1 TIMOTHI 1:20 - Cho Bible Common Language 2016

²⁰ Acun gui ung Himenaeus la Alexander phi om tuk ci goi. Shin ah mawng naw m’theithang gui sei, nangmi naw Khanpughi ami shetkat nak ami nawng vai ah, kei naw ngami cu Satan ah kut ung ka ap gui ci.

1 TIMOTHI 1:20 Referans Kwoze

2 TIMOTHI 2:17

Cun ah mäih m’theithang nak cu pumsa keing khai ah ei ciah kheipung awn täng ci. Himenaeus la Philetus cun phi acun ah mäih ah m’theithang ci goi nei.

1 KORIN 11:32

Cun ah Bawipa naw nam khoicha gui ne a na m’kat nak gui cu, khomdek chang awn a täng ah m’kat nak kä mi gah tu vai ah hmawk ah kyak ci.

2 THESSALONIAN 3:15

Cun ung phi cun ah chang cu ga ah mäih ah kä nami ngaih vai, phäi nau ah mäih ah nami m’cäi vai nei.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

LAMKTU 19:33

Judah chang gui naw Alexander cu k’hma ne hteh sak u khätah, shin ah a mawng cu ani ah awm ah chang amshah naw mgai ci gui. Alexander naw chang gui ak ding ah ami om vai ah a kut awn nüt gui ne, a mawng ama m’thein gui khai ah k’tha nak ci.

THU PHLAAN 13:1

Cun kawn ah alu chih aki ghaa lawk ciah khiküi tumat cu tuinu ung kaa lut law sei ka hmuk ci. Aki päng ung lukhu büng ne, alu päng ung Khanpughi ah thang shet sak ciah ming om ci.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.

2 TIMOTHI 2:14

Shin ah a mawng ung nak chang gui nam cäi gui vai nei, thu awn ng’vawngshang küütneet ne kä ami kyak vai ah, Khanpughi ah ma ah akheng ah khän ne nam cäi gui vai nei. Cun ah mäih naw ni nak kä pyang ci, yak ciah chang gui ah ngaihdam ah kya ne shetkat nak ah kyak ci.

2 KORIN 10:6

Nangmi naw keimi ah ng’thu avan nami ngaih cu kami hmat kawn ah thu kä ngai ci gui cu m’kat ge vai ah keimi om ci nei.

LAMKTU 13:45

Cun ung phi Judah chang gui naw chang khli cu hmu u netah, m’thüi na u ne, Paul ah ng’thu pyein cu ng’cuh püi ci gui.

2 KORIN 13:10

Kei naw shin ah ng’daut ne ca ka ning pet law gui ah mawng cu; kei ka gawk law ung Bawipa ah na pet ah huham cu ak ghaat ah kä ka mang vai ah phäh ah kyak ci. Cun ah huham cu nangmi ning m’küi m’khän nak gui vai ah kyak ci, ning m’shukchaak nak gui vai ah kä kyak ci.

MATTHE 18:17

Ngami ah thu mä kä ang ngaih ah a kyak ung, a mawng ama avan pyein ne pum im ung nami ap vai. Cun ung phi m’cäi kä ang ngaih ah a kyak ung, ak hnu bäih ah Khanpughi kä yum ciah chang khawn look ciah chang ah mäih ah namik bäi vai.

1 TIMOTHI 5:15

Am shah hmeinu gui cu lam hma u ne, Satan ah hnu ah läk pyi ci gui nei.

HEBRU 12:5

Khanpughi naw a hta ah ning k’hmoh gui ne, k’thamah nak pe ne a ning thu püi gui cu, nami m’hnih ei ci maa? Cun ah thu cu; “Ka hta aw, Bawipa naw a ning m’düng ung, Ngai ne na läk vai nei, A ning m’cäi ung kä na thüisei en vai nei,