1 TIMOTHI 1:5 - Cho Bible Common Language 2016

⁵ Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

1 TIMOTHI 1:5 Referans Kwoze

1 TIMOTHI 1:19

Na yum nak htek ne nam lung ngaih theing ciim sä. Chang am shah gui naw ami lung ung ciim sei kä ngai yäi u ne, ami yum nak cu shet sak ci gui.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

2 TIMOTHI 2:22

Ak hmaw chang gui ah hüithaw nak cu hlawi ne, Bawipa ah m’lungtheing awn taigü ci gui awn a täng ah düngdau nak, yum nak, m’hni nak la dimdeih nak gui cu na shui vai nei.

2 TIMOTHI 1:5

Na pighi Lois la na nu Eunice ah mäih ah ng’ciim ciah yum nak cu ka shüm ba ci nei. Ngahni ah mäih ah na yum ciah ka ngaih gep ci nei.

2 TIMOTHI 1:3

Pupa gui ah mäih ah m’lung ngaih theing awn a khuut ka bi ah Khanpughi cu kam kümto ci nei. Amü a ngawi ka taigü nak ung nang cu ning shüm ne Khanpughi cu kam kümto ci nei.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

1 PETER 3:16

Cunung phi ng’awi ng’gi nak la chang m’sui nak awn nami bi vai nei. Nami m’lung cu theing sak vä, cun ung bawi Khrit ah chang ah kia ne, akni nami bi lawh, ning päipih gui ciah chang gui cu, thui ng’aa khai gui nei.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

2 PETER 1:7

Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

ROMAN 10:4

Bawi Khrit naw thukhän ah a khin cu ang pyi sak pyi ah kya sei, yum ciah chang nüng am Khanpughi ung ng’düng nak cu pe pyi ci nei.

TITUS 1:15

Amät ah m’lung kyong theingcim ciah chang ah hmawk ah a i phi avan theingcim ci; cun ung phi amät kä theingcim ne a yum nak kä om ciah chang ah hmawk ah a i phi kä theingcim ci. A i ah kyasei ci ung ngami ah lung kyong la ami ngaih-tüh nak cu kä ah theingcim nak awn ah kyak ci.

1 TIMOTHI 3:9

Ngahmi cu yum nak ah thu düng ah mawng, ci theing sei ngaih gep ne kut shum ci gui ah kyak khai.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

LAMKTU 23:1

Paul naw kawngsi ng’vai gui cu kheing ne teng gui netah, “Israel phäi nau gui aw, Kei cu tuk ngawi ung khüt sei, ka ghin na chuih Khanpughi ah ma ah kam lung kyong theingcim sei ka bilo om ih ci nei” cine pyein ci.

SAM 24:4

Cun ah chang gui cu, ami bi theing ne, ami ngaih ng’cim ci, a gup kä khawihnah ci gui, akshe ah shai kä tak ci gui ah kyak ci.

1 JOHAN 3:3

Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

1 KORIN 13:1

Kei cu m’dek chang ah thu a hlü hlü la khanchang ah thu ah ka ng’thu thei ung phi, m’hni nak kä a om ung, tum bä ung ng’ging ciah k’bei la ng’sheei ah mäih ah ka kyak ci.

ROMAN 14:15

Ei tumatmat na ei nak awn na phäi nau cu ngaih na khak sak ah a kyak ung, nang naw ani ah khan ah na om k’she nak ah kyak ci. Bawi Khrit ah sih nak cu cun ah chang ah hmawk ah phi kya tuk ci kya sei, tumatmat ah ei nami ei nak awn cun ah chang ah ngaih cu kä khak en sak vä.

ROMAN 9:1

Kei naw akcang ka pyein cu; kei ung Bawi Khrit om ci kya sei kei kä ka hleei ci. Mumcha Theing ah uknak awn om ciah kam lung kyong naw kei kä ka hleei ah mawng cu dang sak ci.

LAMKTU 24:16

Cun ah kyasei kei cu Khanpughi ah ma, chang ah ma ah, kam lung kyong theing cim khai ah angtäi sei ka k’tha nak ci.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

MATTHE 12:35

Chang ni naw akni m’lung nane akni dang sak ci, changshe nak akshe m’lung nane akshe dang sak ci.

MATTHE 5:8

“Am lung kyong theingthap ci gui yeikyai vä; Nangmi naw Khanpughi nami hmuk khai!

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

HEBRU 13:18

Keimi ah hmawk ah angtäi sei nami taigü vai nei. Keimi naw kami m’Lung kyong theingcim ciah akcang ah kami hmat ci. A i ah kiasei ci ung keimi cu angtäi sei ng’düng ci bäng kami bi nak hlü ah hmawk ah kyak ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

THULÄÄN NAK 10:12

“Tuhbäi, Israel chang gui, Bawipa nami Khanpughi naw a i a ning thäh gui cu ngai vä. Bawipa khawihnah vä, a thumkhän avan bi vä, ani m’hni vä, nami m’lung kyong avan awn abi bi vä.

ZEPHANIAH 3:7

Kei ah ka ngaih u ka chang gui naw na kyih aa u ne, ka m’cäi dou u ne, ka m’theithang gui kä m’hnih phung khai gui. Cun ung phi tuhbäi ngami cu ami shet man ah she lä ci gui nei.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

1 TIMOTHI 1:18

Kahtapa Timothi, cau profet gui naw nang ah mawng ami pyein man ah mäih ah, kei naw shin ah bi cu khän ne ka ning ap ci. Cun ah thu cu, ng’tuk näng nak ah li la khim ah na mang vai nei.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.