1 TIMOTHI 1:2 - Cho Bible Common Language 2016

² Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

1 TIMOTHI 1:2 Referans Kwoze

TITUS 1:4

Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.

2 TIMOTHI 1:2

Kam hni ah ka hta Timothi am ca ka ning guk lawk ci nei: Pa Khanpughi la Hunbawi Khrit Jesuh ah m’gein nak, chihnaa nak la dimdeih nak cu nak khan ah om sä.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

1 TIMOTHI 1:18

Kahtapa Timothi, cau profet gui naw nang ah mawng ami pyein man ah mäih ah, kei naw shin ah bi cu khän ne ka ning ap ci. Cun ah thu cu, ng’tuk näng nak ah li la khim ah na mang vai nei.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

KALATIAN 1:3

Mi Pa Khanpughi la Bawipa Jeyuh Khrit ah m’gein nak la dim deeih nak cu na mi khan ah om sä.

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

TITUS 2:2

Pami ng’vai ba gui cu ami lunglang vai, ami küikaa vai, ami htingling vai la bä ciah yum nak, m’hni nak la khüighaat nak ami kümbe vai ah nam cäi gui vai nei.

TITUS 3:15

Kei awn a täng ah kami om ciah chang gui naw ning yavaih nak ci gui nei. Yum nak ung teihpüi gui-am ning yavaih nak ah mawng m’thein tu ba gui ä. Khanpughi ah m’gein nak cu nami van ah khan ah om “sa.

2 JOHAN 1:3

Pa Khanpughi la ah A Htapa Bawipa Jesuh Khrit ah m’geinsei nak, chihna nak la dimdeeih nak cu, thu thuuk shing ne m’hni nak om ciah mikmi ah khan ah om sä.

3 JOHAN 1:4

Ka hta gui thudüng ung nami ghin ah mawng cu ng’ya ne ka yei ah kawn ah, kei na yei sak ci a i kä om ba ci nei.

JUDE 1:2

Chimgein nak, dimdeeih nak la yumhni nak cu nangmi ung kümbe ne om sä.