

Bawipa naw shin ah thungyo gui cu pe gui ci. A u chang phi anu apa plah ciah chang phung cu, ngawn vai, ani cu amät ah sik nak vai bik ciah kyak ci.

PHYAWN NAK 21:14

Cun ung phi chang tumat cu m’lungshe neta, bü ne chang a ngawn ah a kyak ung, ani cu ngawn ba vai, kei ah ka mangkiang ung dawng ne ang yii ung phi kä lawt khai.

PHYAWN NAK 20:13

“Chang kä na ngawn vai.

1 PETER 2:7

Cun ah k’toulung cu nami yum ci gui ah phäh ah, ak küikyang ah kyak ci, kä yum ciah chang phäh ah; “Lung im co ci naw a ghawh ah lung cu, Ak küikyang pi ah k’toulung ah kya lawk ci.”

HEBRU 12:16

A u chang phi om k’she ne, mümcha kä cimvai ciah Esau ah mäih ah kä nami kiak-en vai, ani naw hta k’tak-hnga ah a kyak nak cu, ei m’ka ät ah yoi ci nei.

KALATIAN 5:21

ng’u ng’hneit nak, awktat nak, ei awk ng’nauk naam nak gui la a hei shetkat nak gui ah kyak ci. Kei naw ka ning m’cäi gui hlü cu, a shin ah mäih ah om ih ciah chang naw Khanpughi ah uknak kho cu kä khäm tu hlawt khai.

KALATIAN 5:18

Mumcha naw lam a ning m’shüm gui ah a kyak ung nangmi cu thukhän ah kaa ah kä nami om ba ci.

1 TIMOTHI 4:7

Pyein ah kä ni ne yum nak kä om ciah puma awi gui cu nami hlawi vai nei. Zum nak ung nami ghin vai ah nami mät naw nami mät nami m’thei vai nei.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

2 TIMOTHI 2:16

Zum nak kä om ciah hmühma ne thu shai cu na hlawi vai, Cun ah mäih thushai naw chang cu Khanpughi awn ng’shawng sak pi ci nei.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.

TITUS 1:6

Khritha k’tahnga cu m’kat vai ah kä om ciah chang ah kyak khai, tumat bäng chu nak khai, a hta gui cu yum ciah chang gui ah kyak khai, Om she m’gäi m’cik ci gui, beit kä ng’yak ci gui ah kä kiäen khai.

TITUS 1:10

A i kä ami hmat su ah cun ah thu cu hnu ng’tuk püi ne, chang gui k’fikfaih ciah chang ak da om ci nei, ak tung pi ah Judah yum nak ung ka ng’lat lawk ci gui ung da pi ci.

JUDE 1:15

chang ah hta avan cu m’khoichak khai nei. Hnicim chang avan cu ami cheishoh shetkat nak ah hmawk la Khanpughi kä yum ne shekak ciah chang gui naw, Khanpughi ah kä ng’yak hlü ah ami ngetngawng ng’plahtang ah ng’thu gui ah khan ah Khanpughi naw m’shetkat gui khai nei!