1 TIMOTHI 1:3 - Cho Bible Common Language 2016

³ Macedonia ah ka hteh law vai ung ka ning m’cäi ah mäih ah Ephesus ah na om cang vai ka ng’ya hlük ci. Chang amshah gui naw thuvi ne m’theithang ci gui nei, cun gui cu, ami ng’düm vai ah na khän gui vai.

1 TIMOTHI 1:3 Referans Kwoze

1 TIMOTHI 6:3

Hngihnga ciah yum nak m’theithang ne, Bawipa Jesuh Krih ah thu düng la mi yum nak ah m’theithang nak,

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

1 TIMOTHI 4:11

Shin ah m’cäi nak gui la m’theithang nak gui cu chang gui am nami peit gui vai nei.

1 TIMOTHI 4:6

Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.

THU PHLAAN 2:20

Cun ung phi nang ka ning pyein m’sheet nak cu, amät naw amät Khanpughi ah ng’shä ah pyein ciah hnumi nu Jeyebel cu na dou ah hmawk ah kya ci. Ani naw kei ah chang gui cu ami pletbeng vai la a gup-am sonkcan ah ei nami ei vai ah m’theithang ne lam k’she m’shüm gui ci.

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

1 TIMOTHI 5:7

Hmeinu gui cu chang naw kä am kat gui vai ah shin ah m’cäi nak gui cu nami m’thein m’kan gui vai nei.

PHILIPPIAN 2:24

Kei ka mät cun phi kä shou pha sei nang mi ah ka law hning vai ah Bawipa ung ka ng’ap ci nei.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

LAMKTU 18:19

Ephesus ah gawk u netah Paul naw Priscilla la Akuila cu nawng shüt goi ci. Cun kawn ah Pum im ah hteit ne Judah chang gui awn ng’cecäk ci gui.

LAMKTU 18:21

“Khanpughi naw ang yaak hlü a om ung nang mi ah om nak ah ka law ba khai nei” cine kyak na gui netah, Ephesus ung kaa naw hteit ba ci.

ROMAN 15:26

A i ah kya sei ci ung Macedonia kho la Achaia kho ah Khritha bum gui naw, Jerusalem ah pyamthaam ciah Khanpughi ah chang gui cu m’hteihtang peitaak gui vai ah ami k’bäi pyi ah hmawk ah kyak ci.

ROMAN 16:17

Phäi nau gui aw, nang mi naw nami gah ah m’theithang nak gui cu hnu ng’tuk püi ne, chang gui ah m’lung ngaih ng’pai sak ne, chang gui ah yum nak lam hma sak ciah chang gui cu, nami geing nak gui vai nei, ngami cu nami hlawi gui vai nei!

2 KORIN 11:4

Chang tumat cu nangmi ah law ne, keimi ah kä pyein man ah, a hei Jesuh ah mawng a pyein law ung, nangmi naw yei ne nami na dou ci; Keimi naw kami pyein ah Thu Ni la keimi ung nami gah ah Mumcha awn api ah phi kä täng ciah thu ni la mümcha cu nami dou ci!

2 TIMOTHI 1:18

Ephasus gawnu ah ani naw kei a i hlawk ah anam htei cu nang naw na hmat ci nei. Cun ah Hnüüp ung ani ah khan ah Bawipa ah chimgein nak om sä.