1 TIMOTHI 1:7 - Cho Bible Common Language 2016

⁷ Ngahmi cu Khanpughi ah thukhän saya ah kya hlük ci gui, cun ung phi ami mät ah thu m’kha la ami thu ah a mawng gui cu kä hmat ci gui.

1 TIMOTHI 1:7 Referans Kwoze

ROMAN 1:22

Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

2 PETER 2:12

Cun ah chang gui cu phaa vai, ngawn vai ah ng’tüi ciah k’pyamasa ah mäih ah kyak ci gui, a i kä ami hmat su ah päipih nak om ci. Ngami cu a i kä hmat ciah k’pyamasa ah mäih ah dimaih khai gui.

1 TIMOTHI 6:4

kä ng’müi sak ci cu, chang ah ng’shei aih ne a i ng’hlui kä hmat ciah kyak ci. Ani cu ng’vook shan vai, ng’küük neet vai ng’yak hlü ciah kyak ci. Cun naw vamneng nak, cuhcan nak, m’thüikhang nak, shedam nak,

KALATIAN 3:5

Khanpughi naw Mumcha ning yuk m’kyum gui ne, cäi aih gui vai a ning hmuh sak gui cu, thukhän nami läk nak awn ang? Thu Ni ngai ne nami yum nak awn ang?

2 TIMOTHI 3:7

Cun ah hnumi gui cu angtäi sei k’tha nah ne ng’thei tu u ne phi, thu thuuk cu kä hmat hlawt ci gui ah kyak ci.

KALATIAN 3:2

Khanpughi ah Mumcha nami gah nak cu, thukhän nami läk nak awn ang? Kä cun ung Thu Ni ngai ne nami yum nak awn ang? m’hlan ne nami pyein vai nei!

KALATIAN 4:21

Thukhän ah kaa ah om hlük ciah chang gui, ka ning shi gui hlük ci; thukhän ah pyein cu nangmi naw kä nami ng’yak ci ma?

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

MATTHE 21:27

Cun ah kyasei ngami naw, “Kä kami hmat ci nei,” cine m’hlan ba ci gui. Cun kawn ah Bawipa Jesuh naw, “Kei naw kabi ah mawng gui phi a i m’khüt näng nak awn kabi ah kä ka ning m’thein gui khai,” cine kyak na gui ci.

LUKA 2:46

Ak hnüüp thum hnüüp Taigüim kyong ah Jew saya gui awn ngo u ne, ami ng’thu ngai ne, ng’shi ca gui ne kyasei hmu ba ci goi.

JAMES 3:1

Ka phäinau gui aw, saya hlük ciah chang kä da-en sä. Nami hmat ah mäih ah mikmi saya gui cu, chang hei gui ah mä, ng’cet pi khai ah m’khoichaa nak mi gah khai nei.